អ្នករៀបចំគោលនយោបាយសេដ្ឋកិច្ចរបស់កូរ៉េខាងត្បូងបានសម្តែងក្តីបារម្ភចំពោះនិន្នាការកំណើនសេដ្ឋកិច្ចទាបនៅក្នុងប្រទេសចំពេលដែលភាពមិនច្បាស់លាស់ចំពោះស្ថានភាពក្រៅប្រទេសកាន់តែធ្ងន់ធ្ងរ ។រដ្ឋមន្ត្រីហិរញ្ញវត្ថុលោក Hyun Oh Seok បានថ្លែងថា សេដ្ឋកិច្ចរបស់យើងនៅតែមាននិន្នាការកំណើនទាបដែលមិនធ្លាប់មានពីមុនមក ជាសញ្ញាបង្ហាញពីកំណើនសូន្យអស់រយៈពេល
អ្នករៀបចំគោលនយោបាយសេដ្ឋកិច្ចរបស់កូរ៉េខាងត្បូងបានសម្តែងក្តីបារម្ភចំពោះនិន្នាការកំណើនសេដ្ឋកិច្ចទាបនៅក្នុងប្រទេសចំពេលដែលភាពមិនច្បាស់លាស់ចំពោះស្ថានភាពក្រៅប្រទេសកាន់តែធ្ងន់ធ្ងរ ។រដ្ឋមន្ត្រីហិរញ្ញវត្ថុលោក Hyun Oh Seok បានថ្លែងថា សេដ្ឋកិច្ចរបស់យើងនៅតែមាននិន្នាការកំណើនទាបដែលមិនធ្លាប់មានពីមុនមក ជាសញ្ញាបង្ហាញពីកំណើនសូន្យអស់រយៈពេល៨ត្រីមាសពេញក្រោមស្ថានការណ៍មិនប្រាកដប្រជានៅក្រៅប្រទេស ។ លោកបន្តថា វិធានការ QE និង Abenomics ព្រមទាំងការចាកចេញរបស់អាមេរិកពីវិធានការ QE គឺជាភាពមិនច្បាស់លាស់នៅក្រៅប្រទេស ។
វិធានការ QE (Quantitative Easing) នៅក្នុងបណ្តាប្រទេសដែលមានសេដ្ឋកិច្ចធំៗបានជួយសម្រាលដំណើរដើេរថយក្រោយនៃសេដ្ឋកិច្ចសាកល និងធ្វើឱ្យទីផ្សារហិរញ្ញវត្ថុអន្តរជាតិមានលំនឹង ប៉ុន្តែវាបង្កផលប៉ះពាល់អវិជ្ជមានដោយអចេតនាមានជាអាទិ៍ លំហូរមូលធនចូលនិងចេញពីប្រទេសដែលមានសេដ្ឋកិច្ចកំពុងលូតលាស់ ។ចំណែកវិធានការ Abenomics ឬគោលនយោបាយសេដ្ឋកិច្ចដែលគាំទ្រដោយលោកនាយករដ្ឋមន្ត្រី ស៊ិនហ្សូ អាបេ បានបណ្តាលឱ្យប្រាក់យ៉េនធ្លាក់ថ្លៃធៀបនឹងប្រាក់ដុល្លារអាមេរិក ក៏ដូចជាប្រាក់វ៉ុនកូរ៉េផងដែរ ។ ម្យ៉ាងវិញទៀត វាធ្វើឱ្យការប្រកួតប្រជែងតម្លៃក្រុមហ៊ុនក្នុងស្រុកកាន់តែដុនដាប ដែលក្រុមហ៊ុនទាំងនោះកំពុងធ្វើការប្រកួតប្រជែងជាមួយគូប្រជែងជប៉ុននៅក្នុងទីផ្សារក្រៅប្រទេស ។
លោករដ្ឋមន្ត្រីបានក្រើនរំលឹកថា សន្ទុះរើបឡើងវិញនៃប្រទេសដែលមានសេដ្ឋកិច្ចធំបំផុតទី៤ នៅអាស៊ីនៅតែទន់ខ្សោយ បើទោះបីជារើបឡើងវិញនៅក្នុងត្រីមាសទី១ ក៏ដោយ ។ រដ្ឋាភិបាលនឹងប្រឹងប្រែងជំរុញកំណើនសេដ្ឋកិច្ចនៅក្នុងឆមាសទី១ឆ្នាំនេះ ៕
ចែករំលែកព័តមាននេះ