តាមរយៈកិច្ចសហប្រតិបត្តិការជាមួយមជ្ឈមណ្ឌលពិភពលោកនៃអង្គការ UNESCO និងក្រុមហ៊ុន Panasonic បានអនុវត្តកម្មវិធីរួមគ្នាមួយក្នុងវិស័យអប់រំ ទំនាក់ទំនង និងការគាំទ្របច្ចេកវិទ្យាសម្រាប់អ្នកជំនាន់ក្រោយ ។
តាមរយៈកិច្ចសហប្រតិបត្តិការជាមួយមជ្ឈមណ្ឌលពិភពលោកនៃអង្គការ UNESCO និងក្រុមហ៊ុន Panasonic បានអនុវត្តកម្មវិធីរួមគ្នាមួយក្នុងវិស័យអប់រំ ទំនាក់ទំនង និងការគាំទ្របច្ចេកវិទ្យាសម្រាប់អ្នកជំនាន់ក្រោយ ។
នៅមជ្ឈមណ្ឌលព័ត៌មានបាយ័នទីក្រុងសៀមរាប កាលពីថ្ងៃទី១៧ មិថុនា ២០១៣ នេះអង្គការ UNESCO ដោយមានការឧបត្ថម្ភគាំទ្រពីក្រុមហ៊ុន Panasonic បានរៀបចំកម្មវិធីអប់រំដល់សិស្សានុសិស្សកម្ពុជាឱ្យយល់ដឹងពីការរក្សាបរិស្ថាន និងសម្បត្តិបេតិកភណ្ឌពិភពលោក ។
លោក Phillippe Delanghe ប្រធានផ្នែកវប្បធម៌ និងអ្នកឯកទេសកម្មវិធីវប្បធម៌នៃការិយាល័យអង្គការ UNESCO កម្ពុជាបានមានប្រសាសន៍ថា ភាពជាដៃគូយុទ្ធសាស្ត្រជាក់លាក់រវាងក្រុមហ៊ុន Panasonic និងអង្គការ UNESCO នៅឆ្នាំ២០១១ គឺការអប់រំ និងបង្កើនការយល់ដឹងលើសារសំខាន់ និងតម្លៃនៃតំបន់បេតិកភណ្ឌពិភពលោកតាមរយៈការលើកកម្ពស់នៃការងារ និងសកម្មភាពអប់រំដល់មនុស្សជំនាន់ក្រោយ ។
លោកបានបន្តថា បច្ចុប្បន្ននេះក្រុមហ៊ុន Panasonic បានអនុវត្តកម្មវិធីសិក្សា អេកូបេតិកភណ្ឌពិភពលោករបស់ខ្លួនជាង១០តំបន់នៃបេតិកភណ្ឌពិភពលោក និងមានកម្មវិធីប្រឡងលើរូបភាពអេកូកាលពីឆ្នាំមុនដោយភ្ជាប់ជាមួយកុមារ UNESCO មកពីជុំវិញពិភពលោកដើម្បីបង្ហាញពីគំនិតរក្សាបរិស្ថាន និងបេតិកភណ្ឌពិភពលោក ។
សូមបញ្ជាក់ថា ក្រុមហ៊ុន Panasonic កំពុងធ្វើយុទ្ធនាការនៅទូទាំងពិភពលោកជាមួយនឹងការលើកកម្ពស់សម្បត្តិបេតិកភណ្ឌពិភពលោកតាមរយៈការរួមបញ្ចូលគ្នានៃការផ្សព្វផ្សាយស្តីពីការព្រួយបារម្ភរបស់ខ្លួនទៅនឹងការប្រែប្រួលប្រភពថាមពល ការកែច្នៃ ការប្រើប្រាស់ទឹកឡើងវិញ ការដាំដើមឈើ និងការអប់រំទៅអនាគត ៕
ចែករំលែកព័តមាននេះ