ADផ្ទាំងផ្សព្វផ្សាយពាណិជ្ជកម្ម

ជុំវិញករណីចាប់រំលោភស្ត្រីមានផ្ទៃពោះ៧ខែ ប៉ូលិសថា ជារឿងប្រឌិតទាំងស្រុង

12 ឆ្នាំ មុន

១៨ ខែ មិថុនា ឆ្នាំ ២០១៣ ម៉ោង ០២:៤៩

ខេត្តកំពង់ឆ្នាំង ៖ លោកវរសេនីយ៍ត្រី ឌុច ចំរើន នាយការិយាល័យព្រហ្មទណ្ឌកម្រិតធ្ងន់នៃស្នងការដ្ឋានខេត្តកំពង់ឆ្នាំងបាននិយាយកាលពីព្រឹកថ្ងៃទី១៨ មិថុនា ២០១៣នេះថា ជុំវិញករណីក្មេងពាលមួយក្រុមបានចាប់រំលោភស្ត្រីមានផ្ទៃពោះ៧ខែ ខណៈពេលប្តីរបស់នាងកំពុងជាប់ពន្ធនាគារពីបទរំលោភក្មេងស្រីអាយុ១៤ឆ្នាំ កាលពី១០ថ្ងៃមុន ដែលគេសង្ស័យថា ជារឿងរំលោភសងសឹកនោះ ត្រូវបានសន្និដ្ឋានថា ជារឿងប្រឌិតទាំងស្រុង ។

លោកបានបន្តទៀតថា ដោយទទួលបទបញ្ជាផ្ទាល់ពីលោកស្នងការខេត្តឱ្យស្រាវជ្រាវករណីរំលោភស្ត្រីមានផ្ទៃពោះ៧ខែជាបន្ទាន់នោះ លោកបានដឹកនាំកម្លាំងទៅពិនិត្យនៅកន្លែងកើតហេតុស្ថិតក្នុងភូមិបឹងកក់ ឃុំលង្វែក ស្រុកកំពង់ត្រឡាច ហើយបានដឹងថា នោះជារឿងប្រឌិតសុទ្ធសាធ ។ លោកអះអាងបែបនេះដោយផ្អែកតាមសាក្សីជាច្រើននាក់ រួមទាំងប្រធានភូមិផងបានបំភ្លឺថា ករណីខាងលើនេះជារឿងប្រឌិតទាំងស្រុង ព្រោះស្ត្រីរងគ្រោះជាមនុស្សមានសតិមិនប្រក្រតី ៕