យោងតាមការសិក្សាមួយដែលចេញផ្សាយកាលពីថ្ងៃទី១០ មិថុនា ២០១៣ បានបង្ហាញថា ការកើនឡើងនៃការបញ្ចេញជាតិកាបូននឹងធ្វើឲ្យផ្នែកជាច្រើននៃប្រទេសឥណ្ឌា ចិន អាស៊ីអាគ្នេយ៍ អាហ្វ្រិកខាងកើត និងជួរភ្នំអាន់ដេស(Andes)ភាគខាងជើងជួបហានិភ័យទឹកជំនន់ខ្ពស់ ។
យោងតាមការសិក្សាមួយដែលចេញផ្សាយកាលពីថ្ងៃទី១០ មិថុនា ២០១៣ បានបង្ហាញថា ការកើនឡើងនៃការបញ្ចេញជាតិកាបូននឹងធ្វើឲ្យផ្នែកជាច្រើននៃប្រទេសឥណ្ឌា ចិន អាស៊ីអាគ្នេយ៍ អាហ្វ្រិកខាងកើត និងជួរភ្នំអាន់ដេស(Andes)ភាគខាងជើងជួបហានិភ័យទឹកជំនន់ខ្ពស់ ។
ការសិក្សានោះបានបង្ហាញថា ការកើនឡើងកំដៅពិភពលោកនឹងបង្កើនប្រេកង់ដែលទឹកជំនន់នឹងកើតមានឡើងនៅក្នុងតំបន់ទាំងនោះ ខណៈដែលអឺរ៉ុបខាងកើត ផ្នែកជាច្រើននៃតំបន់ស្គែនឌីណាវៀ ប្រទេសឈីលី អាហ្សង់ទីន នឹងមានផលប៉ះពាល់តិចតួច ។
ការប៉ាន់ស្មាននេះគឺពឹងផ្អែកលើគំរូ១១សម្រាប់ការបញ្ចេញឧស្ម័នផ្ទះកញ្ចក់ និងផលប៉ះពាល់របស់វាលើអាងទន្លេចំនួន២៩នៅក្នុងឆ្នាំ២១០០ ។
នៅក្នុងការប៉ាន់ស្មានចុងក្រោយ បានបង្ហាញថា ប្រសិនបើសីតុណ្ហភាពឡើង៤ឬ៥អង្សាសេនោះ ទឹកជំនន់ដែលតែងតែកើតមានឡើងរៀងរាល់១០០ឆ្នាំម្តងនៅក្នុងសតវត្សទី២០អាចត្រឡប់ទៅរៀងរាល់១០ ឬ៥០ឆ្នាំម្តងនៅក្នុងទីតាំងដែលងាយរងគ្រោះបំផុត។
លោកស៊ីជីរូ៉ កាណាអិ វិស្វករស៊ីវិលនៃវិទ្យាស្ថានបច្ចេកវិទ្យាទីក្រុងតូក្យូបាននិយាយថា ភាគច្រើននៃតំបន់ទាំងនោះត្រូវបានគេដឹងឮគ្រប់គ្នាហើយថា ជាតំបន់ដែលរងគ្រោះដោយទឹកជំនន់។ ដូច្នេះការវិលត្រឡប់មកវិញនៃទឹកជំនន់រៀងរាល់មួយសតវត្សម្តងនឹងថមថយប្រសិនបើកម្រិតនៃកម្តៅនៅក្នុងឆ្នាំ២១០០ធ្លាក់ចុះ ។
សមាជិកអង្គការសហប្រជាជាតិបានសន្យាកំណត់ការឡើងកម្តៅដល់២អង្សាសេបើធៀបនឹងសីតុណ្ហភាពមុនឧស្សាហកម្ម ។ ប៉ុន្តែការកើនឡើងកំហាប់កាបូននាពេលបច្ចុប្បន្នគឺស្មើគ្នានឹងកម្រិត៤អង្សាសេ ឬ៥អង្សាសេនៅក្នុងឆ្នាំ២១០០ ជាតួលេខមួយដែលអ្នកវិទ្យាសាស្ត្រជាច្រើននិយាយថានឹងបង្កគ្រោះមហន្តរាយដល់ជីវចម្រុះ និងប្រជាជនរាប់លាននាក់អត់ឃ្លាន និងធ្វើឱ្យកើនឡើងកម្រិតនីវ៉ូសមុទ្រ ៕
ចែករំលែកព័តមាននេះ