រាជធានីភ្នំពេញ ៖ នៅក្នុងព្រឹត្តិការណ៍នៃការប្រកួតប្រដាល់ដណ្តើមខ្សែក្រវាត់ K-cement ទម្ងន់៥៤គីឡូក្រាម នៅលើសង្វៀនCTN កាលពីរសៀលថ្ងៃអាទិត្យទី១៦ មិថុនា កន្លងមកនេះ សូត្រ ប៊ុនធី មកពីក្លិបបក្សីស្លាបដែក បានធ្វើឱ្យអ៊ែល យ៉ែស មកពីក្លិបអេភូថងកីឡា ចាញ់ការប្រកួតដោយពិន្ទុទាំងមិនអស់ចិត្ត ។
រាជធានីភ្នំពេញ ៖ នៅក្នុងព្រឹត្តិការណ៍នៃការប្រកួតប្រដាល់ដណ្តើមខ្សែក្រវាត់ K-cement ទម្ងន់៥៤គីឡូក្រាម នៅលើសង្វៀនCTN កាលពីរសៀលថ្ងៃអាទិត្យទី១៦ មិថុនា កន្លងមកនេះ សូត្រ ប៊ុនធី មកពីក្លិបបក្សីស្លាបដែក បានធ្វើឱ្យអ៊ែល យ៉ែស មកពីក្លិបអេភូថងកីឡា ចាញ់ការប្រកួតដោយពិន្ទុទាំងមិនអស់ចិត្ត ។
សូត្រ ប៊ុនធី និង អែ៊ល យ៉ែស ស្ថិតក្នុងពូលA ជាមួយគ្នាហើយសម្រាប់ការជួបគ្នាលើកទី១នេះសូត្រ ប៊ុនធី មានសំណាងរកបាន៣ពិន្ទុ បន្ទាប់ពីឃឹម បូរ៉ា មកពីក្លិបរស្មីភូមិគាប រកបាន៣ពិន្ទុមុនគេដោយការប្រកួតឈ្នះ ចេង រិទ្ធី មកពីក្លិបសាលវ័ន្តកីឡាកាលពីសប្តាហ៍មុន ។ សូត្រ ប៊ុនធី មានប្រៀបជាងអែ៊ល យ៉ែស ដាច់ខាងផ្នែកកម្ពស់ ប៉ុន្តែអ៊ែល យ៉ែស ហាក់មិនកោតញញើតបន្តិចណាឡើយ ។ គ្រាន់តែការប្រកួតចាប់ផ្តើមភ្លាមគេសម្រុកចូលកៀកវាយតម្រង់មុខនិងពោះទឹកគូប្រកួត ប៉ុន្តែមិនទទួលបានផលឡើយ ដោយសារត្រូវសូត្រ ប៊ុនធី ធាក់ចេញមិនឱ្យចូលកៀកបានឡើយ ។
ផ្ទុយទៅវិញពេលគេចូលកៀកម្តងៗបែរជាត្រូវសូត្រ ប៊ុនធី វាយកែងចូលមុខនិងក្បាលពេញទំហឹងបណ្តាលឱ្យគេធ្លាក់ក្នុងស្ថានភាពមិនស្រួលម្តងៗទៀតផង។ សរុបសេចក្តីទៅចាប់តាំងពីទឹកទី១រហូតដល់ទឹកទី៥ បើទោះជាអ្នកប្រដាល់មាឌតូចចិត្តធំ អ៊ែល យ៉ែស ខំប្រឹងវាយបកសងវិញលើសូត្រ ប៊ុនធី យ៉ាងណាក៏ដោយក៏មិនទទួលបានផលដែរ ទើបចុងក្រោយគេត្រូវចាញ់ពិន្ទុទាំងមិនអស់ចិត្ត ។
ចំណែកការប្រកួតជាលក្ខណៈមិត្តភាពវិញ គូពិសេសទី៤ទទួលការចាប់អារម្មណ៍ខ្លាំងជាងគេ។ អ្វីដែលធ្វើឱ្យគេចាប់អារម្មណ៍នោះមិនមែនគូនេះវាយគ្នាក្នុងលក្ខណៈស៊ីសាច់ហុតឈាមឡើយ ប៉ុន្តែការរងរបួសបាក់ស្មងជើងស្តាំរបស់កីឡាករសួង បញ្ញា មកពីមជ្ឈមណ្ឌលកីឡានៃកងយោធពលខេមរភូមិន្ទ ទៅវិញទេដែលធ្វើឱ្យទស្សនិកជនញាក់សាច់នោះ ។ នៅទឹកទី១សួង បញ្ញា បានប្រើជើងស្តាំរបស់គេទាត់ទៅលើសល់ អាម៉ា កីឡាករមកពីក្លិបអាស៊ីកីឡា ប៉ុន្តែចៃដន្យសល់ អាម៉ា លើកជើងរងបណ្តាលឱ្យប៉ះជាមួយជង្គង់របស់គេ ទើបធ្វើឱ្យស្មងជើងសួង បញ្ញា រងរបួសជាទម្ងន់ប្រកួតលែងកើតតែម្តង ។
ភ្លាមៗនោះលោកគ្រូពេទ្យប្រចាំសង្វៀនមិនទាន់ហ៊ានប្រាប់ថា ជើងរបស់សួង បញ្ញា បាក់ឬយ៉ាងណានោះទេ ប៉ុន្តែក្រោយពីបាននាំយកទៅពិនិត្យនៅមន្ទីរពេទ្យ ទើបដឹងថាបាក់ ។ ឥឡូវនេះខាង CTN បាននាំយកកីឡាកររូបនេះទៅសម្រាកនៅមន្ទីរពេទ្យកាល់ម៉ែត្រ ដោយចេញថ្លៃព្យាបាលឱ្យចំនួន៥០០ដុល្លារសហរដ្ឋអាមេរិក ។
លោកវេជ្ជបណ្ឌិតឆឹង យ៉ៅយ៉េន អនុប្រធានសហព័ន្ធកីឡាប្រដាល់កម្ពុជា និងជាអនុប្រធានមន្ទីរពេទ្យមិត្តភាពខ្មែរ-សូវៀត បានប្រាក់កោះសន្តិភាពថា រឿងសួង បញ្ញា រងរបួសបាក់ជើងនាំយកទៅសម្រាកនៅមន្ទីរពេទ្យមួយណានោះមិនមានអ្នកណារាយការណ៍ប្រាប់លោកឱ្យបានដឹងទាន់ពេលវេលានោះទេ ទាល់តែលោកទូរស័ព្ទទៅសួរទើបដឹងថា គេបាននាំយកសួង បញ្ញា ទៅសម្រាកព្យាបាលរបួសនៅមន្ទីរពេទ្យកាល់ម៉ែត ឯរឿងថ្លៃព្យាបាលខាងក្រុមហ៊ុនឧបត្ថម្ភកម្មវិធីប្រកួតជាអ្នកចេញទាំងអស់ ។
នៅលើសង្វៀនដដែលកីឡាកររឿម វណ្ណៈ មកពីសមាគមកីឡាប្រដាល់ក្រសួងការពារជាតិឈ្នះពិន្ទុកីឡាករលួន សុខខេង មកពីក្លិបសិង្ហកីឡា ។ កីឡាករសុខ សុវណ្ណ មកពីក្លិបកងពលតូចលេខ៣១ ឈ្នះពិន្ទុកីឡាករផាន់ សារុន មកពីក្លិបព្រះខ័នរាជ ៕
ចែករំលែកព័តមាននេះ