វិទ្យាស្ថានស្បៀងអាហារជាតិ (NFI) បានទម្លាក់ការព្យាករកំណើននាំចេញម្ហូបអាហាររបស់ខ្លួននៅក្នុងឆ្នាំនេះមកនៅត្រឹមតែ១,៥% ។ វិទ្យាស្ថាននេះបានបញ្ជាក់ថា មូលហេតុចម្បងដោយសារការប្រែប្រួលឥតឈប់ឈរនៃប្រាក់បាត បណ្តាលឱ្យក្រុមហ៊ុនផលិតជាច្រើនបដិសេធការបញ្ជាទិញទំនិញនាំចេញដោយសារភាពមិនច្បាស់លាស់ថា តើអត្រាប្តូរប្រាក់មួយណាដែលគេគួរតែកំណត់។
វិទ្យាស្ថានស្បៀងអាហារជាតិ (NFI) បានទម្លាក់ការព្យាករកំណើននាំចេញម្ហូបអាហាររបស់ខ្លួននៅក្នុងឆ្នាំនេះមកនៅត្រឹមតែ១,៥% ។ វិទ្យាស្ថាននេះបានបញ្ជាក់ថា មូលហេតុចម្បងដោយសារការប្រែប្រួលឥតឈប់ឈរនៃប្រាក់បាត បណ្តាលឱ្យក្រុមហ៊ុនផលិតជាច្រើនបដិសេធការបញ្ជាទិញទំនិញនាំចេញដោយសារភាពមិនច្បាស់លាស់ថា តើអត្រាប្តូរប្រាក់មួយណាដែលគេគួរតែកំណត់។
អនុប្រធាន NFI លោក អាម៉ង់ ង៉ាមង្គលរ៉ាត់ ថ្លែងថា វិទ្យាស្ថានរបស់លោកបានកំណត់គោលដៅនាំចេញម្ហូបអាហារ៦% ដល់១,០៣លានលានបាតនៅក្នុងឆ្នាំនេះ ។ ការព្យាករទម្លាក់ដល់១,៥% នេះគឺដោយសារកត្តាអវិជ្ជមានជាច្រើន ហើយកត្តាអវិជ្ជមានធំចម្បងមួយគឺការធ្លាក់ចុះទិន្នផលគ្រឿងផ្សំសំខាន់ៗមានជាអាទិ៍ បន្លែនិងផ្លែឈើ រួមជាមួយនឹងការប្រែប្រួលឥត ឈប់ឈរនៃប្រាក់បាតដែលមានទំនាក់ទំនងនឹងរូបិយប័ណ្ណនានារបស់ដៃគូពាណិជ្ជកម្មក្រៅប្រទេសធំៗ ជាពិសេសប្រាក់ដុល្លារ និងប្រាក់យ៉េន ។ ការប្រែប្រួលនៃប្រាក់បាតមានផលប៉ះពាល់អវិជ្ជមានលើក្រុមហ៊ុនផលិតម្ហូបអាហារ និងក្រុមហ៊ុននាំចេញនៅពេលបង្កើតគម្រោងផលិតកម្ម និងទទួលយកការបញ្ជាទិញថ្មីកាលពី២ខែមុន ។
ប្រាក់បាតឡើងថ្លៃបានប៉ះពាល់ផលិតផលម្ហូបអាហារដែលមានគ្រឿងផ្សំជាង៥០% មានប្រភពចេញពីក្នុងស្រុកដូចជា បង្គាកែច្នៃ ម្នាស់ច្រកកំប៉ុង មឹកក្លាស្សេ ត្រីសាឌីនកំប៉ុង និងដំឡូងមី ។ យ៉ាងណាក៏ដោយ ផលិតផលម្ហូបអាហារដែលមានគ្រឿងផ្សំក្នុងស្រុកមានចំនួនក្រោម៥០% នឹងទទួលបានប្រយោជន៍ពីការនាំចូលគ្រឿងផ្សំថោកមានដូចជា ទឹកស៊ីអុីវ និងស្រាបៀរ ៕
ចែករំលែកព័តមាននេះ