រាជធានីភ្នំពេញ ៖ ការប្រកួតកីឡាបាល់ទះដណ្តើមជើងឯកពានរង្វាន់លីអូបៀរប្រចាំឆ្នាំ២០១៣ ដែលមានទឹកប្រាក់៦០លានរៀលបានចាប់ផ្តើមហើយកាលពីថ្ងៃទី១៧ មិថុនា នៅទីលាន Beeline Arena ជ្រោយចង្វា ។ ការប្រកួតនេះមានរយៈពេល៦ថ្ងៃចាប់ពីថ្ងៃទី១៧ ដល់២២ មិថុនា ដោយមានកីឡាករចូលរួមចំនួន៨ក្រុម បែងចែកជា២ពូលក្នុង១ពូលមាន៤ក្រុមគឺ៖
រាជធានីភ្នំពេញ ៖ ការប្រកួតកីឡាបាល់ទះដណ្តើមជើងឯកពានរង្វាន់លីអូបៀរប្រចាំឆ្នាំ២០១៣ ដែលមានទឹកប្រាក់៦០លានរៀលបានចាប់ផ្តើមហើយកាលពីថ្ងៃទី១៧ មិថុនា នៅទីលាន Beeline Arena ជ្រោយចង្វា ។ ការប្រកួតនេះមានរយៈពេល៦ថ្ងៃចាប់ពីថ្ងៃទី១៧ ដល់២២ មិថុនា ដោយមានកីឡាករចូលរួមចំនួន៨ក្រុម បែងចែកជា២ពូលក្នុង១ពូលមាន៤ក្រុមគឺ៖
-ពូល A មានក្រុមវិទ្យាល័យ ជា ស៊ីម សាមគ្គី ក្រុមវិទ្យាល័យឫស្សីកែវ , ក្រុមសាកលវិទ្យាល័យជាតិគ្រប់គ្រង និងក្រុមអង្គការដើម្បីភាពញញឹមនៃកុមារ PSE ។
-ពូលB មានក្រុមសហភាពសហព័ន្ធយុវជនកម្ពុជាសង្កាត់វាលស្បូវ , ក្រុមវិទ្យាល័យផ្សារដើមថ្កូវ, ក្រុមយុវជនវិទ្យាល័យអនុវត្ត និងក្រុមសហភាពសហព័ន្ធយុវជនកម្ពុជាខេត្តព្រៃវែង ។
នៅថ្ងៃបើកឆាកដំបូងមាន៣ប្រកួតក្នុងនោះក្រុមអង្គការដើម្បីភាពញញឹមនៃកុមារ PSE បានយកឈ្នះលើក្រុមវិទ្យាល័យជា ស៊ីម សាមគ្គី ៣សិតទល់២សិត ។ ក្រុមវិទ្យាល័យឫស្សីកែវ ឈ្នះក្រុមសាកលវិទ្យាល័យជាតិគ្រប់គ្រង៣សិតទល់២សិត និងក្រុមសហភាពសហព័ន្ធយុវជនកម្ពុជាខេត្តព្រៃវែង ឈ្នះក្រុមសហភាពសហព័ន្ធយុវជនកម្ពុជាសង្កាត់វាលស្បូវ៣សិតទល់នឹង០ ។
សូមបញ្ជាក់ថា សម្រាប់ប្រាក់រង្វាន់ជ័យលាភីដែលត្រូវប្រគល់ជូនដល់ក្រុមកីឡាករទទួលបានជ័យជម្នះគឺលេខ១ ទទួលបាន៤០លានរៀល , លេខ២ទទួលបាន៨លានរៀល ,លេខ៣ទទួលបាន៦លានរៀល និងលេខ៤ទទួលបាន៤លានរៀល ។ ការប្រកួតបាល់ទះដណ្តើមពានរង្វាន់ខាងលើនេះធ្វើឡើងក្នុងគោលបំណងពង្រឹងនិងអភិវឌ្ឍវិស័យកីឡាបាល់ទះ ឱ្យមានការរីកចម្រើនឈានទៅប្រកួតពីកម្រិតថ្នាក់ជាតិទៅអន្តរជាតិ ។
ផ្តល់ឱកាសដល់ក្រុមកីឡាករផ្លាស់ប្តូរបទពិសោធន៍បច្ចេកទេសល្អៗពីគ្នាទៅវិញទៅមក ។ បណ្តុះកីឡាករថ្មីៗឈានចូលលំដាប់ថ្នាក់ជម្រើសជាតិឱ្យបានកាន់តែច្រើន និងបំផុសឱ្យយុវជនចូលរួមក្នុងសកម្មភាពដែលមានតម្លៃសម្រាប់សង្គមជាតិតាមរយៈការលេងកីឡា ចៀសវាងការប្រព្រឹត្តអំពើអបាយមុខផ្សេងៗដែលសង្គមស្អប់ខ្ពើម ៕
ចែករំលែកព័តមាននេះ