កីឡាករវាយកូនបាល់ជើងខ្លាំងរបស់បារាំង Gael Monfils បានប្រកាសកាលពីថ្ងៃពុធសប្តាហ៍នេះថា ខ្លួននឹងមិនទៅចូលរួមប្រកួតព្រឹត្តិការណ៍ធំ Wimbledon ឆ្នាំ២០១៣ នេះទេ ដោយទាញហេតុផលពីមូលហេតុផ្ទាល់ខ្លួន ។ថ្លែងនៅទីក្រុង Halle ប្រទេសអាល្លឺម៉ង់ ជាទីដែលគេយកឈ្នះកីឡាករ Jan Hernych ក្នុងជុំទី២ Monfils បានបញ្ជាក់ថា ៖ «ខ្ញុំបានដកសំណើសុំសិទ្ធិចូល
កីឡាករវាយកូនបាល់ជើងខ្លាំងរបស់បារាំង Gael Monfils បានប្រកាសកាលពីថ្ងៃពុធសប្តាហ៍នេះថា ខ្លួននឹងមិនទៅចូលរួមប្រកួតព្រឹត្តិការណ៍ធំ Wimbledon ឆ្នាំ២០១៣ នេះទេ ដោយទាញហេតុផលពីមូលហេតុផ្ទាល់ខ្លួន ។ថ្លែងនៅទីក្រុង Halle ប្រទេសអាល្លឺម៉ង់ ជាទីដែលគេយកឈ្នះកីឡាករ Jan Hernych ក្នុងជុំទី២ Monfils បានបញ្ជាក់ថា ៖ «ខ្ញុំបានដកសំណើសុំសិទ្ធិចូលប្រកួតពិសេស ពីព្រោះខ្ញុំមានបញ្ហាផ្ទាល់ខ្លួនតូចមួយដែលត្រូវដោះស្រាយប៉ុន្មានសប្តាហ៍ខាងមុខនេះ ។ អ្វីមួយដែលមិនបានរំពឹងទុកបានកើតមាននៅចំសប្តាហ៍ដំបូងនៃ Wimbledon» ។
យ៉ាងណាក៏ដោយ កីឡាករវ័យ២៦ឆ្នាំរូបនេះបានបញ្ជាក់ថា ខ្លួនពិតជាសោកស្តាយដែលខកខានព្រឹត្តិការណ៍ប្រកួតលើតារាងដាំស្មៅប្រចាំរដូវកាល ។ Monfils ធ្លាប់បានចូលរួមក្នុងព្រឹត្តិការណ៍ Wimbledon ចំនួន៥លើកគិតពីឆ្នាំ២០០៥មក តែគេមិនដែលមានប្រវត្តិឆ្លងផុតពីជុំទី៣ឡើយ ៕
ចែករំលែកព័តមាននេះ