កងទ័ពស៊ីរីពេលនេះបានត្រៀមខ្លួនបើកការវាយលុកលើក្រុងអាឡែប ភាគខាងជើងប្រទេស ក្រោយការវាយដណ្តើមយកបានក្រុង QOUSSEIR ជាមួយការជួយទ្រទ្រង់របស់ពួកហេសប៊ុលឡាហ៍មក ។៤ថ្ងៃក្រោយការវាយដណ្តើមយកបានក្រុង QOUSSEIR កងទ័ពស៊ីរីប៉ុនប៉ងវាយដណ្តើមត្រួតត្រាក្រុងអាឡែប ជាទីក្រុងធំទី២របស់ប្រទេសទៀត ។ យោងតាមកាសែត AL-WATAN ស្និទ្ធរដ្ឋ
កងទ័ពស៊ីរីពេលនេះបានត្រៀមខ្លួនបើកការវាយលុកលើក្រុងអាឡែប ភាគខាងជើងប្រទេស ក្រោយការវាយដណ្តើមយកបានក្រុង QOUSSEIR ជាមួយការជួយទ្រទ្រង់របស់ពួកហេសប៊ុលឡាហ៍មក ។៤ថ្ងៃក្រោយការវាយដណ្តើមយកបានក្រុង QOUSSEIR កងទ័ពស៊ីរីប៉ុនប៉ងវាយដណ្តើមត្រួតត្រាក្រុងអាឡែប ជាទីក្រុងធំទី២របស់ប្រទេសទៀត ។ យោងតាមកាសែត AL-WATAN ស្និទ្ធរដ្ឋអំណាចថា កងទ័ពចាប់ផ្តើមដាក់ពង្រាយដោយទ្រង់ទ្រាយធំក្នុងខេត្តអាឡែប ដោយរៀបចំការប្រយុទ្ធមួយនៅខាងក្នុងទីក្រុង និងនៅតំបន់ជុំវិញក្រុងនោះ ។
អង្គការសិទ្ធិមនុស្សស៊ីរីស្និទ្ធពួកឧទ្ទាមOSDH និយាយថា កងទ័ពប្រមូលផ្តុំទាហានជាច្រើនពាន់នាក់នៅតំបន់អាឡែប និងថា ក្រុមហេសប៊ុលឡាហ៍បានបញ្ជូនបណ្តាមនុស្សរបស់គេមកជួយបណ្តុះបណ្តាលពួកស៊ីរីជាច្រើនរយនាក់ត្រៀមសម្រាប់ការប្រយុទ្ធ ។
កាលពីថ្ងៃទី៩ មិថុនា OSDH ក៏រាយការណ៍ផងដែរថា ក្រុមឧទ្ទាមអ៊ិស្លាមនិយមមួយក្រុមបានប្រហារជីវិតដោយគ្រាប់កាំភ្លើងក្នុងទីសាធារណៈនូវក្មេងជំទង់អាយុ១៥ឆ្នាំម្នាក់ ព្រោះតែរូបគេហ៊ាននិយាយពាក្យប្រមាថអ៊ិស្លាមក្នុងសង្កាត់ក្រុងអាឡែបមួយកាន់កាប់ដោយពួកឧទ្ទាម ។ នាយក OSDH និយាយថា ក្មេងប្រុសនោះត្រូវបាញ់សម្លាប់២គ្រាប់ ១គ្រាប់បាញ់ចូលក្នុងមាត់ ហើយ១គ្រាប់ទៀតបាញ់ត្រង់កញ្ចឹងក នៅមុខឪពុកម្តាយ និងបណ្តាបងប្អូនប្រុសស្រីរបស់គេ៕
ចែករំលែកព័តមាននេះ