រាជ​ធានី​ភ្នំពេញ​ ៖ បុរស​ម្នាក់​ខណៈ​ដែល​ជិះ​ម៉ូតូ​C125 ស៊េរី២០០៨ ពណ៌​ខ្មៅ​ ១គ្រឿង ពាក់​ស្លាក​លេខ​ ភ្នំពេញ​ 1W-0353 ធ្វើ​ដំណើរ​តាម​ផ្លូវ​ព្រះ​ស៊ី​សុវត្ថិ​ ក្នុ​ង​ទិស​ដៅ​ពី​ជើង​ទៅ​ត្បូង​ លុះម​កដល់​ចំណុច​ផ្លូវ​កែងលេខ​៩០​ ក៏បាន​បុក​ចំ​ទ្វារ​ក្រោយ​ផ្នែក​ខាង​ឆ្វេង​រថ​យន្ត​ឡិច​ស៊ីស​RX300 ពណ៌​ខ្មៅ ១គ្រឿង​ ពាក់​ស្លាកលេខ​ ភ្នំពេញ​ 2P-2506 បើក​ដោយ​ស្រ្តី​ជន​ជាតិ​ចិន​ម្នាក់​ បណ្តាល​ឱ្យដួល​ម៉ូតូ​​រង​របួស​ធ្ងន់​ ។

ហេតុ​ការណ៍​នេះ បា​នកើត​ឡើង​កា​លពី​វេលា​ម៉ោង​ ១០​ និង​ ៣០​នាទី យប់​ថ្ងៃទី​១៥​ មិថុនា​ ២០១៣​ នៅ​ចំណុច​​ផ្លូវ​លេខ​៩០​ កែង​ផ្លូវ​ព្រះ​ស៊ី​សុវត្ថិ​ ក្នុង​សង្កាត់​ស្រះ​ចក​ ខណ្ឌ​ដូន​ពេញ​ ។ ក្រោយ​កើត​ហេតុ​ ដោយ​ឃើញ​ម្ចាស់​ម៉ូតូ​រង​របួស​ធ្ងន់​ ស្រ្តី​ជន​ជាតិ​ចិន​ម្ចាស់​រថ​យន្ត​បា​នឡើង​ជិះ​ម៉ូតូ​ឌុប​គេច​ខ្លួន​បាត់​ ឯ​ជន​រង​គ្រោះ​ត្រូវ​បា​នដឹក​យក​ទៅសង្រ្គោះ​នៅ​គ្លីនិក​ឯក​ជន​ ចំណែក​រថ​យន្ត​ និង​ម៉ូតូ ត្រូវ​សមត្ថ​កិច្ច​យក​ទៅរក្សា​ទុក​នៅ​ការិយា​ល័យ​ចរាចរណ៍​ជើង​គោក​រាជ​ធានី​ភ្នំពេញ​ ៕