ការផ្ទុះដ៏ធំមួយបានកម្ទេចកំពង់ផែពាណិជ្ជកម្មដ៏ធំបំផុត របស់ប្រទេសអ៊ីរ៉ង់កាលពីថ្ងៃសៅរ៍ ដោយបង្កឱ្យមានការឆាបឆេះដ៏ធំមួយដោយមនុស្ស ១៤នាក់បានស្លា.ប់ និង៧៥០នាក់ បានរងរបួសរហូតមកដល់ពេលនេះ ។ ការផ្ទុះបានកើតឡើងនៅកំពង់ផែ Shahid Rajaee…
ការផ្ទុះដ៏ធំមួយបានកម្ទេចកំពង់ផែពាណិជ្ជកម្មដ៏ធំបំផុត របស់ប្រទេសអ៊ីរ៉ង់កាលពីថ្ងៃសៅរ៍ ដោយបង្កឱ្យមានការឆាបឆេះដ៏ធំមួយដោយមនុស្ស ១៤នាក់បានស្លា.ប់ និង៧៥០នាក់ បានរងរបួសរហូតមកដល់ពេលនេះ ។
ការផ្ទុះបានកើតឡើងនៅកំពង់ផែ Shahid Rajaee នៅភាគខាងត្បូងប្រទេសអ៊ីរ៉ង់ ក្បែរច្រកសមុទ្រ Hormuz ដែលតាមរយៈនោះទិន្នផលប្រេងពិភពលោកចំនួន១ភាគ៥ឆ្លងកាត់ ។
ទោះបីជាមូលហេតុនៃការផ្ទុះនេះ មិនត្រូវបានគេដឹងច្បាស់ភ្លាមៗក៏ដោយ ការិយាល័យគយរបស់កំពង់ផែ បាននិយាយនៅក្នុងសេចក្តីថ្លែងការណ៍មួយដែលធ្វើឡើងដោយទូរទស្សន៍រដ្ឋថា វាប្រហែលជាបណ្តាលមកពីអគ្គិភ័យដែលបានឆាបឆេះនៅឃ្លាំងផ្ទុកសារធាតុគ្រោះថ្នាក់ និងសារធាតុគីមី ។
កាសែត New York Times បានរាយការណ៍ថា មនុស្សម្នាក់ដែលមានទំនាក់ទំនងជាមួយកងឆ្មាំបដិវត្តន៍អ៊ីស្លាមអ៊ីរ៉ង់ ដែលនិយាយក្នុងលក្ខខណ្ឌមិនបញ្ចេញឈ្មោះ ដើម្បីពិភាក្សាអំពីបញ្ហាសន្តិសុខបានប្រាប់កាសែតថា អ្វីដែលបានផ្ទុះ គឺសូដ្យូម perchlorate ដែលជាធាតុផ្សំសំខាន់សម្រាប់ការផលិតមីស៊ីល ។
រដ្ឋមន្ត្រីមហាផ្ទៃ Eskandar Momeni បាននិយាយនៅលើ Telegram នៅព្រឹកថ្ងៃអាទិត្យថា «មានមនុស្សស្លា.ប់ ១៤នាក់ និង៧៥០នាក់ បានរងរបួសនៅក្នុងការផ្ទុះ» ៕
ចែករំលែកព័តមាននេះ