ព្យុះណាគ្រីពុំមានឥទ្ធិពលខ្លាំងមកលើកម្ពុជាមែន ប៉ុន្តែបាតុភូតភ្លៀង ខ្យល់កន្រ្តាក់ និងផ្គរ រន្ទះ គឺនៅមានពី២០ភាគរយ ទៅ៣០ភាគរយ ប៉ុន្តែកម្រិតបរិមាណទឹកភ្លៀងដែលបង្អុរចុះមក គឺនៅភ្នំពេញ គឺខ្ពស់ជាងខេត្តដទៃ…
ព្យុះណាគ្រីពុំមានឥទ្ធិពលខ្លាំងមកលើកម្ពុជាមែន ប៉ុន្តែបាតុភូតភ្លៀង ខ្យល់កន្រ្តាក់ និងផ្គរ រន្ទះ គឺនៅមានពី២០ភាគរយ ទៅ៣០ភាគរយ ប៉ុន្តែកម្រិតបរិមាណទឹកភ្លៀងដែលបង្អុរចុះមក គឺនៅភ្នំពេញ គឺខ្ពស់ជាងខេត្តដទៃ ។
ព្រឹត្តិបត្រព្យាករណ៍កម្រិតទឹកភ្លៀងសរុបចាប់ពីថ្ងៃទី១៣ រហូតដល់ថ្ងៃទី១៩ ខែតុលា ឆ្នាំ២០២៥ នៅតាមបណ្ដារាជធានី-ខេត្ត ដែលចេញដោយក្រសួងធនធានទឹក និងឧតុនិយមបានឲ្យដឹងថា រាជធានីភ្នំពេញនៅក្នុងចំណោមទីតាំងដែលអាចនឹងទទួលបរិមាណទឹកភ្លៀងខ្ពស់ជាងគេ ។
ប្រភពដដែលបានឲ្យដឹងថា កម្រិតទឹកភ្លៀងបង្អុរចុះមកនៅក្នុងអំឡុងពេលនេះ គឺនៅក្នុងរង្វង់ពី៨០ ទៅ១៣០មម ។
កម្រិតទឹកភ្លៀងនៅក្នុងបរិមាណនេះ ក៏អាចនឹងកើតមាននៅផ្នែកខ្លះនៃខេត្តស្វាយរៀង ព្រៃវែង និង ត្បូងឃ្មុំ ។
ចែករំលែកព័តមាននេះ