រាជធានីភ្នំពេញ, ថ្ងៃទី ១១ ខែធ្នូ ឆ្នាំ ២០២៥ ៖ ក្រុមហ៊ុន​អាកាសចរណ៍ Turkish Airlines ដែល​ជា​ក្រុមហ៊ុន​អាកាសចរណ៍​ដែល​ហោះហើរ​ទៅ​កាន់​ប្រទេស​ជា​ច្រើន​ដែល​ច្រើន​ជាង​ក្រុមហ៊ុន​ដទៃ​ទៀត បាន​ឈាន​មួយ​ជំហាន​ទៀត​ដើម្បី​ពង្រីក​វិសាលភាព​ជា​សកល​របស់​ខ្លួន ដោយ​បាន​បើក​ដំណើរការ​ជើងហោះហើរ​ទៅ​កាន់​រាជធានី​ភ្នំពេញ​នៃ​ព្រះរាជាណាចក្រ​កម្ពុជា ដែល​ស្រប​ទៅ​តាម​គោលដៅ​យុទ្ធសាស្ត្រ​របស់​ខ្លួន ​។

ជាមួយនឹង​គោលដៅ​ថ្មី​នេះ ព្រះរាជាណាចក្រ​កម្ពុជា​បាន​ក្លាយជា​ប្រទេស​ទី 7 ដែល​បម្រើ​សេវាកម្ម​ដោយ​ក្រុមហ៊ុន​អាកាសចរណ៍​ជាតិ​នៅ​អាស៊ី​អាគ្នេយ៍ ហើយ​រាជធានី​ភ្នំពេញ​ បាន​ចូលរួម​ក្នុង​បណ្តាញ​ជាទី​ក្រុង​ទី 11 នៅ​ក្នុង​តំបន់ ​។ ដើម្បី​ពង្រឹង​ទំនាក់ទំនង​ពាណិជ្ជកម្ម​រវាង​សាធារណរដ្ឋ​តួ​ក​គី​យ៉េ និង​ព្រះរាជាណាចក្រ​កម្ពុជា និង​រួមចំណែក​ដល់​កំណើនសេដ្ឋកិច្ច​នៃ​ទីផ្សារ​ដែល​កំពុង​រីក​ចម្រើន​នេះ ផ្លូវ​ហោះហើរ​ពី​រាជធានី​ភ្នំពេញ​ទៅ​ពង្រីក​បណ្តាញ​ចុង​បូព៌ា​របស់​ក្រុមហ៊ុន​អាកាសចរណ៍​ដល់​ទៅ 20 ទីក្រុង និង​អាកាសយានដ្ឋាន​ចំនួន 21 ​។

ផ្លូវ​ហោះហើរ​ថ្មី​នេះ​ផ្តល់​ជូន​ភ្ញៀវ​របស់​ក្រុមហ៊ុន Turkish Airlines នូវ​ច្រក​ផ្លូវ​ទៅ​កាន់​គោលដៅ​សំខាន់​ៗ​មួយ​ក្នុង​តំបន់​បាន​កាន់តែ​ងាយស្រួល និង​បង្ហាញ​ជា​ថ្មី​ម្តងទៀត​អំពី​កា​រត​ភ្ជាប់​ដែល​មិន​អាច​ប្រៀបផ្ទឹម​បាន ដែល​ក្រុមហ៊ុន​អាកាសចរណ៍​នៃ​សាធារណរដ្ឋ​តួ​ក​គី​យ៉េ​ផ្តល់​ជូន ក្នុង​នាម​ជា​ក្រុមហ៊ុន​អាកាសចរណ៍​អឺរ៉ុប​តែ​មួយ​គត់​ដែល​ហោះហើរ​ទៅ​កាន់​គោលដៅ​នេះ​ ។

