ចាប់សាច់សត្វក្រួចជាង២តោន ដែលឈ្មួញនាំចូលពីស្រុកយួនដុតកម្ទេចចោល
- ភ្នំពេញ
រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីវេលាម៉ោង៥ និង២០នាទីទៀបភ្លឺ ឈានចូលថ្ងៃទី៦ វិច្ឆិកា លោកឧត្តមសេនីយ៍ឯក ចាន់ វ៉ានធឿន…
រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីវេលាម៉ោង៥ និង២០នាទីទៀបភ្លឺ ឈានចូលថ្ងៃទី៦ វិច្ឆិកា លោកឧត្តមសេនីយ៍ឯក ចាន់ វ៉ានធឿន…
រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីវេលាម៉ោង៥ និង២០នាទីទៀបភ្លឺ ឈានចូលថ្ងៃទី៦ វិច្ឆិកា លោកឧត្តមសេនីយ៍ឯក ចាន់ វ៉ានធឿន ប្រធាននាយកដ្ឋាននគរបាលប្រឆាំបទល្មើសសេដ្ឋកិច្ចក្រសួងមហាផ្ទៃ បានដឹកនាំកម្លាំងសមត្ថកិច្ចក្រោមឱវាទ សហការជាមួយអគ្គនាយកដ្ឋានកាំកុងត្រូល ក្រោមការ សម្របសម្រួល ពីសំណាក់លោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះបង្រា្កប ករណីនាំចូលសាច់សត្វក្រួច គ្មានច្បាប់អនុញ្ញាតពីប្រទេសវៀតណាមមួយករណី។
ជាលទ្ធផលបានធ្វើការ ចាប់ឃាត់រថយន្ត ១គ្រឿងម៉ាក ហ៊ីយ៉ាន់ដាយ ស្លាកលេខ ភ្នំពេញ ៣E-៥៨៦៨ នៅចំណុចផ្លូវ ជា សុផារ៉ា សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ដោយមានការត្រួតពិនិត្យ និងឆែកឆេរជាក់ស្តែងរកឃើញថា ឈ្មួញបានដឹកសាច់សត្វក្រួច ប្រមាណជាង២តោនកន្លះ ចូលមកបម្រុងធ្វើចរាចរ លើទីផ្សារក្នុងព្រះរាជាណាចក្រកម្ពុជា។ ក្រោយពេលពិនិត្យហើយដឹងថា ទំនិញនាំចូលក្នុងប្រទេស ដោយគ្មានច្បាប់អនុញ្ញាត និងជាប្រភេទសាច់សត្វដែលខូចគុណភាព ទើបលោកព្រះរាជអាជ្ញារង សម្រេចធ្វើការដកហូតដើម្បីរក្សាទុក។
លុះដល់រសៀលថ្ងៃដដែល ត្រូវបានអនុញ្ញាតឱ្យបង្កើតគណៈកម្មការ រៀបចំដុតកម្ទេចចោលនៅទីលានចាក់សំរាមបឹងជើងឯក ក្នុងខណ្ឌដង្កោ រាជធានីភ្នំពេញតែម្តងទៅ។ ចំណែករថយន្ត១គ្រឿង និងអ្នកបើកបរម្នាក់ ពាក់ព័ន្ធដឹកសាច់សត្វក្រួចគ្មានច្បាប់អនុញ្ញាតនោះ ត្រូវបានសមត្ថកិច្ចនាំខ្លួនទៅនាយកដ្ឋាន ដើម្បីធ្វើការសាកសួរតាមនីតិវិធី៕
ចែករំលែកព័តមាននេះ