ប្រិយមិត្តធ្លាប់ឮហើយពាក្យថាសប្បុរសគឺសំដៅទៅលើមនុស្សល្អ។ ពិតណាស់តាមធម្មតារបស់សប្បុរសលោកមិនដែលបៀតបៀន ចាក់ដោត ឬចងពៀរអ្នកដទៃឡើយ ប៉ុន្តែលោកតែងចង្អុលបង្ហាញផ្លូវណាដែលជាប្រយោជន៍នាំឱ្យសព្វសត្វបានសុខក្នុងលោកទាំងពីរគឺ លោកនេះផង និងលោកខាងមុខផង។ សប្បុរសលោកមានធម៌៤យ៉ាងនៅក្នុងសន្តានជានិច្ចគឺៈ ១-លោកអ្នកប្រព្រឹត្តល្អដោយកាយ វាចា…
ប្រិយមិត្តធ្លាប់ឮហើយពាក្យថាសប្បុរសគឺសំដៅទៅលើមនុស្សល្អ។ ពិតណាស់តាមធម្មតារបស់សប្បុរសលោកមិនដែលបៀតបៀន ចាក់ដោត ឬចងពៀរអ្នកដទៃឡើយ ប៉ុន្តែលោកតែងចង្អុលបង្ហាញផ្លូវណាដែលជាប្រយោជន៍នាំឱ្យសព្វសត្វបានសុខក្នុងលោកទាំងពីរគឺ លោកនេះផង និងលោកខាងមុខផង។ សប្បុរសលោកមានធម៌៤យ៉ាងនៅក្នុងសន្តានជានិច្ចគឺៈ
១-លោកអ្នកប្រព្រឹត្តល្អដោយកាយ វាចា ចិត្តជាប្រក្រតី
២-លោកតែងស្តាប់ពាក្យប្រៀប្រដៅរបស់បណ្ឌិតអ្នកប្រាជ្ញដោយគោរព
៣-រមែងត្រិះរិះឱ្យស្គាល់របស់ល្អ ឬអាក្រក់ដោយឧបាយដែលត្រូវ ផ្លូវសុចរិត
៤-តែងប្រតិបត្តិធម៌សមគួរដល់ធម៌ដែលបានត្រិះរិះឃើញថាត្រឹមត្រូវហើយ ។
សប្បុរសជាអ្នកប្រព្រឹត្តល្អដោយកាយ វាចា ចិត្ត បុគ្គលដែលនឹងបាននាមថាសប្បុរសនោះគឺជាមនុស្សល្អ អ្នកប្រព្រឹត្តតែអំពើសុចរិត សូម្បីតាមរូបស័ព្ទក៏បានកំណត់យកថា បុរសល្អ ឬមនុស្សល្អ ។
ពាក្យថាល្អនោះ គឺមនុស្សមិនអាក្រក់ ពោលគឺមិនប្រព្រឹត្តអំពើអាក្រក់ សេចក្តីនាំឱ្យវិនាស ជាអ្នកប្រព្រឹត្តល្អ គួរជាទីរាប់អាននៃអ្នកផងទាំងពួង បុគ្គលប្រភេទនេះហៅថា សប្បុរស ។
ចែករំលែកព័តមាននេះ