រាជធានីភ្នំពេញ ៖ បុរសម្នាក់វ័យប្រមាណ ៣០ឆ្នាំ បានរងរបួសធ្ងន់ត្រូវដឹកយកទៅសង្រ្គោះនៅមន្ទីរពេទ្យមិត្តភាពខ្មែរ-សូវៀត ខណៈដែលបើករ៉ឺម៉កម៉ូតូ ១គ្រឿង ពាក់ស្លាកលេខ ស្វាយរៀង 1B-5787 ធ្វើដំណើរតាមបណ្តោយផ្លូវ២៧១ ក្នុងទិសដៅពីត្បូងទៅជើង លុះមកដល់ចំណុចមុខឃ្លាំងលក់រថយន្តយីហោ ហេង លី
រាជធានីភ្នំពេញ ៖ បុរសម្នាក់វ័យប្រមាណ ៣០ឆ្នាំ បានរងរបួសធ្ងន់ត្រូវដឹកយកទៅសង្រ្គោះនៅមន្ទីរពេទ្យមិត្តភាពខ្មែរ-សូវៀត ខណៈដែលបើករ៉ឺម៉កម៉ូតូ ១គ្រឿង ពាក់ស្លាកលេខ ស្វាយរៀង 1B-5787 ធ្វើដំណើរតាមបណ្តោយផ្លូវ២៧១ ក្នុងទិសដៅពីត្បូងទៅជើង លុះមកដល់ចំណុចមុខឃ្លាំងលក់រថយន្តយីហោ ហេង លី ក៏ត្រូវរថយន្តវីហ្គោ ពណ៌ស ១គ្រឿង អត់ចាំស្លាកលេខ បើកបុកពេញទំហឹង បណ្តាលឱ្យរ៉ឺម៉កម៉ូតូក្រឡាប់ផ្ងារជើងខ្ទេចទាំងស្រុង ឯម្ចាស់រ៉ឹម៉កបោកក្បាលរងរបួសធ្ងន់ធ្ងរ ។
ហេតុការណ៍នេះ បានកើតឡើងកាលពីវេលាម៉ោង ៩ និង ១៥នាទី យប់ថ្ងៃទី១៣ មិថុនា ២០១៣ នៅចំណុចមុខឃ្លាំងលក់រថយន្តយីហោ ហេង លី ស្ថិតក្នុងសង្កាត់ទួលទំពូងទី២ ខណ្ឌចំការមន ។ ក្រោយកើតហេតុរថយន្តបង្កបានបើករត់គេចបាត់ស្រមោលតែម្តង ៕
ចែករំលែកព័តមាននេះ