រាជធានីភ្នំពេញ ៖ ម៉ូតូគុបជ្រុង ពណ៌ទឹកប៊ិច ១គ្រឿង ពាក់ស្លាកលេខ ញ-8940 ភព1 ជិះគ្នា ២នាក់ បានធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងទិសដៅពីលិចទៅកើត លុះមកដល់ចំណុចមុខវិមានសន្តិភាព ក៏បានបុកចំពីមុខជាមួយម៉ូតូC125 ពណ៌ខ្មៅ ១គ្រឿង ជិះគ្នា ៣នាក់ ពាក់ស្លាកលេខ ភ្នំពេញ 1E-6263 ដែលបើកបញ្រ្ចាស់ទិសចរាចរណ៍ បណ្តាលឱ្យរបួសរលាត់ដៃជើង ។
រាជធានីភ្នំពេញ ៖ ម៉ូតូគុបជ្រុង ពណ៌ទឹកប៊ិច ១គ្រឿង ពាក់ស្លាកលេខ ញ-8940 ភព1 ជិះគ្នា ២នាក់ ធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងទិសដៅពីលិចទៅកើត លុះមកដល់ចំណុចមុខវិមានសន្តិភាព ក៏បានបុកចំពីមុខជាមួយម៉ូតូC125 ពណ៌ខ្មៅ ១គ្រឿង ជិះគ្នា ៣នាក់ ពាក់ស្លាកលេខ ភ្នំពេញ 1E-6263 ដែលបើកបញ្រ្ចាស់ទិសចរាចរណ៍ បណ្តាលឱ្យរបួសរលាត់ដៃជើង ។
ហេតុការណ៍នេះ បានកើតឡើងកាលពីវេលាម៉ោង ៨ និង ១០នាទី យប់ថ្ងៃទី១៣ មិថុនា ២០១៣ តាមបណ្តោយផ្លូវសហព័ន្ធរុស្ស៊ី មុខវិមានសន្តិភាព ស្ថិតក្នុងសង្កាត់មិត្តភាព ខណ្ឌ៧មករា ។ ក្រោយកើតហេតុភាគីម៉ូតូគុប បានទារសំណងចំនួន ៤០ដុល្លារ តែភាគីម៉ូតូC125 ដែលជិះបញ្រ្ចាស់ទិសបានសុំចុះត្រឹម ៣០ដុល្លារ ព្រោះមានតែប៉ុណ្ណឹង ដោយភាគីម៉ូតូគុបមិនព្រម ក៏មានសប្បុរសជនអ្នកដំណើរម្នាក់ជួយចេញ ១០ដុល្លារ ដើម្បីបង្រ្គប់លុយ និងបញ្ចប់រឿងនៅកន្លែងកើតហេតុ ៕
ចែករំលែកព័តមាននេះ