ខេត្តបន្ទាយមានជ័យ ៖ ជនសង្ស័យជាមុខសញ្ញាចែកចាយគ្រឿងញៀនម្នាក់ ត្រូវកងកម្លាំងនគរបាលជំនាញឆ្មក់ចូលឆែកឆេរ និងឃាត់ខ្លួនដល់ក្នុងបន្ទប់ចចូល ហើយដកហូតបានវត្ថុតាងមួយចំនួនកាលពី១៨ វិច្ឆិកា នៅចំណុចបន្ទប់ជួលលេខ BO2 នៅជាន់ទី២ ស្ថិតក្នុងភូមិអូរជ្រៅ សង្កាត់/ក្រុងប៉ោយប៉ែត ខេត្តបន្ទាយមានជ័យ ហើយរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យ នៅព្រឹកថ្ងៃទី២០ ខែវិច្ឆិកា ឆ្នាំ២០១៨ ។
លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា បន្ទាប់ពីទទួលព័ត៌មានពីប្រជាពលរដ្ឋ លោកបានដឹនាំកម្លាំងចុះបង្ក្រាបករណីចែកចាយគ្រឿងញៀន ដោយឃាត់ខ្លួនជនសង្ស័យម្នាក់ឈ្មោះ ញង់ សៀងហៃ ភេទប្រុស អាយុ២៥ឆ្នាំ មុខរបរគ្មាន ស្នាក់នៅភូមិក្បាលស្ពាន១ សង្កាត់/ក្រុងប៉ោយប៉ែត កាលពីថ្ងៃទី១៨ វិច្ឆិកា ម៉ោង៤និង០៥នាទីរសៀល នៅក្នុងបន្ទប់ជួលលេខ B02 នៅជាន់ទី២ ស្ថិតនៅភូមិអូរជ្រៅ សង្កាត់/ក្រុង ប៉ោយប៉ែត ខេត្ត បន្ទាយមានជ័យ។
លោកអធិការបានបញ្ជាក់ថា ក្នុងកិច្ចប្រតិបត្តិការនេះ សមត្ថកិច្ចបានឆែកឆេរ និងដកហូតវត្ថុតាងរួមមាន ១/-ម្សៅក្រាមពណ៌សថ្លាចំនួន៨កូនថង់តូច, ២/-ថ្នាំគ្រាប់ពណ៌ខៀវចំនួន២កំណាត់, ៣/-ជញ្ញីងសម្រាប់ថ្លឹងថ្នាំញៀងចំនួន១, ៤/-ដបថ្នាំកេតាម៉ីប្រើរួចចំនួន១, ៥/-ថង់កិបមាត់សំរាប់ច្រកគ្រឿងញៀនមួយចំននួន ៦/-ដបកែឆ្នៃសម្រាប់ប្រើប្រាស់គ្រឿងញៀនចំនួន១, ៧/-ដបស៊ីសារចំនួន១, ៨/-បំពងសម្រាប់ចូកថ្នាំចំនួន៤, ៩/-ក្រដាស់អាលុយមញ៉ូមចំនួន១ដុំ, ១០/-ដែកកេះចំនួន៦, ១១/-បំពង់កែវចំនួន ០១កំណាត់, ១២/-ពូថៅចំនួន០១ និង១៣/-ស្នាប់ដៃចំនួន០១។
លោកអធិការបានបញ្ជាក់ថា ជនសង្ស័យបានបញ្ជូនទៅការិយាល័យជំនាញនៃស្នងការដ្ឋាន នគរបាលខេត្តបន្ទាយមានជ័យ និងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ផងដែរ៕
ចែករំលែកព័តមាននេះ