អាមេរិក-ស៊ីរី ៖ ក្រោយការវាយប្រហារនៅស៊ីរីប្រឆាំងជនជាតិអាមេរិកនៅស៊ីរី កាលពីថ្ងៃទី១៣ ធ្នូ ប្រធានាធិបតីអាមេរិក លោកដូណាល់ត្រាំំថ្លែងនាថ្ងៃនោះថា យើងនឹងតបតវិញ ។ តាមសហរដ្ឋអាមេរិកថា…
អាមេរិក-ស៊ីរី ៖ ក្រោយការវាយប្រហារនៅស៊ីរីប្រឆាំងជនជាតិអាមេរិកនៅស៊ីរី កាលពីថ្ងៃទី១៣ ធ្នូ ប្រធានាធិបតីអាមេរិក លោកដូណាល់ត្រាំំថ្លែងនាថ្ងៃនោះថា យើងនឹងតបតវិញ ។ តាមសហរដ្ឋអាមេរិកថា ទាហានអាមេរិក២នាក់ និងជនស៊ីវិលអាមេរិកម្នាក់ ជាសមាជិកនៃគណៈប្រតិភូរួមមួយបានត្រូវស្លាប់ក្នុងការពួនស្ទាក់វាយប្រហារ របស់ខ្មាន់កាំភ្លើងម្នាក់ដែលជាមនុស្សរបស់ក្រុមរដ្ឋអ៊ិស្លាម។ ទីបញ្ជាការដ្ឋានយោធាអាមេរិកនៅមជ្ឈឹមបូព៌ាបញ្ជាក់ថា ទាហានអាមេរិក៣នាក់ទៀតក៏រងរបួសដែរ ក្នុងការវាយប្រហារនោះ ហើយខ្មាន់កាំភ្លើងបានត្រូវសម្លាប់។
តាមទីភ្នាក់ងារព័ត៌មានស៊ីរីSANA ថា សមាជិកកងកម្លាំងសន្តិសុខស៊ីរី២នាក់ក៏រងរបួសដែរ ក្នុងការបាញ់ប្រហារនោះ សំដៅលើគណៈប្រតិភូរួមមួយ។ លោកដូណាល់ត្រាំគូសបញ្ជាក់ទៅកាន់សារព័ត៌មានថា ការវាយប្រហារនោះធ្វើឡើងដោយក្រុមរដ្ឋអ៊ិស្លាម ក្នុងតំបន់ដ៏គ្រោះថ្នាក់បំផុតរបស់
ស៊ីរីដែលរដ្ឋាភិបាលស៊ីរីនៅមិនទាន់អាចត្រួតត្រាទាំងស្រុងនៅឡើយ។ តាមបណ្ដាញសង្គមTRUHT SOCIAL លោកត្រាំបន្តថា ទាហានអាមេរិកដែលរងរបួស៣នាក់ មិនមានគ្រោះថ្នាក់ដល់អាយុជីវិតឡើយ ។ លោកក៏អះអាងផងដែរថា ប្រធានាធិបតីស្ដីទីស៊ីរី លោកអាមេដអាល់ចារេហ៍ មានការខឹងយ៉ាងខ្លាំងចំពោះការវាយប្រហារនោះ ។
កងទាហានអាមេរិកកំពុងស្ថិតនៅក្នុងតំបន់វាលខ្សាច់ប៉ាល់មៀរ ដើម្បីបំពេញបេសកកម្ម ជួយទ្រទ្រង់ដល់ ប្រតិបត្តិការដែលនៅតែបន្ត ប្រឆាំងក្រុងភេរវកម្មរដ្ឋអ៊ិស្លាមក្នុងតំបន់។ អ្នកនាំពាក្យមន្ទីរប៉ង់តាហ្គោនអះអាងថា ជនស៊ីវិលអាមេរិកដែលស្លាប់ជាអ្នកបកប្រែភាសា ។
នេះជាលើកទីមួយហើយដែលមានព្រឹត្តិការណ៍បែបនោះ កើតមាននៅស៊ីរីចាប់តាំងពីការឡើងកាន់អំណាច របស់ក្រុមចម្រុះអ៊ិស្លាម ដែលប្រកាន់យកជំហរជិតដិតអាចមេរិក។ រដ្ឋាភិបាលស៊ីរីបានថ្កោលទោសយ៉ាងម៉ឺងម៉ាត់ ចំពោះការវាយប្រហារភេរវកម្មនោះ។ នេះជាការអះអាងរបស់រដ្ឋមន្ត្រីការបរទេសស៊ីរីលោកអាសាអាដអាល់ឆៃបានី ។
រដ្ឋមន្ត្រីការពារប្រទេសអាមេរិកលោក PETE HEGSETH បានចាត់ទុកការវាយប្រហារនោះថា ជាអំពើព្រៃផ្សៃនិងបានធ្វើការព្រមានមួយថា ប្រសិនបើអ្នកវាយប្រហារសំដៅលើពលរដ្ឋអាមេរិក នោះយើងនឹងតាមកមេ្ទចអ្នកទោះនៅទីណាក៏ដោយនៃពិភពលោក៕
ចែករំលែកព័តមាននេះ