ក្រុមហ៊ុន​អាកាសចរណ៍ Turkish Airlines ដំណើរការ​ជើងហោះហើរ​មក​កាន់​រាជធានី​ភ្នំពេញ​បី​ដង​ក្នុង​មួ​យស​ប្តា​ហ៍​។ ជើងហោះហើរ​ពី​ទីក្រុង​អ៊ី​ស្តង់​ប៊ុល​មក​កាន់​រាជធានី​ភ្នំពេញ​ចេញដំណើរ​នៅ​ថ្ងៃ​ពុធ ថ្ងៃ​សុក្រ និង​ថ្ងៃអាទិត្យ ខណៈ​ដែល​ជើងហោះហើរ​ទៅ​មក​ទីក្រុង​អ៊ី​ស្តង់​ប៊ុល​ដំណើរការ​នៅ​ថ្ងៃ​ច័ន្ទ ថ្ងៃ​ព្រហស្បតិ៍ និង​ថ្ងៃ​សៅរ៍​ ។

ស្រប​ពេល​នៃ​ការ​បើក​ដំណើរការ​ផ្លូវ​ហោះហើរ​ថ្មី​នេះ លោក Bilal Ekşi នាយក​ប្រតិបត្តិ​ក្រុមហ៊ុន​អាកាសចរណ៍ Turkish Airlines បាន​មាន​ប្រសាសន៍​ថា “​ក្នុង​នាម​ជា​ក្រុមហ៊ុន​អាកាសចរណ៍​របស់​សាធារណរដ្ឋ​តួ​ក​គី​យ៉េ យើង​បន្ត​ពង្រីក​បណ្តាញ​ត​ភ្ជាប់​ទ្វីប​នានា និង​ពង្រឹង​កា​រត​ភ្ជាប់​របស់​យើង​ជាមួយ​គោលដៅ​យុទ្ធសាស្ត្រ​ ។ ការ​បន្ថែម​ព្រះរាជាណាចក្រ​កម្ពុជា​ជា​ប្រទេស​ទី 132 របស់​យើង​ទៅ​ក្នុង​បណ្តាញ​ដែល​មិន​អាច​ប្រៀបផ្ទឹម​បាន​របស់​យើង ហើយ​ការ​ដាក់​ឱ្យ​ដំណើរការ​ជើងហោះហើរ​ទៅ​កាន់​រាជធានី​ភ្នំពេញ គឺជា​ជំហាន​ដ៏​សំខាន់​មួយ​ឆ្ពោះទៅ​មុខ​ក្នុង​គោលដៅ​នេះ ​។ ជើងហោះហើរ​របស់​យើង​ទៅ​កាន់​ព្រះរាជាណាចក្រ​កម្ពុជា នឹង​បង្ហាញ​ពី​ឱកាស​ថ្មី​ៗ​សម្រាប់​ទាំង​វិស័យ​ទេសចរណ៍ និង​អាជីវកម្ម​។ លើស​ពី​នេះ ក្នុង​នាម​ជា​ក្រុមហ៊ុន​អាកាសចរណ៍​អឺរ៉ុប​តែ​មួយ​គត់​ដែល​ហោះហើរ​ទៅ​កាន់​គោលដៅ​នេះ យើង​នឹង​ពង្រឹង​ភាព​ជា​អ្នកដឹកនាំ​របស់​យើង​នៅ​ក្នុង​តំបន់​បន្ថែម​ទៀត​” ​។

ទីក្រុង​ភ្នំពេញ ដែល​ជា​រាជធានី​នៃ​ព្រះរាជ​ណា​ចក្រ​កម្ពុជា ជា​មជ្ឈមណ្ឌល​ទេសចរណ៍ និង​ពាណិជ្ជកម្ម​ដ៏​សំខាន់​បំផុត​មួយ​នៅ​ក្នុង​តំបន់ ជាមួយនឹង​រចនាសម្ព័ន្ធ​ប្រវត្តិសាស្ត្រ បេតិកភណ្ឌ​វប្បធម៌ និង​ជីវិត​ទីក្រុង​ដ៏​រស់​រវើក​។ ស្ថិត​នៅ​ចំណុចប្រសព្វ​នៃ​ទន្លេមេគង្គ និង​ទន្លេសាប ទីក្រុង​នេះ​ផ្តល់​ជូន​ភ្ញៀវ​ទេសចរ​នូវ​បទ​ពិសោធន៍​វប្បធម៌​ដ៏​សម្បូរ​បែប​ជាមួយនឹង​ព្រះ​បរមរាជវាំង សារមន្ទីរ​ជាតិ និង​ផ្សារ​ប្រពៃណី​ ។

