អាជ្ញាធររដ្ឋផ្លរីដារបស់សហរដ្ឋអាមេរិកគូសបញ្ជាក់កាលពីថ្ងៃទី៥ មិថុនាថា លោកយាយ GLORIA MACKENZIE អាយុ៨៤ឆ្នាំ រស់នៅរដ្ឋផ្លរីដា ភាគអាគ្នេយ៍សហរដ្ឋអាមេរិក ជាមនុស្សមហាសំណាងត្រូវឆ្នោតដល់ទៅ៥៩០,៥លានដុល្លារ ដែលឆ្នោតនោះរបស់អាមេរិកចេញកាលពីខែឧសភា ។
អាជ្ញាធររដ្ឋផ្លរីដារបស់សហរដ្ឋអាមេរិកគូសបញ្ជាក់កាលពីថ្ងៃទី៥ មិថុនាថា លោកយាយ GLORIA MACKENZIE អាយុ៨៤ឆ្នាំ រស់នៅរដ្ឋផ្លរីដា ភាគអាគ្នេយ៍សហរដ្ឋអាមេរិក ជាមនុស្សមហាសំណាងត្រូវឆ្នោតដល់ទៅ៥៩០,៥លានដុល្លារ ដែលឆ្នោតនោះរបស់អាមេរិកចេញកាលពីខែឧសភា ។
លោកយាយរូបនេះត្រូវឆ្នោតរង្វាន់ធំបំផុតពុំធ្លាប់មានក្នុងប្រវត្តិសាស្ត្រដោយមនុស្សតែម្នាក់គត់ ។ យោងតាមពួកអ្នកចាត់ចែងចេញឆ្នោត POWERBALL នោះថា លោកយាយ GLORIA MACKENZIE បានសម្រេចបើកយកប្រាក់នោះទាំងអស់ក្នុង១លើកដែលក្រោយការបង់ពន្ធ គាត់អាចបើកបាន៣៧០,៨លានដុល្លារ។ ឈ្មោះរបស់អ្នកឈ្នះឆ្នោតនេះត្រូវបានទម្លាយប្រាប់ដោយអាជ្ញាធររដ្ឋផ្លរីដា ក្នុងឱកាសសន្និសីទសារព័ត៌មានមួយនៅឯទីក្រុង TALLAHASSEE ភាគខាងជើងរដ្ឋនោះដោយលោកយាយ GLORIA MACKENZIE ពុំបានទៅចូលរួមឡើយ ។
អាជ្ញាធរបញ្ជាក់ថា លោកយាយរូបនេះបានទិញសន្លឹកឆ្នោតដែលឈ្នះរង្វាន់ធំនោះក្នុងសាខាមួយរបស់ផ្សារទំនើប PUBLIX នៅក្រុង ZEPHYRHILLS ជាទីក្រុងមួយមានប្រជាជន ១៣.០០០នាក់ ស្ថិតនៅចម្ងាយ៥០គីឡូម៉ែត្រពីទីក្រុងតាមបា៉ា ។ ឆ្នោតដែលទិញក្នុងមួយសន្លឹកថ្លៃ២អឺរ៉ូនោះបានត្រូវពេលចេញឆ្នោតកាលពីយប់ថ្ងៃទី១៨មក១៩ ឧសភា ដោយកាលពីពេលចេញមុន ឆ្នោតនោះត្រូវត្រឹមតែ៣៦៤លានដុល្លារ។ ប្រសិនបើគ្មានអ្នកឈ្នះនាពេលនោះទេ រង្វាន់ធំនេះនឹងទុកបូកបន្ថែមសម្រាប់ចេញឆ្នោតនាពេលខាងមុខ ដែលអ្នកត្រូវអាចទទួលបានរង្វាន់ដល់ទៅជិត១.០០០លានដុល្លារឯណោះ ៕
ចែករំលែកព័តមាននេះ