ខេត្តកំពង់ឆ្នាំង ៖ មន្ទីរពេទ្យខេត្តកំពង់ឆ្នាំងត្រូវបានប្រកាសទទួលស្គាល់ជាផ្លូវការថា ជា«មន្ទីរពេទ្យស្រឡាញ់ទារក» កាលពីព្រឹកថ្ងៃទី១៣ មិថុនា ២០១៣ នៅក្នុងមន្ទីរពេទ្យខេត្ត ក្រោមអធិបតីភាពលោកសៀក គឹមលៀង អភិបាលរងខេត្តកំពង់ឆ្នាំង ដោយមានការចូលរួមពីលោកស្រីសាស្ត្រាចារ្យវេជ្ជបណ្ឌិត ទុង រដ្ឋាវី ប្រធានមជ្ឈមណ្ឌលជាតិគាំពារមាតា និងទារក
ខេត្តកំពង់ឆ្នាំង ៖ មន្ទីរពេទ្យខេត្តកំពង់ឆ្នាំងត្រូវបានប្រកាសទទួលស្គាល់ជាផ្លូវការថា ជា«មន្ទីរពេទ្យស្រឡាញ់ទារក» កាលពីព្រឹកថ្ងៃទី១៣ មិថុនា ២០១៣ នៅក្នុងមន្ទីរពេទ្យខេត្ត ក្រោមអធិបតីភាពលោកសៀក គឹមលៀង អភិបាលរងខេត្តកំពង់ឆ្នាំង ដោយមានការចូលរួមពីលោកស្រីសាស្ត្រាចារ្យវេជ្ជបណ្ឌិត ទុង រដ្ឋាវី ប្រធានមជ្ឈមណ្ឌលជាតិគាំពារមាតា និងទារក លោកនាយកមន្ទីរសុខាភិបាល លោកប្រធានមន្ទីរពេទ្យខេត្ត ក្រុមគ្រូពេទ្យ និងប្រជាពលរដ្ឋចូលរួមចំនួន២៩១នាក់។
លោកស្រីសាស្ត្រាចារ្យវេជ្ជបណ្ឌិត ទុង រដ្ឋាវី ប្រធានមជ្ឈមណ្ឌលជាតិគាំពារមាតា និងទារកមានប្រសាសន៍ថា ការបំបៅកូនដោយទឹកដោះម្តាយ គឺជាសមាសធាតុដ៏សំខាន់មួយក្នុងការធានានូវសិទ្ធិផ្នែកសុខភាពរបស់កុមារ និងមានទួនាទីដ៏សំខាន់ក្នុងការកំណត់អាយុជីវិតរបស់កុមារ។ លោកស្រីបន្តថា ការអនុវត្តនូវគំនិតផ្តួចផ្តើមនៃមន្ទីរពេទ្យស្រឡាញ់ទារក គឺធ្វើឱ្យប្រសើរឡើងនូវតួនាទីនៃការផ្តល់សេវានៅផ្នែកសម្ភព និងជួយម្តាយទាំងអស់ឱ្យយល់ពីការផ្តល់ប្រយោជន៍នៃការបំបៅកូនដោយទឹកដោះដែលជាការចាប់ផ្តើមដ៏ប្រសើរនៃជីវិត ។
លោកសៀក គឹមលៀង អភិបាលរងខេត្តបានមានប្រសាសន៍ថា នេះជាលើកទី១៨ហើយដែលមន្ទីរពេទ្យបង្អែកត្រូវបានទទួលស្គាល់ថា ជា«មន្ទីរពេទ្យស្រឡាញ់ទារក» ក្នុងចំណោមមន្ទីរពេទ្យបង្អែកជាង៧០ក្នុងទូទាំងប្រទេស ៕
ចែករំលែកព័តមាននេះ