កំណើនផលិតផលកសិកម្មនៅលើពិភពលោកត្រូវគេរំពឹងថានឹងធ្លាក់ចុះនាពេល១០ឆ្នាំខាងមុខ នេះបើយោងតាមរបាយកាណ៍រួមគ្នារបស់ភ្នាក់ងារស្បៀងអាហារអង្គការសហប្រជាជាតិ និងអង្គការ OECD ។ អង្គការ FAO និងអង្គការដើម្បីការអភិវឌ្ឍ និងសហប្រតិបត្ដិការសេដ្ឋកិច្ច (OECD) និយាយថា ទិន្នផលកសិកម្មនៅលើពិភពលោកត្រូវបានគេព្យាករថានឹងកើនជាមធ្យម១,៥% ក្នុងមួយឆ្នាំ
កំណើនផលិតផលកសិកម្មនៅលើពិភពលោកត្រូវគេរំពឹងថានឹងធ្លាក់ចុះនាពេល១០ឆ្នាំខាងមុខ នេះបើយោងតាមរបាយកាណ៍រួមគ្នារបស់ភ្នាក់ងារស្បៀងអាហារអង្គការសហប្រជាជាតិ និងអង្គការ OECD ។ អង្គការ FAO និងអង្គការដើម្បីការអភិវឌ្ឍ និងសហប្រតិបត្ដិការសេដ្ឋកិច្ច (OECD) និយាយថា ទិន្នផលកសិកម្មនៅលើពិភពលោកត្រូវបានគេព្យាករថានឹងកើនជាមធ្យម១,៥% ក្នុងមួយឆ្នាំ ចាប់ពីឆ្នាំ២០១៣ដល់ឆ្នាំ២០២២ ។ របាយការណ៍នោះក៏បាននិយាយថា កង្វះផលិតកម្ម ការប្រែប្រួលតម្លៃឆាប់រហ័ស និងការបង្អាក់ពាណិជ្ជកម្មនៅតែជាការគំរាមកំហែងចំពោះសន្ដិសុខស្បៀងអាហារពិភពលោក ។
របាយការណ៍នោះបានស្ដីបន្ទោសចំពោះការធ្លាក់ចុះនៃទិន្នផលដោយសារតម្លៃឡើងថ្លៃ និងកំហិតធនធានកើនឡើងរួមជាមួយនឹងកំណើនសម្ពាធបរិស្ថាន ដែលត្រូវបានគេប្រមើមើលថានឹងរារាំងចំពោះការឆ្លើយតបនឹងការផ្គត់ផ្គង់នៅគ្រប់តំបន់ទាំងអស់ ។
របាយការណ៍ដដែលបានឱ្យដឹងថា ចំនួនប្រជាជននៅលើពិភពលោកត្រូវគេរំពឹងថានឹងកើនឡើងតែ១%ប៉ុណ្ណោះក្នុងមួយឆ្នាំនៅអំឡុងពេលនោះ ប៉ុន្ដែស្បៀងនឹងឡើងថ្លៃដោយសារមានតម្រូវការខ្ពស់នៅក្នុងប្រទេសកំពុងអភិវឌ្ឍន៍ ។ កំណើនប្រជាជន ប្រាក់ចំណូលកាន់តែខ្ពស់ នគរូបនីយកម្ម និងការផ្លាស់ប្ដូរការតមអាហារគឺជាបញ្ហាចម្បងទាំងអស់ ។
របាយការណ៍ដែលចេញផ្សាយនៅទីក្រុងប៉េកាំងបាននិយាយថា ប្រទេសចិនក៏ត្រូវបានគេព្យាករថានឹងជួបកំណើនទិន្នផលទាបដែរនៅក្នុងរយៈពេល១០ឆ្នាំខាងមុខជាមួយនឹងកំហិតធនធាន និងកម្លាំងពលកម្មស្រុកស្រែចម្ការ ។ចំនួនប្រជាជនដែលគ្មានអាហារបរិភោគគ្រប់គ្រាន់នៅប្រទេសចិនបានធ្លាក់ចុះដល់ជិត១០០លាននាក់ ចាប់តាំងពីឆ្នាំ១៩៩០ នៅពេលដែលចំនួនប្រជាជនបានកើនឡើង២០០លាននាក់ ។ ប៉ុន្ដែប្រទេសដែលមានសេដ្ឋកិច្ចធំបំផុតទី២លើពិភពលោកមួយនេះបាននាំចូលស្បៀងអាហារ និងផលិតផលកសិកម្មចំនួន១២,៩%កាលពីឆ្នាំមុន ពោលគឺកើនឡើងពី៦,២%កាលពីឆ្នាំ២០១១ ហើយអត្រានោះអាចកើនឡើងបន្ថែមទៀត៕
ចែករំលែកព័តមាននេះ