រាជធានីភ្នំពេញ ៖ កាលពីរសៀលថ្ងៃទី១៧ ខែធ្នូ ឆ្នាំ២០២៥ លោកជំទាវបណ្ឌិតសភាចារ្យ ភឿង សកុណា បានដឹកនាំកិច្ចប្រជុំគណៈកម្មការដឹកនាំគម្រោង “អភិរក្ស…
រាជធានីភ្នំពេញ ៖ កាលពីរសៀលថ្ងៃទី១៧ ខែធ្នូ ឆ្នាំ២០២៥ លោកជំទាវបណ្ឌិតសភាចារ្យ ភឿង សកុណា បានដឹកនាំកិច្ចប្រជុំគណៈកម្មការដឹកនាំគម្រោង “អភិរក្ស និងថតចម្លងបណ្ណសារសារមន្ទីរឧក្រិដ្ឋកម្មប្រល័យពូជសាសន៍ទួលស្លែង (ដំណាក់កាលទី២) ដោយមានការចូលរួមពីតំណាងអង្គការ KOICA និង UNESCO ប្រចាំកម្ពុជា។
កិច្ចប្រជុំនេះ រៀបចំឡើងដើម្បីពិនិត្យពិភាក្សា និងតាមដានវឌ្ឍនភាពនៃការអនុវត្តគម្រោង បញ្ហាប្រឈម សំណូមពរ និងផ្ដល់អនុសាសន៍ណែនាំសម្រាប់ការអនុវត្តបន្ត។
សូមជម្រាបដែរថាគម្រោង “អភិរក្ស និងថតចម្លងបណ្ណសារសារមន្ទីរឧក្រិដ្ឋកម្មប្រល័យពូជសាសន៍ទួលស្លែង (ដំណាក់កាលទី២)” ទទួលបានការឧបត្ថម្ភហិរញ្ញវត្ថុដោយ អង្គការ KOICA និងមានការសម្របសម្រួលពីអង្គការយូណេស្កូ សម្រាប់រយៈពេល ៥ ឆ្នាំ (២០២៤-២០២៨)។
គម្រោងនេះ គោលមានបំណងលើកកម្ពស់ការយល់ពីគុណតម្លៃជាសកលនៃបូជនីយដ្ឋាននៃការចងចាំកម្ពុជា តាមរយៈការពង្រឹងសមត្ថភាពមន្ត្រី ការផ្សព្វផ្សាយពីទីតាំងទាំងបី (អតីតមន្ទីរឃុំឃាំង ១៣ សារមន្ទីរទួលស្លែងនិងមជ្ឈមណ្ឌលជើងឯក) ទៅកាន់សាធារណជនជាតិ-អន្តរជាតិ រួមទាំងការពង្រឹងកម្មវិធីអប់រំសន្តិភាព ៕
ចែករំលែកព័តមាននេះ