ជា​ផ្នែក​មួយ​នៃ​ការ​ផ្សព្វផ្សាយ​ពិសេស​សម្រាប់​ការ​បើក​ដំណើរការ​របស់​ខ្លួន ភ្ញៀវ​អាច​កក់​សំបុត្រ​ចាប់ពី​ថ្ងៃ​ទី 10 ខែកុម្ភៈ ឆ្នាំ 2026 សម្រាប់​ការ​ធ្វើ​ដំណើរ​រហូត​ដល់​ថ្ងៃ​ទី 31 ខែតុលា ឆ្នាំ 2026 ជាមួយនឹង​តម្លៃ​សំបុត្រ​ចាប់ពី 699 ដុល្លារ​អា​មេ​រិ​ក​សម្រាប់​ជើងហោះហើរ​ពី​ទីក្រុង​អ៊ី​ស្តង់​ប៊ុល​មក​កាន់​រាជធានី​ភ្នំពេញ និង 679 ដុល្លារ​អា​មេ​រិ​ក​សម្រាប់​ជើងហោះហើរ​ពី​រាជធានី​ភ្នំពេញ​ទៅ​កាន់​ទីក្រុង​អ៊ី​ស្តង់​ប៊ុល​ ។ តម្លៃ​ទាំងនេះ​អាច​រកបាន​នៅ​លើ​គេហទំព័រ​ផ្លូវការ​របស់​ក្រុមហ៊ុន​អាកាសចរណ៍ Turkish Airlines ហើយ​តម្លៃ​អាច​ប្រែប្រួល​នៅ​តាម​ការិយាល័យ​លក់​សំបុត្រ និង​ភ្នាក់ងារទេសចរណ៍ ​។

សម្រាប់​ព័ត៌មាន​បន្ថែម​អំពី​ក្រុមហ៊ុន​អាកាសចរណ៍ Turkish Airlines និង​កាលវិភាគ​ជើងហោះហើរ​របស់​ខ្លួន សូម​ចូល​ទៅ​កាន់​គេហទំព័រ http://www.turkishairlines.com/ ឬ​ទូរស័ព្ទ​ទៅ​កាន់​លេខ 444 0 849 ឬ​ទាក់ទង​ការិយាល័យ​លក់​របស់​ក្រុមហ៊ុន​អាកាសចរណ៍ Turkish Airlines ណាមួយ​ ។
ក្រុមហ៊ុន​អាកាសចរណ៍ Turkish Airlines
នាយកដ្ឋាន​ទំនាក់ទំនង

អំពី​ក្រុមហ៊ុន​អាកាសចរណ៍ Turkish Airlines ៖
បង្កើត​ឡើង​ក្នុង​ឆ្នាំ 1933 ជាមួយនឹង​យន្តហោះ​ចំនួន​ប្រាំ​គ្រឿង ក្រុមហ៊ុន​អាកាសចរណ៍ Turkish Airlines ដែល​ជា​សមាជិក​នៃ Star Alliance មាន​យន្តហោះ​ចំនួន 514 គ្រឿង (​ដឹក​អ្នកដំណើរ និង​ដឹក​ទំនិញ​) ដែល​ហោះហើរ​ទៅ​កាន់​គោលដៅ​ចំនួន 356 នៅ​ទូ​ទាំង​ពិភពលោក​ដែល​ក្នុង​នោះ​មាន​ជើងហោះហើរ​អន្តរជាតិ​ចំនួន 303 និង​ជើងហោះហើរ​ក្នុងស្រុក​ចំនួន 53 នៅ​ក្នុង 132 ប្រទេស​ ។ ព័ត៌មាន​បន្ថែម​អំពី​ក្រុមហ៊ុន​អាកាសចរណ៍ Turkish Airlines អាច​រកបាន​នៅ​លើ​គេហទំព័រ​ផ្លូវការ​របស់​ខ្លួន http://www.turkishairlines.com/ ឬ​គណនី​បណ្តាញ​សង្គម​របស់​ខ្លួន​នៅ​លើ Facebook, X, YouTube, LinkedIn និង Instagram ​។

