ខេត្តកោះកុង ៖ តំណាងសមាគម និងបញ្ញាវ័ន្តស្ម័គ្រចិត្តក្រុម១២ សាខាប្រចាំខេត្តកោះកុង រួមនិងអាជ្ញាធរខេត្តនៅព្រឹកថ្ងៃទី៦ មិថុនា ២០១៣ នេះ បាននាំអំណោយមួយចំនួនយកទៅផ្តល់ជូនដល់ក្រុមគ្រួសាររងគ្រោះ ដោយសារភ្លើងឆេះផ្ទះឈើប្រក់ស័ង្កសីមួយខ្នង កាលពីវេលាម៉ោង៧ និង៣០នាទីយប់ថ្ងៃទី៥ មិថុនា ២០១៣ ស្ថិតក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្ត
ខេត្តកោះកុង ៖ តំណាងសមាគម និងបញ្ញាវ័ន្តស្ម័គ្រចិត្តក្រុម១២ សាខាប្រចាំខេត្តកោះកុង រួមនិងអាជ្ញាធរខេត្តនៅព្រឹកថ្ងៃទី៦ មិថុនា ២០១៣ នេះ បាននាំអំណោយមួយចំនួនយកទៅផ្តល់ជូនដល់ក្រុមគ្រួសាររងគ្រោះ ដោយសារភ្លើងឆេះផ្ទះឈើប្រក់ស័ង្កសីមួយខ្នង កាលពីវេលាម៉ោង៧ និង៣០នាទីយប់ថ្ងៃទី៥ មិថុនា ២០១៣ ស្ថិតក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ខណៈពេលដែលម្ចាស់ផ្ទះចាក់សោចោល រួចចេញទៅជប់លៀងនៅផ្ទះមិត្តភក្តិ ។
អំណោយទាំងនោះរួមមានអង្ករ២៥គីឡូក្រាម, ទឹកសុទ្ធ២យួរ, មី២កេស, ក្រមា២, សារុង១, មុង២, ផ្តិល២ ព្រមទាំងថវិកាចំនួន២០ម៉ឺនរៀល ដែលជាអំណោយរបស់អាជ្ញាធរខេត្ត ។ ទន្ទឹមនឹងនោះដែរ សាខាកាកបាទក្រហមខេត្ត និងអនុសាខាកាកបាទក្រហមក្រុងខេមរភូមិន្ទ ដែលដឹកនាំដោយលោកធូ វិបុល អភិបាលក្រុង ក៏មាននាំអំណោយមួយចំនួនទៅចែកជូនដល់គ្រួសាររងគ្រោះដោយអគ្គិភ័យខាងលើនេះដែរ ៕
ចែករំលែកព័តមាននេះ