ខណៈដែលពលរដ្ឋកំពុងតែស្វះស្វែងគាំទ្រ និងរកផលិតផលខ្មែរបំពេញទូរទឹកកក និងផ្ទះបាយ អ្នកជំនាញខាងនាំចេញផលិតផលកសិផល នៅក្នុងស្រុកមួយរូបបានអះអាងថា ផលិតផលកែច្នៃចំណីអាហារកម្ពុជា នឹងបន្តមានវត្តមាននៅលើទីផ្សារអន្តរជាតិ ។ លោក សុង…
ខណៈដែលពលរដ្ឋកំពុងតែស្វះស្វែងគាំទ្រ និងរកផលិតផលខ្មែរបំពេញទូរទឹកកក និងផ្ទះបាយ អ្នកជំនាញខាងនាំចេញផលិតផលកសិផល នៅក្នុងស្រុកមួយរូបបានអះអាងថា ផលិតផលកែច្នៃចំណីអាហារកម្ពុជា នឹងបន្តមានវត្តមាននៅលើទីផ្សារអន្តរជាតិ ។
លោក សុង សារ៉ន អគ្គនាយកក្រុមហ៊ុនអេមរុរាយស៍ និងជាស្ថាបនិកម្នាក់ នៅក្នុងចំណោមស្ថាបនិក ដែលបានបើកទីផ្សារអង្ករខ្មែរ នៅលើទីផ្សារអន្តរជាតិ បានចែករំលែកក្តីសង្ឃឹមនេះ នៅលើបណ្តាញសង្គមរបស់លោកកាលពីពេលថ្មីៗនេះ ។
លោក សុង សារ៉ន បានបញ្ជាក់នៅលើបណ្តាញសង្គមហ្វេសប៊ុករបស់លោកថា « យ៉ាងយូរ ៣ឆ្នាំទៀត ផលិតផល កសិអាហារ និងផលិតកែឆ្នៃចំណីអាហារ កម្ពុជា មានគ្រាប់ទីផ្សារក្រៅប្រទេស» ។
ជាការពិត នៅក្នុងអំឡុងពេលប៉ុន្មានខែចុងក្រោយ ដែលកម្ពុជាមានអរិភាពព្រំដែនជាមួយនឹងថៃ ហើយពលរដ្ឋកម្ពុជាបានធ្វើពហិកាលើទំនិញ និងផលិតផលថៃ មកដល់ពេលនេះ ផលិតករនៅក្នុងស្រុកបានកំពុងតែពង្រឹង និងពង្រីក ក៏ដូចជា បង្កើតផលិតកម្មកែច្នៃអាហារ និងផលិតផលប្រើប្រាស់ចាំបាច់ជាច្រើនប្រភេទ ៕
ចែករំលែកព័តមាននេះ