ខេត្តស្ទឹងត្រែង ៖ លោកវេជ្ជបណ្ឌិត អ៊ុង សូវៀត ប្រធានមន្ទីរសុខាភិបាលខេត្តស្ទឹងត្រែង បានថ្លែងគូសបញ្ជាក់ពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងមេរោគអេដស៍ និងជំងឺអេដស៍ នៅក្នុងពិធីប្រារព្ធទិវាពិភពលោកប្រយុទ្ធនឹងជំងឺអេដស៍…
ខេត្តស្ទឹងត្រែង ៖ លោកវេជ្ជបណ្ឌិត អ៊ុង សូវៀត ប្រធានមន្ទីរសុខាភិបាលខេត្តស្ទឹងត្រែង បានថ្លែងគូសបញ្ជាក់ពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងមេរោគអេដស៍ និងជំងឺអេដស៍ នៅក្នុងពិធីប្រារព្ធទិវាពិភពលោកប្រយុទ្ធនឹងជំងឺអេដស៍ ថ្ងៃទី១ ខែធ្នូ ឆ្នាំ២០២៥ ប្រព្រឹត្តនាព្រឹកថ្ងៃទី១៩ ខែធ្នូ ឆ្នាំ២០២៥ នៅលើបរិវេណទីលានតេជោសន្តិភាព ក្រោមប្រធានបទ «យកឈ្នះការរំខាន បរិវត្តកម្មឆ្លើយតបនឹងជំងឺអេដស៍» ។
លោកប្រធានបានលើកឡើងថា ខេត្តស្ទឹងត្រែងនៅតែបន្តអនុវត្តយ៉ាងខ្ជាប់ខ្ជួននូវយុទ្ធសាស្ត្ររបស់អង្គការសហប្រជាជាតិ (UNAIDS) ដូចជា គោលដៅសូន្យប៊ី (សូន្យការឆ្លងថ្មី សូន្យការរើសអើង និងសូន្យការស្លាប់) និងគោលដៅ ៩៥-៩៥-៩៥ សម្រាប់ឆ្នាំ២០៣០ ។
លោកវេជ្ជបណ្ឌិត អ៊ុង សូវៀត បានបង្ហាញពីស្ថានភាព និងលទ្ធផលការងារដ៏សំខាន់ដែលសម្រេចបានក្នុងរយៈពេល១១ខែដើមឆ្នាំ២០២៥ មានដូចខាងក្រោម៖ មណ្ឌលសុខភាពចំនួន២១កន្លែងនៅក្នុងខេត្ត បានផ្តល់ការប្រឹក្សា និងធ្វើតេស្តឈាមរកមេរោគអេដស៍លើអតិថិជនសរុប៤,៦៦៦នាក់ ។ ក្នុងចំណោមនោះ មានតែ០១ករណីប៉ុណ្ណោះ ដែលរកឃើញមានប្រតិកម្មវិជ្ជមានមេរោគអេដស៍។ សេវាបង្ការការចម្លងពីម្តាយទៅកូន(PMTCT)សេវានេះបានដំណើរការនៅគ្រប់មណ្ឌលសុខភាពទាំង២១កន្លែង ។
មានស្ត្រីមានផ្ទៃពោះចំនួន៣,៨៥២នាក់ បានស្ម័គ្រចិត្តធ្វើតេស្ត ដោយរកឃើញមានប្រតិកម្មអេដស៍០៥នាក់ និងប្រតិកម្មស្វាយ២៧នាក់ ។ មណ្ឌលប្រឹក្សា និងតេស្តឈាមស្ម័គ្រចិត្ត(VCCT)មណ្ឌល VCCT ០១ កន្លែង បានធ្វើតេស្តលើអតិថិជនសរុប ៦១៤ នាក់។លទ្ធផលរកឃើញវិជ្ជមានសរុប២៧នាក់ ក្នុងនោះ មានស្ត្រីចំនួន១៦នាក់ ។
ការថែទាំព្យាបាល (ART) សេវាថែទាំព្យាបាល និងផ្តល់ថ្នាំប្រឆាំងមេរោគអេដស៍ បានដំណើរការនៅមន្ទីរពេទ្យបង្អែកខេត្ត ។ បច្ចុប្បន្ន មានអ្នកជំងឺអេដស៍សរុប ៤៥៥ នាក់ កំពុងទទួលការព្យាបាល ក្នុងនោះ មានមនុស្សពេញវ័យ៤៤៤នាក់ និងកុមារ១១ នាក់។
ចែករំលែកព័តមាននេះ