យោងតាមប្រភពព័ត៌មានស៊ី អិុនអិុន ចេញផ្សាយកាលពីថ្ងៃព្រស្បតិ៍ ទី១៣ មិថុនា ឆ្នាំ២០១៣ បានឱ្យដឹងថា កីឡាករម៉េស៊ីបានបដិសេធចំពោះការចោទប្រកាន់ពីអាជ្ញាធរអេស្បា៉ញដែលបានចោទប្រកាន់រូបលោក និងឪពុកពីបទក្លែងបន្លំប្រាក់បង់ពន្ធចំនួនជាង៥លានដុល្លារអាមេរិក ។
យោងតាមប្រភពព័ត៌មានស៊ី អិុនអិុន ចេញផ្សាយកាលពីថ្ងៃព្រស្បតិ៍ ទី១៣ មិថុនា ឆ្នាំ២០១៣ បានឱ្យដឹងថា កីឡាករម៉េស៊ីបានបដិសេធចំពោះការចោទប្រកាន់ពីអាជ្ញាធរអេស្បា៉ញដែលបានចោទប្រកាន់រូបលោក និងឪពុកពីបទក្លែងបន្លំប្រាក់បង់ពន្ធចំនួនជាង៥លានដុល្លារអាមេរិក ។
តាមឯកសារតុលាការដែលទទួលបានដោយស៊ី អិុន អិុន លោកព្រះរាជអាជ្ញាបាននិយាយថា កីឡាករវ័យ២៥ឆ្នាំ និងឪពុកគឺលោក Jorge Horacio មានការសង្ស័យជាប់ពាក់ព័ន្ធពីបទក្លែងបន្លំការបង់ពន្ធកាលពីឆ្នាំ២០០៦-២០០៩ ។ កីឡាករឆ្នើមប្រចាំឆ្នាំ៤សម័យកាលដែលកំពុងបំពេញកាតព្វកិច្ចជាមួយក្រុមជម្រើសជាតិអាហ្សង់ទីនបានសម្ដែងការភ្ញាក់ផ្អើលយ៉ាងខ្លាំងដោយនិយាយថា ៖ «ខ្ញុំមានការភ្ញាក់ផ្អើលបន្ទាប់ពីបានឃើញព័ត៌មាននេះ ពីព្រោះខ្ញុំមិនដែលបានប្រព្រឹត្តបទល្មើសបែបនេះទេ ។
កីឡាករម៉េស៊ីបានបន្តឱ្យដឹងទៀតថា ជានិច្ចកាលខ្ញុំតែងតែបំពេញកាតព្វកិច្ចបង់ពន្ធមិនដែលខកខានម្ដងណាឡើយតាមរយៈអ្នកពិគ្រោះយោបល់របស់ខ្ញុំ ។ ផ្អែកទៅតាមភ្នាក់ងារតុលាការអេស្ប៉ាញបានឱ្យដឹងថា ប្រសិនបើរកឃើញថា កីឡាករម៉េស៊ីមានជាប់ពាក់ព័ន្ធនឹងបទល្មើសមែននោះគាត់នឹងប្រឈមមុខចំពោះមុខច្បាប់ដែលអាចជាប់គុកចំនួន៣ឆ្នាំ និងពិន័យជាប្រាក់ជាច្រើនទៀត ៕
ចែករំលែកព័តមាននេះ