ប្រណាំងទូក​ចាប់ផ្តើម​ជា​លើក​ទី​២​នៅ​ខេត្តស្ទឹងត្រែង​មាន​មនុស្ស​យ៉ាងច្រើន​កុះករ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ប្រណាំងទូក​ចាប់ផ្តើម​ជា​លើក​ទី​២​នៅ​ខេត្តស្ទឹងត្រែង​មាន​មនុស្ស​យ៉ាងច្រើន​កុះករ

2 ឆ្នាំ មុន
  • Stung Treng

ខេត្តស្ទឹងត្រែង ៖ អភិបាល​ខេត្តស្ទឹងត្រែង​បាន​ផ្តួចផ្តើម​ពិធីបុណ្យ​អុំទូក​ដែល​មាន​រយៈ​៣​ថ្ងៃ គឺ​ថ្ងៃ​ទី​១៨ -១៩ និង​២០ ខែវិច្ឆិកា ឆ្នាំ​២០១៨​នេះ​នៅ​ទន្លេសេកុង ក្រុង​ស្ទឹង​ត្រែង ។…

ខេត្តស្ទឹងត្រែង ៖ អភិបាល​ខេត្តស្ទឹងត្រែង​បាន​ផ្តួចផ្តើម​ពិធីបុណ្យ​អុំទូក​ដែល​មាន​រយៈ​៣​ថ្ងៃ គឺ​ថ្ងៃ​ទី​១៨ -១៩ និង​២០ ខែវិច្ឆិកា ឆ្នាំ​២០១៨​នេះ​នៅ​ទន្លេសេកុង ក្រុង​ស្ទឹង​ត្រែង ។

ជា​លើក​ទី​២​ដែល​រដ្ឋបាល​ខេត្តស្ទឹងត្រែង​បាន​រៀបចំ​ពិធីបុណ្យ​អុំទូក​ឡើង ដើម្បី​អបអរ​ពិធីបុណ្យ​អុំទូក អកអំបុក​សំពះ​ព្រះ​ខែ​ដែល​ចូល​មក​ដល់​ថ្ងៃ​២១ ដល់​ថ្ងៃ​ទី​២៣ ខែវិច្ឆិកា ឆ្នាំ​២០១៨ ។ ក្នុង​ពិធី​អុំទូក គេ​សង្កេត​ឃើញ​ទូកង​មក​ពី​បណ្តា​មន្ទីរ​នានា​ជុំវិញ​ខេត្ត និង​តាម​ស្រុក​នីមួយ​ៗ​ដែល​រចនា លាភ​ពណ៌ យ៉ាង​ស្រស់​ស្អាត សរុប​ទាំងអស់​ចំនួន​១៦​ទូកង ចំណុះ​ក្នុង​១​ទូក​២៣​នាក់ ។

កីឡាក​ប្រណាំង​បាន​ប្រឹង​អស់ពី​កម្លាំងកាយ​ចិត្តរក​ជ័យ​ជំនះ​រៀង​ៗ​ខ្លួន​ទាក់ទាញ​ភ្ញៀវ​ចូល​មក​ទស្សនា​នៅ​ខេត្តស្ទឹងត្រែង​ឱ្យ​បាន​ច្រើន​កុករ ។ ថ្ងៃ​ដំបូង​នៃ​ពិធី​ប្រណាំងទូក​គេ​ឃើញ​ជនជាតិ​ដើម​ភាគតិច​គួ​យ បាន​រៀបចំ​ពិធីបួងសួង​ដែល​មាន​ទៀន​ធូប ផ្កា​ភ្ញី ផ្លែ​ឈើ នៅ​មុខ​វេទិកា​នៃ​ពិធី​អុំទូក ដើម្បី​សេចក្តីសុខ សេចក្តីចំរើន​ពី​ព្រះ​គង្គា និង​បារមី​ព្រះ​អង្គ​ធំ​តាម​ជួយ​ថែរក្សា​កីឡាករ និង​បង ប្អូន​ជនរួមជាតិ​ទាំងអស់​ចូល​មក​ទស្សនា​កម្សាន្ត​សប្បាយ ។

អាជ្ញាធរ​ខេត្ត​បាន​រៀបចំ​ពិធីបុណ្យ​នេះ​ឡើង​ដើម្បី​ឱ្យ​ប្រជាពលរដ្ឋ​តាម​ទី​ជនបទ​ស្រុកស្រែ​ចម្ការ មក​ជួបជុំ​គ្នា​នៅ​ក្រុង​ស្ទឹង​ត្រែង ចូលរួម​សប្បាយ​ក្អាកក្អាយ​ជាមួយនឹង​បុណ្យអុំទូក​ក្នុង​នោះ​គេ​សង្កេត​ឃើញ​ថា មិនមែន​មានកម្ម​វិធី​ប្រណាំងទូក​តែ​មួយ​មុខ​ទេ គឺ​មានកម្ម​វិធី​ប្រណាំង​កង់​ល្បឿន​លឿន ពិធី​ប្រ​ណាំ​កង់​ល្បឿន​យឺត កម្មវិធី​រត់ប្រណាំង​គូរ​ស្នេ​ហ៌ និង​ពិធី​តាំងពិព័រណ៍​ផលិតផល​សហគមន៍ យ៉ាង​គគ្រឹកគគ្រេង និង​រក្សា​បាន​នូវ​សុវត្ថិភាព​ដែល​មានការ​ការពារ​ដោយ​នគរបាល និង​កងរាជអាវុធហត្ថ​យ៉ាង​មុតមាំ ។

ប្រជាពលរដ្ឋ​មក​ពី​ស្រែ​ចម្ការ​ដើរ​ទស្សនា​កម្សាន្ត​រីករាយ​នា​ឱកាស​នោះ​បានឱ្យ​ដឹង​ថា សូម​ឱ្យ​រដ្ឋបាល​ខេត្តស្ទឹងត្រែង​រៀបចំ​ពិធី​ជា​រៀង​រាល់​ឆ្នាំ ដើម្បី​ឱ្យ​ពួក​គាត់​រួចរាល់​ពី​ការងារ​ដំណាំ កសិកម្ម​មក​លេង​កម្សាន្ត ហើយ​សង្ឃឹមថា​ឆ្នាំ​ក្រោយ​ទៀត​ភូមិ​គាត់ នឹង​មាន​ទូក​ចូលរួម​ប្រណាំង​កម្សាន្ត នៅ​លើ​ផ្ទៃ​ទឹក​ទន្លេសេកុង​នេះ​ដូច​គ្នា ៕ ​ ​ ​ ​ ​ ​ ​