នាយសេនាធិការរងកងទ័ពជើងគោក ៖ យើងត្រៀមរួចរាល់! កម្ពុជាអត់ធ្មត់ខ្ពស់ក្រោយថៃរំលោ.ភបំពានដែនអធិបតេយ្យ និងធ្វើបាបផ្លូវចិត្តពលរដ្ឋ
ខេត្តកំពង់ស្ពឺ ៖ ថ្ងៃទី១៤ ខែតុលា ឆ្នាំ២០២៥ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរងកងទ័ពជើងគោក…
ខេត្តកំពង់ស្ពឺ ៖ ថ្ងៃទី១៤ ខែតុលា ឆ្នាំ២០២៥ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរងកងទ័ពជើងគោក មេបញ្ជាការកងពលតូចដឹកជញ្ជូនលេខ៩០ បានផ្សព្វផ្សាយពីសកម្មភាពជាក់ស្ដែងនៃការរំលោភបទឈប់បាញ់យ៉ាងគឃ្លើន ជាបន្តបន្ទាប់របស់ភាគីថៃ មកលើដែនអធិបតេយ្យភាពរបស់ព្រះរាជាណាចក្រកម្ពុជា ។ នេះបើយោងតាមផេក កងទ័ពជើងគោកនៃកងយោធពលខេមរភូមិន្ទ បានប្រកាសនាព្រឹកថ្ងៃទី១៤ ខែតុលានេះ ។
ក្នុងនោះដែរភាគីថៃបានបន្តធ្វើសកម្មភាពយកគ្រឿងចក្រចូលឈូសឆាយដីធ្លីរបស់ប្រជាពលរដ្ឋនៅភូមិព្រៃចាន់ និងចាក់ធុងបាស់បំពងសំឡេងរំខានមកលើប្រជាពលរដ្ឋខែ្មរ រួមមានទាំងអ្នកឈឺ មនុស្សចាស់ជរា កុមារ និងជនពិការ នៅពេលយប់ស្ងាត់ ធ្វើឲ្យប៉ះពាល់យ៉ាងធ្ងន់ធ្ងរដល់សុខភាព ផ្លូវចិត្ត និងសិទ្ធិរស់នៅរបស់មនុស្សជាតិ ។ ករណីនេះយើងបានដាក់ពាក្យបណ្ដឹងទៅអង្គការសិទ្ធិមនុស្សអន្តរជាតិរួចហើយ ។
ឯកឧត្តម ឈរ សុខ បានមានប្រសាសន៍ផងដែរថា ៖ ក្រោមការដឹកនាំបញ្ជាដ៏ម៉ឺងម៉ាត់របស់សម្ដេចតេជោ សម្តេចធិបតី និងមេបញ្ជាការគ្រប់លំដាប់ថ្នាក់ នៃកងយោធពលខេមរភូមិន្ទ យើងបានធ្វើការអត់ធ្មត់ក្នុងកម្រិតខ្ពស់ ដើម្បីគោរពយ៉ាងម៉ឺងម៉ាត់នូវបទឈប់បាញ់ ដែលមានការគាំទ្រ និងសម្របសម្រួលពីឯកឧត្តម ដូណាល់ត្រាំ ប្រធានាធិបតីសហរដ្ឋអាមេរិក និងតំណាងសាធារណរដ្ឋប្រជាមានិតចិន ព្រមទាំងនាយករដ្ឋមន្ត្រីម៉ាឡេស៊ី ដែលជាប្រធានអាស៊ានប្ដូរវេនផងដែរ ។
នាយទាហាន នាយទាហានរង និងពលទាហានទាំងអស់របស់កងពលបានខិតខំយកចិត្តទុកដាក់ស្ដាប់ និងត្រៀមលក្ខណៈរួចជាស្រេច ដើម្បីរង់ចាំទទួលនូវបទបញ្ជាដែលថ្នាក់លើប្រគល់ជូន ៕
ចែករំលែកព័តមាននេះ