រាជធានីភ្នំពេញ ៖ កិច្ចប្រជុំប្រចាំឆ្នាំស្តីពីបេតិកភណ្ឌពិភពលោករបស់អង្គការយូណេស្កូ ដែលបានចាប់ផ្តើមនៅរាជធានីភ្នំពេញ កាលពីថ្ងៃទី១៦ មិថុនា បានបង្ហាញអំពីតំបន់វប្បធម៌ និងធម្មជាតិសរុបទាំងអស់ចំនួន៣៤កន្លែង ដែលនឹងត្រូវបានដាក់ឱ្យពិចារណាដាក់ជាតំបន់បេតិកភណ្ឌពិភពលោក ។ គណៈកម្មាធិការបេតិកភណ្ឌពិភពលោកនឹងពិនិត្យមើលឡើងវិញផងដែរអំពីស្ថានភាព
រាជធានីភ្នំពេញ ៖ កិច្ចប្រជុំប្រចាំឆ្នាំស្តីពីបេតិកភណ្ឌពិភពលោករបស់អង្គការយូណេស្កូ ដែលបានចាប់ផ្តើមនៅរាជធានីភ្នំពេញ កាលពីថ្ងៃទី១៦ មិថុនា បានបង្ហាញអំពីតំបន់វប្បធម៌ និងធម្មជាតិសរុបទាំងអស់ចំនួន៣៤កន្លែង ដែលនឹងត្រូវបានដាក់ឱ្យពិចារណាដាក់ជាតំបន់បេតិកភណ្ឌពិភពលោក ។ គណៈកម្មាធិការបេតិកភណ្ឌពិភពលោកនឹងពិនិត្យមើលឡើងវិញផងដែរអំពីស្ថានភាពបច្ចុប្បន្ននៃតំបន់បេតិកភណ្ឌដែលបានទទួលស្គាល់រាប់បញ្ចូលទាំងតំបន់ដែលគួរត្រូវបានចុះបញ្ជីថា ជាតំបន់ស្ថិតនៅក្នុងស្ថានភាពរងគ្រោះ ។
យោងតាមអង្គការសហភាពអន្តរជាតិដើម្បីការអភិរក្សធម្មជាតិ (IUCN) បានបញ្ជាក់ឱ្យដឹងថា ការកើនឡើងដែលមិនធ្លាប់មានពីមុនមកនៃការគំរាមកំហែងទៅលើស្ថានភាពតំបន់ល្អឯកដែលមានការទាក់ទាញដ៏អស្ចារ្យបំផុត ទាមទារឱ្យមានការយកចិត្តទុកដាក់ និងពិភាក្សាដើម្បីលើកកម្ពស់តម្លៃនៃអនុសញ្ញាបេតិកភណ្ឌពិភពលោក ។
អង្គការ IUCN ដែលជាអង្គភាពប្រឹក្សាយោបល់ស្តីពីបេតិកភណ្ឌធម្មជាតិពិភពលោកបានផ្តល់អនុសាសន៍តំបន់ថ្មីៗចំនួនប្រាំសម្រាប់ដាក់បញ្ចូលទៅក្នុងបញ្ជីនៃតំបន់ដែលមានការទាក់ទាញដ៏អស្ចារ្យបំផុតនៅលើផែនដី ។ តំបន់ទាំងនោះរួមមាន សមុទ្រខ្សាច់ ណាមីប (Namib) ភ្នំអេតណា (Mount Etna) ដ៏ល្បីឈ្មោះនៅទីក្រុងស៊ីស៊ីលី (Sicily) នៃប្រទេសអុីតាលី និងឧទ្យានជាតិតាជីក (Tajik) ដែលមានភាពលេចធ្លោដ៏អស្ចារ្យផ្នែកភូគព្ភសាស្ត្រនៅប្រទេសតាជីគីស្ថាន (Tajikistan) ។ ក្រុមអ្នកជំនាញនៃអង្គការ IUCN ក៏បានផ្តល់អនុសាសន៍ឱ្យមានការទទួលយកនូវការស្នើសុំដាក់បញ្ចូលតំបន់ពីរទៀត គឺតំបន់ឋបណីជីវមណ្ឌល អេពីណាឃែត និងគ្រង់ដូ ឌេសែតូ ដឺអាតា (EL Pinacate and GrandoDesierto de Altar) នៃប្រទេសមុិចសុិក និង Xinjiang Tianshan នៃប្រទេសចិន ។
