តម្លៃលំនៅឋានថ្មីនៅក្នុងទីក្រុងស្ទើរតែទាំងអស់របស់ចិនកើនឡើងកាលពីខែឧសភា ។ ការឡើងថ្លៃនេះដោយសារមានការសាងសង់មជ្ឈមណ្ឌលធំៗ ខណៈដែលវិធានការគ្រប់គ្រងអចលនទ្រព្យថ្មីៗរបស់រដ្ឋាភិបាលបរាជ័យមិនអាចទប់ស្កាត់អ្នកទិញបាន ។
ការិយាល័យស្ថិតិជាតិបាននិយាយនៅក្នុងរបាយការណ៍ថា តម្លៃលំនៅឋានបានកើនឡើងនៅក្នុងទីក្រុង៦៩ក្នុងចំណោមទីក្រុងធំៗ
តម្លៃលំនៅឋានថ្មីនៅក្នុងទីក្រុងស្ទើរតែទាំងអស់របស់ចិនកើនឡើងកាលពីខែឧសភា ។ ការឡើងថ្លៃនេះដោយសារមានការសាងសង់មជ្ឈមណ្ឌលធំៗ ខណៈដែលវិធានការគ្រប់គ្រងអចលនទ្រព្យថ្មីៗរបស់រដ្ឋាភិបាលបរាជ័យមិនអាចទប់ស្កាត់អ្នកទិញបាន ។
ការិយាល័យស្ថិតិជាតិបាននិយាយនៅក្នុងរបាយការណ៍ថា តម្លៃលំនៅឋានបានកើនឡើងនៅក្នុងទីក្រុង៦៩ក្នុងចំណោមទីក្រុងធំៗទាំង៧០ដែលបានតាមដានដោយរដ្ឋាភិបាល ។ ទីក្រុងពាណិជ្ជកម្មក្វាងចូវកើនឡើងខ្ពស់ជាងគេ ដោយតម្លៃលំនៅឋានកើនដល់ទៅ១៥%បើធៀបនឹងឆ្នាំមុន ។ តម្លៃលំនៅឋាននៅរដ្ឋធានីបេ៉កាំងកើនឡើង១២% ខណៈដែលទីក្រុងពាណិជ្ជកម្មសៀងហៃកើនឡើង១០% ។
គួរបញ្ជាក់ថា ទីក្រុងទាំងបីខាងលើនេះ ជាទីក្រុងដែលមានតម្លៃលំនៅឋានឡើងខ្ពស់ជាងគេបន្ទាប់ពីរដ្ឋាភិបាលបានផ្លាស់ប្តូរវិធីសាស្ត្រសម្រាប់ទិន្នន័យរបស់ខ្លួនកាលពីខែមករាឆ្នាំ២០១១ ។កាលពីខែមីនា រដ្ឋាភិបាលបានដាក់ចេញយុទ្ធនាការរយៈពេល៣ឆ្នាំដើម្បីទម្លាក់ថ្លៃលំនៅឋាន ។ ក្នុងនោះទីក្រុងប៉េកាំងបានចេញវិធានការតឹងរ៉ឹងបំផុតក្នុងចំណោមទីក្រុងទាំង៣៥ ។
ក្រុមប្រឹក្សារដ្ឋបាននិយាយនៅក្នុងរបាយការណ៍ដែលបង្ហោះតាមគេហទំព័ររដ្ឋាភិបាលកណ្តាលកាលពីថ្ងៃទី២៤ឧសភាថា ប្រទេសចិននឹងបង្កើនការសាកល្បងយកពន្ធអចលនទ្រព្យ ដែលត្រូវបានកំណត់យកតែទីក្រុងសៀងហៃ និងទីក្រុងចុងឈីងប៉ុណ្ណោះ ។តម្លៃលំនៅឋានថ្មីដែលធ្លាក់ចុះមានតែនៅទីក្រុងវិនចូវមួយប៉ុណ្ណោះ ដែលនៅទីក្រុងនោះតម្លៃលំនៅឋានបានធ្លាក់ចុះ៣,៦%ធៀបនឹងឆ្នាំមុន ៕
ចែករំលែកព័តមាននេះ