ខណៈពេលដែលពលរដ្ឋមួយចំនួនបានបិទទ្វារចាក់សោរផ្ទះ តូប ក៏ដូចជាហាងនានាដើរលេងនៅក្នុងពេលឈប់សម្រាកបីថ្ងៃនៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ក្រសួងមហាផ្ទៃប្រកាសអំពីទោសដែលកើតមានសម្រាប់អំពើគាស់ផ្ទះ លួចសម្ភារៈអ្នកដទៃ ។ លោក…
ខណៈពេលដែលពលរដ្ឋមួយចំនួនបានបិទទ្វារចាក់សោរផ្ទះ តូប ក៏ដូចជាហាងនានាដើរលេងនៅក្នុងពេលឈប់សម្រាកបីថ្ងៃនៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ក្រសួងមហាផ្ទៃប្រកាសអំពីទោសដែលកើតមានសម្រាប់អំពើគាស់ផ្ទះ លួចសម្ភារៈអ្នកដទៃ ។
លោក ទូច សុខៈ អ្នកនាំពាក្យក្រសួងមហាផ្ទៃបានថ្លែងតាមបណ្តាញសង្គមកាលពីថ្ងៃទី ០៣ ខែវិច្ឆិកា ឆ្នាំ២០២៥ថា សកម្មភាពគាស់ផ្ទះ ឬគាស់ទម្លុះទម្លាយផ្សេងៗ យកទ្រព្យសម្បត្តិអ្នកដទៃ គឺជា«បទល្មើសលួចមានស្ថានទម្ងន់ទោសដោយសារការប្រព្រឹត្តិអំពើហិង្សា» ។
លោកបានចែករំលែកថា សកម្មភាពបែបនេះជាបទល្មើសទុច្ចរិត និង ជាអំពើចេតនា ដែលត្រូវផ្ដន្ទាទោសដាក់ពន្ធនាគារពី៣ឆ្នាំ ទៅ១០ឆ្នាំ តាមក្រមព្រហ្មទណ្ឌ។
លោក ទូច សុខៈ បានលើកទឹកចិត្តប្រជាពលរដ្ឋទៅប្តឹងនៅប៉ុស្តិ៍ អធិការដ្ឋាន ឫ ស្នងការដ្ឋាននគរបាលនៅតាមមូលដ្ឋាននានា ។
គួររំលឹកថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក គឺបុគ្គលិករាជការ កម្មករ បុគ្គលិកអង្គការសង្គមស៊ីវិលនានា ត្រូវបានឈប់សម្រាកបីថ្ងៃពីថ្ងៃទី ០៤ ដល់ ថ្ងៃទី ០៦ ខែវិច្ឆិកា ឆ្នាំ២០២៥ ៕
ចែករំលែកព័តមាននេះ