រាជធានីភ្នំពេញ ៖ សាកសពស្រ្តីម្នាក់ដែលឃាតករមិនស្គាល់មុខសម្លាប់ច្រកការ៉ុងយកទៅប្លុងចោលនៅក្នុងខណ្ឌដង្កោ កាលពី ៣ថ្ងៃ មុន មកដល់ពេលនេះ សមត្ថកិច្ចនៅតែមានការអះអាងថា ពុំទាន់ស្គាល់អត្តសញ្ញាណនៅឡើយបើទោះជាមានស្រ្តីមា្នក់មកអះអាងថា ជាសពកូនស្រីរបស់គាត់យ៉ាងណាក៏ដោយ ។
រាជធានីភ្នំពេញ ៖ សាកសពស្រ្តីម្នាក់ដែលឃាតករមិនស្គាល់មុខសម្លាប់ច្រកការ៉ុងយកទៅប្លុងចោលនៅក្នុងខណ្ឌដង្កោ កាលពី ៣ថ្ងៃ មុន មកដល់ពេលនេះ សមត្ថកិច្ចនៅតែមានការអះអាងថា ពុំទាន់ស្គាល់អត្តសញ្ញាណនៅឡើយបើទោះជាមានស្រ្តីមា្នក់មកអះអាងថា ជាសពកូនស្រីរបស់គាត់យ៉ាងណាក៏ដោយ ។
ទាក់ទឹននឹងករណីខាងលើ លោកវីរសេនីយ៍ឯក ជួន ណារិន្ទ ស្នងការរង និងជាប្រធានការិយាល័យកណ្តាលនគរបាលព្រហ្មទណ្ឌរាជធានីភ្នំពេញ បានបញ្ជាក់ប្រាប់កោះសន្តិភាពតាមទូរស័ព្ទកាលពីរសៀលថ្ងៃទី០៦ មិថុនា ២០១៣ នេះថា សពស្រ្តីម្នាក់នោះ សមត្ថកិច្ចនៅមិនទាន់ស្គាល់អត្តសញ្ញាណនៅឡើយទេ ។ លោកបន្តថា នឹងទុកពេលពេញ ១ថ្ងៃ នេះទៀត ដើម្បីស្រាវជ្រាវ និងស្វែងរកសាច់ញាតិពិតប្រាកដ ប៉ុន្តែបើរកមិនឃើញទេ សមត្ថកិច្ចនឹងបង្កើតគណៈកម្មការរួមមួយ ដែលមានព្រះរាជអាជ្ញាសាលាដំបូងរាជធានីភ្នំពេញ ចូលរួមធ្វើពិធីបូជាសព នៅថ្ងៃទី០៧ មិថុនា ២០១៣ ស្អែកនេះ ។
គួរបញ្ជាក់ថា នៅល្ងាចថ្ងៃដដែលនេះ ប្រភពពីសមត្ថកិច្ចកងរាជអារុធហត្ថរាជធានីភ្នំពេញ បានឱ្យដឹងថា បុរសម្នាក់ដែលបានឃាត់ខ្លួននៅទីបញ្ជាការកងរាជអារុធហត្ថរាជធានីភ្នំពេញ អស់រយៈពេល ៤៨ម៉ោង ដែលសង្ស័យថាជាប្តីសាកសពនោះ ក៏នៅតែមិនមានចម្លើយច្បាស់លាស់ថា សពនោះជាភរិយារបស់គាត់ដែរ ហើយបុរសនោះ នឹងអនុញ្ញាតឱ្យមានសេរីភាពវិញ ។
ប្រភពមួយទៀតពីស្រ្តីម្នាក់មកពីខេត្តតាកែវ បានអះអាងថា សាកសពខាងលើ គឺជាកូនស្រីរបស់គាត់ និងទទូចសុំសពយកទៅធ្វើបុណ្យតាមប្រពៃណី ៕
ចែករំលែកព័តមាននេះ