ខេត្តសៀមរាប ៖ លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាបបានយកថវិកាបើកជូនដល់និវត្តន៍ជនក្របខណ្ឌនគរបាលជាតិក្នុងខេត្តសៀមរាបចំនួន២៤នាក់ សរុបចំនួន១៦២លាន ១៨ម៉ឺន៨.៤៨០រៀល នាព្រឹកថ្ងៃទី០១ ខែវិច្ឆិកា…
ខេត្តសៀមរាប ៖ លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាបបានយកថវិកាបើកជូនដល់និវត្តន៍ជនក្របខណ្ឌនគរបាលជាតិក្នុងខេត្តសៀមរាបចំនួន២៤នាក់ សរុបចំនួន១៦២លាន ១៨ម៉ឺន៨.៤៨០រៀល នាព្រឹកថ្ងៃទី០១ ខែវិច្ឆិកា ឆ្នាំ២០១៨ នៅស្នងការនគរបាលខេត្តសៀមរាប ។
លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាបបានមានប្រសាសន៍ថា ក្នុងនាមថ្នាក់ដឹកនាំ និងកងកម្លាំងនគរបាលខេត្តទាំងអស់សូមសំដែងនូវការដឹងគុណយ៉ាងជ្រាលជ្រៅចំពោះមន្ត្រីចូលនិវត្តន៍ទាំងអស់ដែលកន្លងមកអស់លោកបានលះបង់យ៉ាងធំធេងចូលរួមចំណែកយ៉ាងសកម្មក្នុងការកសាងការពារជាតិមាតុភូមិរបស់យើង ហើយថ្វីត្បិតតែពេលនេះលោកបានចូលនិវត្តន៍ក៏ពិតមែន តែអង្គភាពនៅតែត្រូវការអស់លោកក្នុងការជួយផ្តល់នូវមតិយោបល់ និងបទពិសោធន៍ល្អៗសម្រាប់ប្អូនៗ និងក្មួយៗជំនាន់ក្រោយ ដើម្បីអនុវត្តន៍បន្តលើការងារជំនាញឲ្យកាន់តែមានប្រសិទ្ធភាព និងមានតម្លាភាព ។
ក្នុងឱកាសនោះដែរលោកឧត្តមសេនីយ៍ទោ ទិត្យ ណារ៉ុង បានសំណូមពរសុំឲ្យបងប្អូនយើងទាំងអស់ចូលរួមចលនាប្រជាការពារភូមិ នៅក្នុងមូលដ្ឋានរបស់បងប្អូនរស់នៅក្នុងការបង្ក្រាបទប់ស្កាត់នូវរាល់បទល្មើសគ្រប់ប្រភេទ ដើម្បីរក្សាការពារបាននូវសន្តិសុខសុវត្តិភាព និងសណ្តាប់ធ្នាប់សាធារណៈឲ្យបានកាន់តែល្អប្រសើរឡើងថែមទៀតស្របតាមការអនុវត្តគោលនយោបាយភូមិឃុំមានសុវត្ថិភាព ដែលយើងទាំងអស់គ្នាកំពុងតែអនុវត្តយ៉ាងមានប្រសិទ្ធភាព និងតម្លាភាព ៕
ចែករំលែកព័តមាននេះ