សហរដ្ឋអាមេរិក ៖ មជ្ឈមណ្ឌលត្រួតពិនិត្យបេសកកម្មទៅភពព្រះអង្គារ របស់យាន INSIGHT មានទីតាំងនៅជិតទីក្រុងឡូសអេនចឺឡេស រាយការណ៍នាថ្ងៃទី២៥ វិច្ឆិកាថា រៀបចំការចុះចតនាថ្ងៃទី២៦ វិច្ឆិការបស់យាននោះលើភពក្រហម។…
សហរដ្ឋអាមេរិក ៖ មជ្ឈមណ្ឌលត្រួតពិនិត្យបេសកកម្មទៅភពព្រះអង្គារ របស់យាន INSIGHT មានទីតាំងនៅជិតទីក្រុងឡូសអេនចឺឡេស រាយការណ៍នាថ្ងៃទី២៥ វិច្ឆិកាថា រៀបចំការចុះចតនាថ្ងៃទី២៦ វិច្ឆិការបស់យាននោះលើភពក្រហម។
ប្រសិនបើអ្វីៗប្រព្រឹត្តទៅស្របតាមផែនការ នោះយាន MARS INSIGHT ដែលហោះហើររួចហើយ ក្នុងចម្ងាយផ្លូវ៥៤៨លានគីឡូម៉ែត្រនោះ នឹងហោះចូលក្នុងដែនអាកាសពណ៌កូឡាបរបស់ភពព្រះអង្គារ នាយប់ថ្ងៃទី២៦ វិច្ឆិកា ម៉ោងនៅអឺរ៉ុប ខណៈយាននេះហោះហើរក្នុងល្បឿន ១៩.៣១០គីឡូម៉ែត្រក្នុង១ម៉ោង ហើយការចុះឆ្ពោះទៅកាន់ដែនដីភពព្រះអង្គារ នឹងជួយទប់ដោយបរិយាកាស និងដោយឆ័ត្រយោងយក្សមួយព្រមទាំងកាំជ្រួចទប់។
យានរូបូនោះត្រូវបានបាញ់បង្ហោះចេញពីរដ្ឋកាលីហ្វ័រនីញ៉ាកាលពីខែឧសភា ហើយត្រូវចុះត្រង់កន្លែងមួយស្ថិតនៅចម្ងាយ៦០០គីឡូម៉ែត្រពីចំណុចចុះចត របស់យាន CURIOSITY ដែលទៅកាន់ភពព្រះអង្គារ កាលពីឆ្នាំ២០១២ ដែលជាយានចុងក្រោយរបស់NASA ចុះលើភពក្រហម។
INSIGHTមានទម្ងន់៣៦០គីឡូក្រាមតំណាងឲ្យបេសកកម្មលើកទី២១របស់សហរដ្ឋអាមេរិក ឆ្ពោះទៅភពព្រះអង្គារចាប់តាំងពីបេសកកម្មរបស់យានMARINER កាលពីទសវត្សឆ្នាំ១៩៦០មក។ បេសកកម្មជិត២០ទៀតទៅកាន់ភពព្រះអង្គារដែរ ធ្វើដោយប្រទេសឯទៀតៗ៕
ចែករំលែកព័តមាននេះ