រាជធានីភ្នំពេញ ៖ កងរាជអាវុធហត្ថខណ្ឌសែនសុខ កាលពីវេលាម៉ោង៧និង៣០នាទីយប់ថ្ងៃទី៨ មិថុនាកន្លងទៅ បានឃាត់ចាប់រថយន្តកូរ៉េចំណុះ២តោនដឹកត្រីនៅចំណុចភូមិសំរោងខាងត្បូង សង្កាត់សំរោង ខណ្ឌសែនសុខ ។ការឃាត់ចាប់រថយន្តនេះតាមប្រភពព័ត៌មានពីមន្ត្រីកងរាជអាវុធហត្ថឱ្យដឹងថា គឺពាក់ព័ន្ធនឹងដើមបណ្តឹងឈ្មោះ អុឹង សៀហួត ភេទប្រុស អាយុ៤៥ឆ្នាំ ស្នាក់នៅ
រាជធានីភ្នំពេញ ៖ កងរាជអាវុធហត្ថខណ្ឌសែនសុខ កាលពីវេលាម៉ោង៧និង៣០នាទីយប់ថ្ងៃទី៨ មិថុនាកន្លងទៅ បានឃាត់ចាប់រថយន្តកូរ៉េចំណុះ២តោនដឹកត្រីនៅចំណុចភូមិសំរោងខាងត្បូង សង្កាត់សំរោង ខណ្ឌសែនសុខ ។ការឃាត់ចាប់រថយន្តនេះតាមប្រភពព័ត៌មានពីមន្ត្រីកងរាជអាវុធហត្ថឱ្យដឹងថា គឺពាក់ព័ន្ធនឹងដើមបណ្តឹងឈ្មោះ អុឹង សៀហួត ភេទប្រុស អាយុ៤៥ឆ្នាំ ស្នាក់នៅក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ ប្តឹងពីបទជំពាក់ប្រាក់ប្រមាណ២០ម៉ឺនដុល្លារមិនសង រហូតប្តឹងទៅតុលាការថែមទៀតផង ។
ប្រភពព័ត៌មានបានឱ្យដឹងបន្តថា កាលពីប៉ុន្មានខែមុនម្ចាស់ស្រះត្រីឈ្មោះ ណុប ហេង និងប្រពន្ធឈ្មោះ ជា ដាវ មានទីលំនៅដែលមានស្រះចិញ្ចឹមត្រីចំនួន៦កន្លែង ក្នុងសង្កាត់សំរោង ត្រូវបានតុលាការចេញដីការក្សាការពារ ។ ប៉ុន្តែម្ចាស់ស្រះត្រីនេះចេះតែលួចចាប់ត្រីយកទៅលក់ជាញឹកញាប់ ទើបម្ចាស់បណ្តឹងប្តឹងដល់សមត្ថកិច្ច ហើយក៏ឃាត់រថយន្តរបស់ម្ចាស់ស្រះត្រី ដែលកំពុងដឹកត្រីចេញពីស្រះយកទៅលក់នៅលើទីផ្សារ ។ ការឃាត់ចាប់រថយន្តនេះ គឺម្ចាស់បណ្តឹងបានតាមទាន់ រួចហៅសមត្ថកិច្ចឱ្យចាប់តែម្តង ។
ទោះជាយ៉ាងណា ពេលកងរាជអាវុធហត្ថខណ្ឌសែនសុខឃាត់ចាប់រថយន្តខាងលើ១គ្រឿងនោះ ក៏មានការប្រទូស្តរ៉ាយជាមួយសមត្ថកិច្ចដែរ ដោយក្រុមគ្រួសារម្ចាស់ត្រីបានប្រើហិង្សាទៅលើសមត្ថកិច្ចថែមទៀតផង ។ ប្រភពព័ត៌មានបានបន្តថា តុលាការបានបញ្ជាឱ្យកងរាជអាវុធហត្ថឃាត់រថយន្តរួមជាមួយអ្នកបើកបរបញ្ជូនមកកាន់បញ្ជាការដ្ឋានកងរាជអាវុធហត្ថខណ្ឌសែនសុខ និងបានលក់ត្រីប្រាឡាយឡុងប្រមាណជិត១តោន ហើយយកប្រាក់ទៅតម្កល់ទុកនៅតុលាការ ៕
ចែករំលែកព័តមាននេះ