រាជធានីភ្នំពេញ ៖ បង្គោលភ្លើងបំភ្លឺផ្លូវ ១ដើម បានបាក់រងការខូចខាត ខណៈដែលរថយន្តអ៊ីហ្សុយស៊ុយ 4X4 ពណ៌ខ្មៅ ១គ្រឿង ពាក់ស្លាកលេខ ភ្នំពេញ 2F-0292 ជិះគ្នា ៤នាក់ សុទ្ធតែបុរស ទំនងជាស្រវឹងស្រាជោគជាំ ធ្វើដំណើរតាមផ្លូវលេខ៧០ ក្នុងទិសដៅពីលិចទៅកើត លុះមកដល់ត្រង់រង្វង់មូលកួចកាណុងស្តាតចាស់
រាជធានីភ្នំពេញ ៖ បង្គោលភ្លើងបំភ្លឺផ្លូវ ១ដើម បានបាក់រងការខូចខាត ខណៈដែលរថយន្តអ៊ីហ្សុយស៊ុយ 4X4 ពណ៌ខ្មៅ ១គ្រឿង ពាក់ស្លាកលេខ ភ្នំពេញ 2F-0292 ជិះគ្នា ៤នាក់ សុទ្ធតែបុរស ទំនងជាស្រវឹងស្រាជោគជាំ ធ្វើដំណើរតាមផ្លូវលេខ៧០ ក្នុងទិសដៅពីលិចទៅកើត លុះមកដល់ត្រង់រង្វង់មូលកួចកាណុងស្តាតចាស់ រថយន្តបួងចង្កូតបត់ស្តាំក៏ជ្រុលទៅបុកបង្គោលភ្លើងបំភ្លឺផ្លូវ ចំណែករថយន្តបានបោកខ្ទប់នឹងគល់ឈើខូចខាតមុខផ្នែកខាងឆ្វេងទាំងស្រុង និងបណ្តាលឱ្យមនុស្ស ៤នាក់ រងរបួសធ្ងន់ស្រាល ។
ហេតុការណ៍នេះ បានកើតឡើងកាលពីវេលាម៉ោង ៣ និង ៣០នាទី យប់រំលងអាធ្រាត្រឈានចូលថ្ងៃទី១៦ មិថុនា ២០១៣ ចំណុចផ្លូវលេខ៧០ កែងផ្លូវ៩៣ ស្ថិតក្នុងសង្កាត់ស្រះចក ខណ្ឌដូនពេញ ។ ក្រោយកើតហេតុអ្នករងរបួសធ្ងន់ ២នាក់ ត្រូវបញ្ជូនទៅសង្រ្គោះនៅគ្លីនិកឯកជន ឯអ្នករងរបួសស្រាល ២នាក់ ទៀតបានរត់គេចខ្លួនបាត់ ចំណែករថយន្តបង្កត្រូវសមត្ថកិច្ចនាំយកមករក្សាទុកនៅការិយាល័យចរាចរណ៍ជើងគោករាជធានីភ្នំពេញ ៕
ចែករំលែកព័តមាននេះ