ដើម្បីបំបាត់ពាក្យចចាមអារ៉ាមកន្លងមក ក្លិប Dortmund បានចេញមុខអះអាងប្រាប់បណ្ដាញផ្សព្វផ្សាយព័ត៌មានថា កីឡាករខ្សែប្រយុទ្ធសញ្ជាតិប៉ូឡូញ Lewandowski នឹងមិនផ្លាស់ប្ដូរទ្រនំទៅរួមរស់ ជាមួយក្លិប Bayern សម្រាប់រដូវកាលថ្មីខាងមុខនេះទេ។
ដើម្បីបំបាត់ពាក្យចចាមអារ៉ាមកន្លងមក ក្លិប Dortmund បានចេញមុខអះអាងប្រាប់បណ្ដាញផ្សព្វផ្សាយព័ត៌មានថា កីឡាករខ្សែប្រយុទ្ធសញ្ជាតិប៉ូឡូញ Lewandowski នឹងមិនផ្លាស់ប្ដូរទ្រនំទៅរួមរស់ ជាមួយក្លិប Bayern សម្រាប់រដូវកាលថ្មីខាងមុខនេះទេ។
លោក Hans Joachim Watzke នាយកប្រតិបត្តិក្លិប Dortmund បាននិយាយថា វាគឺពិតប្រាកដណាស់ថា កីឡាករវ័យ២៤ឆ្នាំរូបនេះនឹងមិនចាកចេញពីក្លិប Dortmund នោះទេក្នុងឆ្នាំ២០១៣ នេះគឺជាការសម្រេចិត្តចុងក្រោយរបស់យើង ។ លោកបានបញ្ជាក់ទៀតថា យើងបានជម្រាបប្រាប់កីឡាករ និងទីប្រឹក្សាកីឡាករដោយផ្ទាល់ដើម្បីបញ្ចប់ពាក្យចចាមអារ៉ាមទាំងអស់នេះ ។ ទោះជាយ៉ាងណាក្ដី ក្លិប Dortmund បាននិយាយថា កីឡាកររូបនេះអាចចាកចេញពីក្លិប Dortmund បានសម្រាប់រដូវកាលក្រោយ ។
គួររំលឹកដែរថា កីឡាករ Lewandowski បានចូលមកលេងឱ្យក្លិប Dortmund កាលពីឆ្នាំ២០១០ ។ នៅជាមួយក្លិប Dortmund កីឡាកររូបនេះធ្លាប់បានបង្ហាញវត្តមានចំនួន៩៨ប្រកួតដោយស៊ុតបាល់បញ្ចូលទីបាន៥៤គ្រាប់ ។ ចំណែកឯអាជីពក្នុងក្រុមជម្រើសជាតិវិញគឺស៊ុតបាល់បាន១៧គ្រាប់ក្នុង៥៤ប្រកួត ៕
ចែករំលែកព័តមាននេះ