ខេត្តកណ្តាល ៖ ជនសង្ស័យដែលប៉ុនប៉នរំលោភប្អូនថ្លៃរបស់មិត្តភក្តិខ្លួន ខណៈនារីរងគ្រោះកំពុងដេកជាមួយប្អូនស្រីម្នាក់ទៀត តែមិនសំរេចនោះ ត្រូវបានលោក អ៊ី សុវណ្ណ ចៅក្រមស៊ើបសួរសាលាដំបូងខេត្តកណ្តាល សម្រេចចេញដីកាឃុំខ្លួននៅថ្ងៃទី១៣…
ខេត្តកណ្តាល ៖ ជនសង្ស័យដែលប៉ុនប៉នរំលោភប្អូនថ្លៃរបស់មិត្តភក្តិខ្លួន ខណៈនារីរងគ្រោះកំពុងដេកជាមួយប្អូនស្រីម្នាក់ទៀត តែមិនសំរេចនោះ ត្រូវបានលោក អ៊ី សុវណ្ណ ចៅក្រមស៊ើបសួរសាលាដំបូងខេត្តកណ្តាល សម្រេចចេញដីកាឃុំខ្លួននៅថ្ងៃទី១៣ វិច្ឆិកា ២០១៨ ដាក់ពន្ធនាគារបណ្តោះអាសន្នពីបទ «ប៉ុនប៉ងរំលោភសេពសន្ថវៈ មានស្ថានទម្ងន់ទោស» ដែលប្រព្រឹត្តនៅថ្ងៃទី១២ ខែវិច្ឆិកា ឆ្នាំ២០១៨ ម៉ោង១និង២០នាទីរសៀល នៅចំណុចឃុំពញាឮ ស្រុកពញាឮ តាមមាត្រា២៧ និងមាត្រា២៤១ នៃក្រមព្រហ្មទណ្ឌ។
ជនត្រូវចោទមានឈ្មោះ សេង ប្រុស អាយុ២៤ឆ្នាំ មុខរបរកម្មករ មានទីលំនៅភូមិព្រែកល្វា ឃុំពញាឮ ស្រុកពញាឮ ខេត្តកណ្តាល ចំណែកនារីរងគ្រោះអាយុ១៥ឆ្នាំ មុខរបរសិស្ស ។
បើតាមនគរបាលស្រុកពញ្ញាឮ បានឱ្យដឹងថា នៅថ្ងៃទី១២ វិច្ឆិកា ម៉ោង១និង២០នាទីរសៀល ជនសង្ស័យបានយកសត្វឆ្កែទៅផ្ទះរបស់នារីរងគ្រោះដើម្បីធ្វើម្ហូបក្លែមជាមួយបងថ្លៃនារីរងគ្រោះ ។
នគរបាលស្រុកបន្តថា ក្រោយមកជនសង្ស័យក៏លបឡើងទៅលើផ្ទះរបស់នារីរងគ្រោះពួនសំងំនៅកន្លែងនាងដេកជាមួយប្អូនស្រីម្នាក់ទៀត ខណៈពេលនារីរងគ្រោះនិងប្អូនកំពុងដេកលក់ ស្រាប់តែជនសង្ស័យស្ទាបអង្អែលនាងបំណងរំលោភ តែប្អូនស្រីនារីរងគ្រោះដេកជាមួយភ្ញាក់ឃើញទាន់ ស្រែកហៅឪពុកម្តាយឱ្យជួយ ភ្លាមនោះឪពុកម្តាយនិងបងប្អូននារីរងគ្រោះស្ទុះទៅឃាត់ជនសង្ស័យ រួចទូរស័ព្ទប្តឹងសមត្ថកិច្ចឲ្យនាំខ្លួនជនសង្ស័យមកកាន់អធិការដ្ឋាននគរបាលស្រុកពញាឮ ដើម្បីសាកសួរ និងចាត់ការតាមនីតិវិធីតែម្តង៕
ចែករំលែកព័តមាននេះ