នាវាមុជទឹកជ្រៅមានមនុស្សជិះចិនឈ្មោះ JIAOLONG កាលពីថ្ងៃទី១៧ មិថុនា បានមុជ ទឹកចុះទៅបាតសមុទ្រចិនខាងត្បូងក្នុងក្របខណ្ឌនៃបេសកកម្មមួយរបស់នាវានោះ ។នាវាមុជទឹកជ្រៅ JIAOLONG ត្រូវបានលើកដាក់ក្នុងទឹកពីនាវាXIANGYAN GHONG-09 ហើយចាប់ផ្តើមមុជទឹកនាវេលាម៉ោង១០ ម៉ោងក្នុងស្រុក មុនពេលងើបពីទឹកលើកដាក់នាវាវិញនាវេលាម៉ោង១៦និង៣០នាទី។ នាវាមុជទឹកជ្រៅនេះ និងសមាជិកក្រុមនាវិក៣នាក់បានមុជដល់ទៅជម្រៅប្រមាណជា១.៤០០ម៉ែត្រ ។
លោកលីវប៉េង មេបញ្ជាការនៃបេសកកម្មរបស់នាវាមុជទឹកជ្រៅនេះគូសបញ្ជាក់ថា ជោគជ័យនៃការមុជទឹកលើកនេះអះអាងពីសមត្ថភាពរបស់នាវានោះដែលអាចដំណើរការប្រកបដោយការកត់ក្តៅ ។ លោកកត់សម្គាល់ថា ការរកឃើញសត្វសមុទ្រនឹងអាចជួយដល់ការស្រាវជ្រាវកាន់តែស៊ីជម្រៅនៅបាតសមុទ្រចិនខាងត្បូង ។
នាវាមុជទឹកជ្រៅ JIAOLONG កាលពីថ្ងៃទី១៧ មិថុនា បានចាកចេញពីកំពង់ផែវាងយីន ដើម្បីចាប់ផ្តើមបេសកកម្មរយៈពេល១១៣ថ្ងៃមួយ ។ បេសកកម្មនោះរួមមានការពិសោធន៍នានាសម្រាប់សាកល្បងប្រព័ន្ធប្រាប់ទីតាំងរបស់នាវានេះ ព្រមទាំងធ្វើការសិក្សាខាងជីវសាស្ត្រទាំងឡាយ ហើយប្រមូលផ្តុំនានានៅបាតមហាសមុទ្រប៉ាស៊ីហ្វិក ។ នាវាមុជទឹកជ្រៅ JIAOLONG កាលពីខែមិថុនា ឆ្នាំ២០១២ សម្រេចបានឯតទគ្គកម្មក្នុងការមុជទឹកដោយមុជដល់ជម្រៅ៧.០៦២ម៉ែត្រ ក្នុងតំបន់ជ្រៅ MARIANNES ក្នុងមហាសមុទ្រប៉ាស៊ីហ្វិក ។ បេសកកម្មនាពេលនេះ កំណត់ពីដំណាក់កាលនៃការសាកល្បងរយៈពេល៥ឆ្នាំមួយរបស់នាវានេះមុនពេលដាក់ធ្វើអាជីវកម្ម ៕
ចែករំលែកព័តមាននេះ