សហរដ្ឋអាមេរិក ៖ យោងតាមរ៉យទ័រថាមនុស្សជាង២០០នាក់ត្រូវបានបាត់ខ្លួនកាលពីថ្ងៃទី១ ២វិច្ឆិកា ខណៈខ្យល់ស្ងួតបន្តបោកបក់ខ្លាំងនាំឲ្យភ្លើងឆេះព្រៃ កាន់តែឆេះរាលដាលខ្លាំង ក្នុងតំបន់ជាច្រើននៃរដ្ឋកាលីហ្វ័រនីញ៉ា ដែលនៅទីនោះតាមតុល្យការបណ្ដោះអាសន្នថាចំនួនអ្នកស្លាប់មានដល់សរុប៤៤នាក់ហើយ។ លោកKORY HONEAប្រមុខប៉ូលិសតំបន់BUTTEនិយាយថា…
សហរដ្ឋអាមេរិក ៖ យោងតាមរ៉យទ័រថាមនុស្សជាង២០០នាក់ត្រូវបានបាត់ខ្លួនកាលពីថ្ងៃទី១ ២វិច្ឆិកា ខណៈខ្យល់ស្ងួតបន្តបោកបក់ខ្លាំងនាំឲ្យភ្លើងឆេះព្រៃ កាន់តែឆេះរាលដាលខ្លាំង ក្នុងតំបន់ជាច្រើននៃរដ្ឋកាលីហ្វ័រនីញ៉ា ដែលនៅទីនោះតាមតុល្យការបណ្ដោះអាសន្នថាចំនួនអ្នកស្លាប់មានដល់សរុប៤៤នាក់ហើយ។
លោកKORY HONEAប្រមុខប៉ូលិសតំបន់BUTTEនិយាយថា អាជ្ញាធរបាត់ដំណឹងសូន្យពីមនុស្ស២២៨នាក់ ខណៈរដ្ឋនេះជួបប្រទះនឹងគ្រោះមហន្តរាយភ្លើងឆេះព្រៃយ៉ាងបំផ្លិចបំផ្លាញបំផុតនៃប្រវត្តិសាស្ត្ររបស់ខ្លួន។ នៅតំបន់ភ្លើងឆេះព្រៃសំខាន់ មានរហ្សសនាមថា CAMP FIREមានមនុស្សស្លាប់៤២នាក់ ក្រោយរកឃើញសាកសពមនុស្សថ្មី១៣នាក់ទៀតមក។តំបន់ភ្លើងឆេះព្រៃធំមួយទៀតហៅWOOLSEY FIRE ភាគខាងត្បូងរដ្ឋកាលីហ្វ័រនីញ៉ា។
CAMP FIRE ស្ថិតនៅចម្ងាយប្រមាណជា៦០គីឡូម៉ែត្រពីរដ្ឋធានី SACRAMENTO បានបំផ្លាញផ្ទះជាង៦៧០០ខ្នងនិងបណ្ដាសហគ្រាសក្នុងទីក្រុងPARADISE ដែលនោះជាតុល្យការអាក្រក់បំផុតពុំធ្លាប់មាន ក្នុងប្រវត្តិសាស្ត្រនៃរដ្ឋកាលីហ្វ័រនីញ៉ា។
នៅភាគខាងត្បូងរដ្ឋនេះ WOOLSEY FIRE បានបំផ្លាញព្រៃឈើជាង៣៦០០ហិកតា។ ចំនួនមនុស្សដែលបាត់ខ្លួនដោយសារ WOOLSEY FIRE នៅពុំទាន់បញ្ជាក់នៅឡើយក្នុងពេលភ្លាមៗ ហើយនៅទីនោះអ្នកពន្លត់ភ្លើងជាង៣២០០នាក់កំពុងតែតតាំងនឹងភ្លើង៕
ចែករំលែកព័តមាននេះ