អំពី Star Alliance ៖
បង្កើត​ឡើង​ក្នុង​ឆ្នាំ 1997 ក្នុង​នាម​ជា​សម្ព័ន្ធ​ក្រុមហ៊ុន​អាកាសចរណ៍​សកល​ដំបូង​គេ​បង្អស់ បណ្តាញ Star Alliance ត្រូវ​បាន​បង្កើត​ឡើង​ដោយ​ផ្អែក​លើ​សំណើ​គុណ​តម្លៃ​របស់​អតិថិជន នៃ​ការ​ឈាន​ទៅ​កាន់​សកលលោក ការ​ទទួលស្គាល់​ទូ​ទាំង​ពិភពលោក និង​សេវាកម្ម​ដ៏​រលូន​ ។ ចាប់តាំងពី​ការ​ចាប់ផ្តើម​របស់​ខ្លួន​មក វា​បាន​ផ្តល់​ជូន​នូវ​បណ្តាញ​ក្រុមហ៊ុន​អាកាសចរណ៍​ដ៏​ធំ និង​ទូលំទូលាយ​បំផុត ដោយ​ផ្តោត​សំខាន់​លើ​ការ​បង្កើន​បទ​ពិសោធន៍​របស់​អតិថិជន​ពេញ​មួយ​ដំណើរ​របស់​សម្ព័ន្ធ​ ។ ក្រុមហ៊ុន​អាកាសចរណ៍​ជា​សមាជិក​រួម​មាន ​៖ Aegean Airlines, Air Canada, Air China, Air India, Air New Zealand, ANA, Asiana Airlines, Austrian, Avianca, Brussels Airlines, Copa Airlines, Croatia Airlines, EGYPTAIR, Ethiopian Airlines, EVA Air, LOT Polish Airlines, Lufthansa, Shenzhen Airlines, Singapore Airlines, South African Airways, SWISS, TAP Air Portugal, THAI, Turkish Airlines និង United​ ។ ជា​រួមបណ្តាញ Star Alliance បច្ចុប្បន្ន​ផ្តល់​ជូន​ជើងហោះហើរ​ប្រចាំ​ថ្ងៃ​ចំនួន 17,837 ជើង​ទៅ​កាន់​អាកាសយានដ្ឋាន​ជាង 1,160 កន្លែង​នៅ​ក្នុង 192 ប្រទេស ​។ ជើងហោះហើរ​ត​ភ្ជាប់​បន្ថែម​ទៀត​ត្រូវ​បាន​ផ្តល់​ជូន​ដោយ​ដៃគូ​ត​ភ្ជាប់ Star Alliance គឺ Juneyao Airlines​ ។ ទំនាក់ទំនង​ការិយាល័យ​សារព័ត៌មាន Star Alliance តាម​រយៈ​លេខ​ទូរស័ព្ទ +៦៥ ៨៧២៩ ៦៦៩១ ឬ​អ៉ីមែល ​៖ mailto:mediarelations@staralliance.com ឬ​ចូល​មើល​គេហទំព័រ​របស់​យើងខ្ញុំ ឬ​ភ្ជាប់​ទំនាក់ទំនង​ជាមួយ​យើងខ្ញុំ​នៅ​លើ​បណ្តាញ​សង្គម​នានា​រួម​មាន X, Facebook, Instagram, Linkedin និង YouTube​ ៕ អត្ថបទសហការ