ធនាគាររដ្ឋវៀតណាមគ្រោងចាប់ផ្តើមប្រតិបត្តិការក្រុមហ៊ុនគ្រប់គ្រងទ្រព្យសកម្មនៅពាក់កណ្តាលខែកក្កដា ដើម្បីបោសសម្អាតបំណុលខូចចំនួន៥ពាន់លានដុល្លារ និងបង្កើនដំណើរការស្តារធនាគារក្នុងប្រទេសឡើងវិញ ។ទេសាភិបាលធនាគារកណ្តាលលោកង្វៀន វ៉ាន់ប៊ិញ ថ្លែងនៅក្នុងពិធីពិនិត្យរបាយការណ៍ពាក់កណ្តាលឆ្នាំជាមួយក្រុមហ៊ុនផ្តល់ប្រាក់កម្ចីពាណិជ្ជកម្មថា ធនាគារ
ធនាគាររដ្ឋវៀតណាមគ្រោងចាប់ផ្តើមប្រតិបត្តិការក្រុមហ៊ុនគ្រប់គ្រងទ្រព្យសកម្មនៅពាក់កណ្តាលខែកក្កដា ដើម្បីបោសសម្អាតបំណុលខូចចំនួន៥ពាន់លានដុល្លារ និងបង្កើនដំណើរការស្តារធនាគារក្នុងប្រទេសឡើងវិញ ។ទេសាភិបាលធនាគារកណ្តាលលោកង្វៀន វ៉ាន់ប៊ិញ ថ្លែងនៅក្នុងពិធីពិនិត្យរបាយការណ៍ពាក់កណ្តាលឆ្នាំជាមួយក្រុមហ៊ុនផ្តល់ប្រាក់កម្ចីពាណិជ្ជកម្មថា ធនាគារត្រូវតែធ្វើកាតព្វកិច្ចដូចគ្នាពីរនោះគឺដោះស្រាយបំណុលអាក្រក់ និងបញ្ចៀសបំណុលដែលមានស្រាប់មិនឲ្យក្លាយទៅជាបំណុលខូចទៀត ។
គួរបញ្ជាក់ថា កាលពីខែមុននាយករដ្ឋមន្ត្រីង្វៀន តាន់ដុង បានអនុម័តការបង្កើតក្រុមហ៊ុនគ្រប់គ្រងទ្រព្យសកម្ម ដែលចូលជាធរមាននៅថ្ងៃទី៩កក្កដា ដែលនឹងធ្វើលទ្ធកម្មឥណទានមិនទាន់សងពីក្រុមហ៊ុនផ្តល់កម្ចី ។ក្រុមមន្ត្រីជាច្រើនកំពុងស្ថិតក្រោមសម្ពាធក្នុងការធ្វើឲ្យសេដ្ឋកិច្ចមានប្រសិទ្ធភាពឡើងវិញ ដែលកាលពីឆ្នាំទៅមិញ សេដ្ឋកិច្ចប្រទេសនេះកើនឡើងក្នុងល្បឿនមួយទាបបំផុតចាប់តាំងពីឆ្នាំ១៩៩៩មក ដោយសារកម្រិតបំណុលខូចខ្ពស់បំផុតនៅក្នុងប្រទេសអាស៊ីអាគ្នេយ៍មួយនេះ បានបង្អាក់ឥណទានចំពោះក្រុមហ៊ុនពាណិជ្ជកម្ម ។
ក្រុមហ៊ុន ឬស្ថាប័នផ្តល់កម្ចីដែលមានអត្រាបំណុលខូច៣% ឬលើសពីនេះ នឹងត្រូវបានធ្វើលទ្ធកម្មដើម្បីលក់ឥណទានមិនទាន់សងរបស់គេទៅឲ្យក្រុមហ៊ុនគ្រប់គ្រងទ្រព្យសកម្ម។នេះបើយោងតាមរបាយការណ៍រដ្ឋាភិបាលចុះផ្សាយថ្ងៃទី២២ឧសភា ។ ក្រុមហ៊ុននឹងមានដើមទុនចុះបញ្ជីលើកដំបូងចំនួន៥០០ពាន់លានដុង(២៤លានដុល្លារ) និងត្រូវបានត្រួតពិនិត្យដោយធនាគារកណ្តាល ។
លោក Vu Viet Ngoan ប្រធានគណៈកម្មាធិការប្រឹក្សាហិរញ្ញវត្ថុជាតិបានឲ្យដឹងកាលពីខែមុនថា ក្រុមហ៊ុនគ្រប់គ្រងទ្រព្យសកម្មត្រូវបានគេរំពឹងថា នឹងដោះស្រាយបំណុលខូចប្រហែល១០០លានលានដុង ។
ចំណែកលោកទេសាភិបាលធនាគារកណ្តាលនិយាយថាក្រុមហ៊ុនមានបំណងបោសសម្អាតបំណុលខូចចំនួន៤០លានលានទៅ៧០លានលានដុងនៅក្នុងឆ្នាំនេះ ។
យោងតាមរបាយការណ៍ធនាគារកណ្តាលវៀតណាមបានឲ្យដឹងថា បំណុលខូចមានចំនួនស្មើនឹង៤,៥១%នៃបំណុលសរុបគិតត្រឹមដំណាច់ខែមីនា ៕
ចែករំលែកព័តមាននេះ