ខេត្តកំពង់ឆ្នាំង ៖ មន្ត្រីខណ្ឌរដ្ឋបាលព្រៃឈើ នៃមន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង នៅរសៀលថ្ងៃទី១៣ ខែវិច្ឆិកា ឆ្នាំ២០១៨ បានសហការជាមួយកម្លាំងចម្រុះចុះបង្ក្រាបសកម្មភាពបទល្មើស…
ខេត្តកំពង់ឆ្នាំង ៖ មន្ត្រីខណ្ឌរដ្ឋបាលព្រៃឈើ នៃមន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង នៅរសៀលថ្ងៃទី១៣ ខែវិច្ឆិកា ឆ្នាំ២០១៨ បានសហការជាមួយកម្លាំងចម្រុះចុះបង្ក្រាបសកម្មភាពបទល្មើស ម៉ាស៊ីនអារឈើខុសច្បាប់មួយកន្លែងដែលកំពុងអារ និងច្រៀកឈើយ៉ាងអនាធិបតេយ្យ នៅក្នុងភូមិ ត្រពាំងក្រវ៉ាន់ ឃុំព្រៃមូល ស្រុករលាប្អៀរ។ យោងតាមសេចក្តីរាយការណ៍ពីប្រពលរដ្ឋ មូលដ្ឋាននៅជិតទីតាំងបទល្មើស ដាក់ម៉ាស៊ីនអាឈើរខុសច្បាប់ខាងលើបានឲ្យដឹងថា៖
ម្ចាស់ទីតាំងអារឈើខុសច្បាប់ខាងលើ មានឈ្មោះ ភេន ដែលជាប្រព្រឹត្តបទល្មើសអារឈើខុសច្បាប់យូរឆ្នាំណាស់មកហើយ មិនដែលឃើញមានមន្ត្រីជំនាញចុះបង្ក្រាប ឡើយ ដែលគេសង្ស័យថា បានឃុបឃិតជាមួយមន្ត្រីជំនាញ ហើយសម្ងំបំផ្លាញព្រៃឈើដោយរលូន។ ប៉ុន្តែមិនដឹលមូលហេតុអី ស្រាប់តែសុខៗនាយខណ្ឌរដ្ឋបាលព្រៃឈើ សហការជាមួយសមត្ថកិច្ចចម្រុះ ឆ្មក់ចុះបង្ក្រាបយ៉ាងតក់ក្រហល់ទៅវិញដែលគេសង្ស័យថា មន្ត្រីថ្នាក់ក្រោម សម្ងំកើបលុយស្ងាត់ៗតែឯង មិនចែកថ្នាក់លើ។
ទោះជាយ៉ាងនេះក្តី វត្ថុតាង មានឈើអារហើយ និងឈើមូលមិនទាន់អារ រួមទាំងម៉ាស៊ីនអារឈើផង ត្រូវបានសមត្ថកិច្ច និងមន្ត្រីជំនាញដឹកយកមករក្សាទុក នៅមន្ទីរកសិកម្មខេត្ត ដើម្បីចាត់ការតាមផ្លូវច្បាប់។ ពាក់ព័ន្ធបញ្ហាបង្ក្រាបរបស់មន្ត្រីជំនាញខាងលើ លោក ថោង វីរ៉ាវុឌ្ឍី នាយខណ្ឌរដ្ឋបាលព្រៃឈើ មិនអាចប្រាប់ពីបរិមាណ នៃការរឹបអូសឈើខុសច្បាប់នេះបានទេ ដោយលោកបានបញ្ជាក់ថា លោកឈឺជាប់រវល់ទៅពេទ្យ ចាំមន្ត្រីលោកវាស់វែងហើយនឹងប្រាប់នៅពេលក្រោយ៕
ចែករំលែកព័តមាននេះ