សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៏ថា ក្នុងការបោះឆ្នោតជ្រើសតំាងតំណាងរាស្រ្តនីតិកាលទី៥នៅថ្ងៃទី២៨ កក្កដា ២០១៣ខាងមុខ គណបក្សប្រជាជនកម្ពុជានឹងទទួលបានអ្នកបោះឆ្នោតគំាទ្របន្ថែមទៀតនៅខេត្តបន្ទាយមានជ័យ តាមរយៈនយោបាយចាស់សកម្មភាពថ្មីក្នុងការវាស់វែងដីធ្លីជូនប្រជាពលរដ្ឋ ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៏ថា ក្នុងការបោះឆ្នោតជ្រើសតំាងតំណាងរាស្រ្តនីតិកាលទី៥នៅថ្ងៃទី២៨ កក្កដា ២០១៣ខាងមុខ គណបក្សប្រជាជនកម្ពុជានឹងទទួលបានអ្នកបោះឆ្នោតគំាទ្របន្ថែមទៀតនៅខេត្តបន្ទាយមានជ័យ តាមរយៈនយោបាយចាស់សកម្មភាពថ្មីក្នុងការវាស់វែងដីធ្លីជូនប្រជាពលរដ្ឋ ។
សម្តេចតេជោ សែន បានបញ្ជាក់ទៀតថា ការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់កាលពីឆ្នាំ២០១២កន្លងមកនេះនៅខេត្តបន្ទាយមានជ័យមានអ្នកបោះឆ្នោតគំាទ្រ៦៧,៧២% បើគិតអាសនៈសភាបាន៥ លើអាសនៈសរុបនៅខេត្តបន្ទាយមានជ័យចំនួន៦ ។ ដូច្នេះតាមរយៈនយោបាយចាស់សកម្មភាពថ្មីវាស់វែងធ្វើប័ណ្ណកម្មសិទ្ឋដីធ្លីរបស់គណបក្សប្រជាជនកម្ពុជា នឹងនំាឲ្យប្រជាជនគំាទ្របន្ថែមទៀត ។
ប្រសាសន៏លើកឡើងយ៉ាងដូច្នេះរបស់សម្តេចនាយករដ្ឋមន្រ្តី ហ៊ុន សែន បានធ្វើឡើងនៅព្រឹកថ្ងៃតី២១ មិថុនា ២០១៣ ក្នុងឱកាសដែលសម្តេចតេជោបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើបា្រស់ជាផ្លូវការផ្លូវជាតិ៥៩ ប្រវែងជាង១៤៤គីឡូម៉ែត្រ ចាប់បំបែកពីផ្លូវជាតិលេខ៥ ត្រង់គីឡូម៉ែត្រលេខ៣៩៣ ក្នុងភូមិកូនដំរី សង្កាត់និមិត្ត ក្រុងប៉ោយប៉ែតខេត្តបន្ទាយមានជ័យ ទៅដល់គីឡូម៉ែត្រលេខ៩០ ផ្លូវជាតិលេខ៥៧ ទៅដល់ភូមិស្ទឹងកាច់ ខេត្តប៉ៃលិន ចំណាយថវិកាជិត៧៣លានដុល្លារអាមេរិកបានមកពីកម្ចីសម្បទានពីសាធារណរដ្ឋប្រជាមានិតចិន ៕
ចែករំលែកព័តមាននេះ