ក្នុងនាមជាអង្គភាពដែលមានការផ្តល់នូវការជួយគាំទ្រដល់កន្លែងដែលត្រូវការចាំបាច់បំផុតនោះ អង្គការ IUCN នឹងផ្តល់អនុសាសន៍ឱ្យមានការដាក់បញ្ចូលតំបន់បេតិកភណ្ឌធម្មជាតិពិភពលោកចំនួន៣ លើបញ្ជីរងគ្រោះរួមមាន ព្រៃ វីហ្សីន គូមី (Virgin Komi) នៃប្រទេសរុស្ស៊ី បឹងទួកាណា (Turkana) នៃប្រទេសកេនយ៉ា និងអីស រ៉ែនណែល (East Rennell) នៃកោះសូលូមូន (Solomon) ដែលតំបន់ទាំងបីនេះកំពុងទទួលរងនូវការគំរាមកំហែងដល់តម្លៃជាសកលដ៏ធំសម្បើមរបស់ខ្លួន ។ ទោះបីជាមានរបាយការណ៍ និងអនុសាសន៍ពីក្រុមអ្នកជំនាញនៃអង្គការ IUCN ក៏ដោយ តំបន់ចំនួនពីរដំបូងខាងលើនេះមិនទាន់ត្រូវបានដាក់បញ្ចូលក្នុងបញ្ជីរងគ្រោះនៅឡើយ ក្នុងរយៈពេល២ឆ្នាំចុងក្រោយនេះ ។
លោកស្រី Julia Marton-Lefèvre, អគ្គនាយកនៃអង្គការ IUCN បានមានប្រសាសន៍ថា «អនុសញ្ញាបេតិកភណ្ឌពិភពលោកមានការពាំនាំនូវការរំពឹងទុកខ្ពស់បំផុតសម្រាប់ការការពារបេតិកភណ្ឌវប្បធម៌ និងធម្មជាតិរួមរបស់យើងទាំងអស់គ្នា ។ ពួកយើងមានការប្តេជ្ញាចិត្តធ្វើការជាមួយភាគីរដ្ឋាភិបាល និងអ្នកពាក់ព័ន្ធទាំងអស់ដើម្បីរក្សាបូរណភាពនៃអនុសញ្ញានេះ និងពង្រឹងតួនាទីរបស់ខ្លួនជាអង្គភាពដ៏សំខាន់បំផុតក្នុងការងារអភិរក្សធម្មជាតិលើពិភពលោក។
លោកស្រីបញ្ជាក់ថា ដើម្បីធានាថា ស្ថានភាពនៃបេតិកភណ្ឌពិភពលោកបន្តផ្តល់នូវកិច្ចការពារដ៏សំខាន់បំផុតលើតំបន់ទាំងអស់នោះសម្រាប់មនុស្សជំនាន់ក្រោយ អង្គការ IUCN នាពេលបច្ចុប្បន្ននេះបាននិងកំពុងធ្វើការសិក្សាវាយតម្លៃជាសកលលើកដំបូងបង្អស់លើបេតិកភណ្ឌពិភពលោកធម្មជាតិ ។ របាយការណ៍ស្តីពីស្ថានភាពបេតិកភណ្ឌពិភពលោកនឹងចេញផ្សាយនៅឆ្នាំ២០១៤ មុនពេលដែលសមាជឧទ្យានពិភពលោកដែលនឹងត្រូវប្រារព្ធឡើងនៅទីក្រុងស៊ីដនី។ ទន្ទឹមនឹងនេះ ការសិក្សាវិភាគថ្មីមួយពីការខ្វះចន្លោះដែលនឹងចាប់ផ្តើមធ្វើឡើងនៅថ្ងៃទី២០ មិថុនា នឹងផ្តល់នូវគោលការណ៍ណែនាំសម្រាប់កំណត់លក្ខណៈទ្រង់ទ្រាយបញ្ជីបេតិកភណ្ឌពិភពលោក ក្នុងរយៈពេលប៉ុន្មានឆ្នាំខាងមុខទៀតនេះ។
គោលបំណងនៃការសិក្សាវិភាគនេះ គឺដើម្បីកំណត់អត្តសញ្ញាណតំបន់ដែលមានតម្លៃជីវចម្រុះដ៏ធំធេង និងមិនអាចជំនួសបានដែលសមនឹងទទួលបាននូវការចុះក្នុងបញ្ជីបេតិកភណ្ឌពិភពលោក ដោយប្រើចំណេះដឹងពីការសិក្សា២យ៉ាងរបស់អង្គការ IUCN ៖ ទី១-បញ្ជីក្រហមនៃប្រភេទដែលរងការគំរាមកំហែង និងទី២-ទិន្នន័យគោលពិភពលោកស្តីពីតំបន់ការពារ (WDPA) ។
លោក Tim Badman នាយកកម្មវិធីបេតិកភណ្ឌពិភពលោកនៃអង្គការ IUCN បានមានប្រសាសន៍ថា «ប្រសិទ្ធភាពនៃអនុសញ្ញាបេតិភណ្ឌពិភពលោកំពុងត្រូវបានយកចិត្តទុកដាក់ជាសកល ។
យើងទាំងអស់គ្នានៃអង្គការ IUCN ចង់ឃើញថា IUCN បានឆ្លើយតបយ៉ាងពេញលេញតាមការសន្យារបស់ខ្លួន ចំពោះការអភិវឌ្ឍ និងធានាថា តំបន់បេតិកភណ្ឌពិភពលោកក្លាយជាចំណុចកំពូលនៃភាពអស្ចារ្យក្នុងចំណោមតំបន់ការពារនៅលើពិភពលោក ៕
ចែករំលែកព័តមាននេះ