រាជធានីភ្នំពេញ ៖ ដើម្បីជំរុញលើកទឹកចិត្ត និងគាំទ្រដល់សិស្សានុសិស្សដែលបានខិតខំសិក្សាសាលាអន្តរជាតិរ៉េហ្វលម៉ុនតេសសូរី (Raffles Montessori International School ) បានប្រារព្ធពិធីប្រគល់វិញ្ញាបនបត្រដែលចេញពីសាលារ៉េហ្វលម៉ុនតេសសូរី សិង្ហបុរី និងទទួលស្គាល់ដោយក្រសួងអប់រំ យុវជន និងកីឡា ដល់សិស្សានុសិស្សសម្រាប់ឆ្នាំ២០១៣ ។
រាជធានីភ្នំពេញ ៖ ដើម្បីជំរុញលើកទឹកចិត្ត និងគាំទ្រដល់សិស្សានុសិស្សដែលបានខិតខំសិក្សាសាលាអន្តរជាតិរ៉េហ្វលម៉ុនតេសសូរី (Raffles Montessori International School ) បានប្រារព្ធពិធីប្រគល់វិញ្ញាបនបត្រដែលចេញពីសាលារ៉េហ្វលម៉ុនតេសសូរី សិង្ហបុរី និងទទួលស្គាល់ដោយក្រសួងអប់រំ យុវជន និងកីឡា ដល់សិស្សានុសិស្សសម្រាប់ឆ្នាំ២០១៣ ។
ពិធីនេះប្រារព្ធឡើងនៅថ្ងៃទី១៥ មិថុនា នៅសាលមហោស្រពចតុមុខ ដែលមានការចូលរួមពីសិស្សានុសិស្ស អាណាព្យាបាល លោកគ្រូ អ្នកគ្រូ ថ្នាក់ដឹកនាំគ្រប់លំដាប់ថ្នាក់នៃសាលាអន្តរជាតិរ៉េហ្វលម៉ុនតេសសូរី Raffles Montessori International School និងក្រោមអធិបតីភាពអនុរដ្ឋលេខាធិកាក្រសួងអប់រំយុវជន និងកីឡា លោក អឹុម កុច ។
នាឱកាសដែលមិនអាចបំភ្លេចបាននៅក្នុងពិធីនេះដែរ ការយកចិត្តទុកដាក់ និងបណ្តុះការគិតរបស់សិស្សានុសិស្សឲ្យមានការទទួលខុសត្រូវ និងស្រឡាញ់បរិស្ថាន ក៏មានការរៀបចំកម្មវិធី«តោះយើងធ្វើឲ្យអ្វីៗទៅជាបៃតង»ដែលមានការចូលរួមយ៉ាងសកម្មពីសិស្សានុសិស្សទៅលើការបញ្ចេញសមត្ថភាពច្រៀងរាំ សម្តែង ពីសិស្សានុសិស្សគ្រប់ថ្នាក់ដែលផ្តោតសំខាន់ទៅលើការស្រឡាញ់បរិស្ថាន និងធ្វើឲ្យសង្គមក្លាយជាពណ៌បៃតង ។ លើសពីនេះទៅទៀត យើងនឹងបានឃើញពីភាពច្នៃប្រឌិតដោយផ្ទាល់របស់អនាគតទំពាំងស្នងឫស្សី ពីការធ្វើនិស្សរណកម្ម(ការកែច្នៃរបស់មកប្រើឡើងវិញ) ពីសម្លៀកបំពាក់ សំរាម និងវត្ថុជ័រទៅជាសិល្បៈមួយដែលផុសចេញពីគំនិតរបស់សិស្សានុសិស្សរួមផ្សំជាមួយការបណ្តុះចេញពីសាលាអន្តរជាតិរ៉េហ្វលម៉ុនតេសសូរី Raffles Montessori International School និងមិត្តរួមថ្នាក់ជុំវិញ ។
តាមប្រសាសន៍របស់លោក អឹុម កុច ឲ្យដឹងថា ដើម្បីឲ្យការអប់រំធនធានមនុស្សមានសមត្ថភាពខ្ពស់ លុះត្រាតែយើងបណ្តុះនូវមូលដ្ឋានគ្រឹះឲ្យរឹងមាំតាំងពីកុមារភាពទៅ ហើយលោកសូមកោតសរសើរចំពោះគណៈគ្រប់គ្រង លោកគ្រូ អ្នកគ្រូទាំងអស់នៃសាលាអន្តរជាតិរ៉េហ្វលម៉ុនតេសសូរី Raffles Montessori International School ដែលបានខិតខំប្រឹងប្រែងអប់រំបណ្តុះបណ្តាលធនធានមនុស្សទទួលបានជាផ្លែផ្កានិងរួមចំណែកក្នុងការអភិវឌ្ឍវិស័យអប់រំ ពិសេសពង្រីកការអប់រំកុមារតូចតាំងពីថ្នាក់ទារកដ្ឋាន ថ្នាក់មតេ្តយ្យសិក្សា និងថ្នាក់បឋមសិក្សា ។
