ខេត្តស្វាយរៀង ៖ រថយន្តធុនយក្សមួយគ្រឿងនេះ ទ្រុងវែងដូចទូរថភ្លើងដឹកសត្វគោ-ក្របីចេញពីខេត្តបន្ទាយមានជ័យឆ្លងកាត់ជាច្រើនខេត្ត រហូតមកដល់ខេត្តស្វាយរៀងដោយរលូន ហើយបានទៅចតទុកមុខមន្ទីរពេទ្យអនាម័យភូមិសួនថ្មី ក្នុងសង្កាត់ព្រៃធ្លាក់ ក្រុងស្វាយរៀង លើផ្លូវជាតិលេខ១ ។
ខេត្តស្វាយរៀង ៖ រថយន្តធុនយក្សមួយគ្រឿងនេះ ទ្រុងវែងដូចទូរថភ្លើងដឹកសត្វគោ-ក្របីចេញពីខេត្តបន្ទាយមានជ័យឆ្លងកាត់ជាច្រើនខេត្ត រហូតមកដល់ខេត្តស្វាយរៀងដោយរលូន ហើយបានទៅចតទុកមុខមន្ទីរពេទ្យអនាម័យភូមិសួនថ្មី ក្នុងសង្កាត់ព្រៃធ្លាក់ ក្រុងស្វាយរៀង លើផ្លូវជាតិលេខ១ ។
អ្នកភូមិនិយាយដោយព្រួយបារម្ភថា ដោយសារតែរថយន្តធុនយក្សប្រភេទនេះហើយ ដែលធ្វើឱ្យផ្លូវថ្នល់-ស្ពាន និងលូជាច្រើនកន្លែងស្ថាបនាហើយឆាប់ខូចទៅវិញមិនជាប់ធុនបានយូរ ។ ចំពោះផ្លូវជាតិ ទម្ងន់បច្ចេកទេសដែលរថយន្តអាចផ្ទុកបានត្រឹមតែ២៥តោនប៉ុណ្ណោះ ប៉ុន្តែរថយន្តខាងលើផ្ទុករហូតដល់ជិត៦០តោន ។
អ្នកភូមិបន្តថា ស្ពានមួយចំនួនធំទ្រទម្ងន់ត្រឹម១៥តោនប៉ុណ្ណោះ ហើយបើរថយន្តធុនយក្សដឹកប្រៀបដូចជារទេះភ្លើង មានកង់ដល់ទៅជិត២០បែបនេះ ស្ពាននិងហេដ្ឋារចនាសម្ព័ន្ធដទៃទៀតមិនអាចទ្រាំទ្រនៅបានយូរអង្វែងទេ ។ អ្នកភូមិបានសំណូមពរសូមឱ្យអាជ្ញាធរមានសមត្ថកិច្ចជួយឃាត់រថយន្តបែបនេះ កុំឱ្យធ្វើចរាចរណ៍ស្ទើរគ្រប់ខេត្តបែបនេះ ៕
ចែករំលែកព័តមាននេះ