ខេត្តកំពង់ចាម ៖ ជនជាតិវៀតណាម ចំនួន ៥នាក់ បម្រើការងារក្នុងកាស៊ីណូ ហេង ហេង ស្ថិតក្នុងឃុំត្រពាំងថ្លុង ស្រុកពញាក្រែក ខេត្តកំពង់ចាម ត្រូវបានកម្លាំងនគរបាលស្នងការដ្ឋាននគរបាលខេត្ត សហការជាមួយនគរបាលពញាក្រែក កាលពីវេលាម៉ោងជាង ៧យប់ ថ្ងៃទី១១ មិថុនា ២០១៣ ចេញប្រតិបត្តិការចាប់បានជាបន្តបន្ទាប់
ខេត្តកំពង់ចាម ៖ ជនជាតិវៀតណាម ចំនួន ៥នាក់ បម្រើការងារក្នុងកាស៊ីណូ ហេង ហេង ស្ថិតក្នុងឃុំត្រពាំងថ្លុង ស្រុកពញាក្រែក ខេត្តកំពង់ចាម ត្រូវបានកម្លាំងនគរបាលស្នងការដ្ឋាននគរបាលខេត្ត សហការជាមួយនគរបាលពញាក្រែក កាលពីវេលាម៉ោងជាង ៧យប់ ថ្ងៃទី១១ មិថុនា ២០១៣ ចេញប្រតិបត្តិការចាប់បានជាបន្តបន្ទាប់ ក្នុងករណីចាប់ជំរិតទារប្រាក់ជនរងគ្រោះឈ្មោះ អ៊ឺង វាសនា ភេទប្រុស អាយុ ៣៨ឆ្នាំ ជាថៅកែលក់ត្រីនៅខេត្តសៀមរាប ដឹកតាមរថយន្តមកឃុំទុកក្នុងបន្ទប់មួយក្នុងកាស៊ីណូត្រពាំងថ្លុង កំពង់ចាម ។
ករណីចាប់ជំរិតថៅកែលក់ត្រីនៅខេត្តសៀមរាបខាងលើនេះ ក្រុមចាប់ជំរិតបានធ្វើសកម្មភាពតាំងពីថ្ងៃអាទិត្យ ទី០៩ មិថុនា ២០១៣ មកម្ល៉េះ ដោយយកកន្រ្តៃចុងស្រួចភ្ជង់គំរាមនាំពីផ្ទះសំណាក់មួយនៅក្នុងខេត្តសៀមរាប ដឹកតាមរថយន្តមកឃុំទុកក្នុងបន្ទប់មួយក្នុងកាស៊ីណូត្រពាំងថ្លុង កំពង់ចាម វាយដំធ្វើបាបជនរងគ្រោះ រួចទូរស័ព្ទទៅជំរិតទារលុយពីប្រពន្ធជនរងគ្រោះចំនួន ៥ម៉ឺនដុល្លារ តែត្រូវតថ្លៃចុះមកត្រឹម ៣ម៉ឺនដុល្លារ វិញ ។
បើតាមលោកឧត្តមសេនីយ៍ទោ ឆាយ គឹមសុន ស្នងការនគរបាលខេត្ត បានបញ្ជាក់ថា ប្រតិបត្តិការចាប់ក្រុមចាប់ជំរិតទារប្រាក់ជនជាតិវៀតណាមទាំង ៥នាក់ នេះ គឺចេញប្រតិបត្តិការ កាលពីថ្ងៃទី១០ មិថុនា រហូតមកដល់យប់ថ្ងៃទី១១ មិថុនា ២០១៣ ទើបចាប់ក្រុមនេះបាន ៕
ចែករំលែកព័តមាននេះ