នៅក្នុងឱកាសនេះលោកនាយកសាលា អាដាម ហាវីត បានបញ្ជាក់ថា គោលដៅរបស់សាលាអន្តរជាតិរ៉េហ្វលម៉ុនតេសសូរី Raffles Montessori International Schoolគឺការឧបត្ថម្ភគាំទ្រ និងលើកទឹកចិត្តដល់ការវិវត្តន៍របស់សិស្ស ដូចនេះពួកគាត់អាចឈានដល់សក្តានុពលភាពពេញលេញ ព្រមទាំងក្លាយជាអ្នកជំនាញដ៏ពិតប្រាកដទោះបីជាស្ថិតក្នុងវិថីណាមួយក៏ដោយដែលគាត់ជ្រើសរើស ។
តាមប្រសាសន៍របស់លោក សុខ សម្បត្តិ អគ្គនាយកក្រុមហ៊ុនអេស ឌី អិនប៊ីស៊ីនីសគ្រុប (SDN Business Group) បានជម្រាបឲ្យដឹងពី គម្រាងបើកសាខាសាលាអន្តរជាតិរ៉េហ្វលម៉ុនតេសសូរី បន្ថែមទៀត ដើម្បីងាយស្រួលដល់ការសិក្សារបស់សិស្សានុសិស្ស និងជួយជំរុញបន្ថែមទៀតដល់វិស័យអប់រំនៅកម្ពុជាឲ្យកាន់តែប្រសើរ ។
សូមបញ្ជាក់ថា សាលាអន្តរជាតិ រ៉េហ្វលម៉ុនតេសសូរី Raffles Montessori International School គឺជាសាលាអន្តរជាតិតែមួយគត់ដែលបានទទួលអាជ្ញាប័ណ្ណយកលំនាំកម្មវិធីសិក្សាអន្តរជាតិពីសាលារ៉េហ្វលម៉ុនតេសសូរី សិង្ហបុរី(Singapore)ដែលជាសាលាយកលំនាំតាមទស្សនវិជា្ជអប់រំរបស់លោកស្រីបណ្ឌិត ម៉ារៀ ម៉ុនតេសសូរី ។ ក្នុងនោះផងដែរសាលាអន្តរជាតិ រ៉េហ្វលម៉ុនតេសសូរី Raffles Montessori International Schoolមានទីធ្លាធំទូលាយប្រកបដោយសុវត្ថិភាព និងផាសុកភាពដល់សិស្សានុសិស្ស លោកគ្រូ អ្នកគ្រូជនជាតិបរទេសដែលមានសញ្ជាតិដើមប្រកបដោយវិជ្ជាជីវៈខ្ពស់ថ្លៃថ្នូរហើយគោលបំណងរបស់សាលាគឺជួយអភិវឌ្ឍន៍កុមារឱ្យទទួលបាននូវភាពឈ្លាសវៃផ្នែករូបរាងកាយ អារម្មណ៍ សុជីវធម៌ វប្បធម៌ ទំនុកចិត្តនិងការទទួលខុសត្រូវដែលធ្វើឲ្យកុមារអាចរៀបចំជីវិត និងសម្របបាននឹងការផ្លាស់ប្តូរលក្ខខណ្ឌនៃបរិស្ថាន ។
សាលាអន្តរជាតិរ៉េហ្វលម៉ុនតេសសូរី Raffles Montessori International School យកចិត្តទុកដាក់លើគុណភាពជាចម្បងនិងចូលរួមការអភិវឌ្ឍវិស័យអប់រំនៅកម្ពុជា ។ អាណាព្យាបាលអាចមកទស្សនាសាលាដោយផ្ទាល់ និងអាចសួរព័ត៌មានពីការចុះឈ្មោះសិក្សាវគ្គសិក្សាថ្មីនៅខែកក្កដាខាងមុខនេះ តាមរយៈអាសយដ្ឋាន ផ្ទះលេខ១៨ ផ្លូវលេខ២៩៤កែងផ្លូវលេខ៥៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ និងតាមទូរស័ព្ទលេខ០២៣ ៩៩៣ ៩៩៩ ៕
ចែករំលែកព័តមាននេះ