សោកស្តាយ! ដំរីព្រៃ១ក្បាលជា.ប់ផុងក្នុងភក់ បានស្លា.ប់ហើយ ក្រោយខំព្យាបាលអស់១សប្តាហ៍
- មណ្ឌលគិរី
ខេត្តមណ្ឌលគិរី ៖ ក្រោយខិតខំព្យាបាលសត្វដំរីព្រៃដែលជាប់ផុងភក់អស់ពេលមួយសប្តាហ៍ នាព្រឹក
ខេត្តមណ្ឌលគិរី ៖ ក្រោយខិតខំព្យាបាលសត្វដំរីព្រៃដែលជាប់ផុងភក់អស់ពេលមួយសប្តាហ៍ នាព្រឹក
ខេត្តមណ្ឌលគិរី ៖ ក្រោយខិតខំព្យាបាលសត្វដំរីព្រៃដែលជាប់ផុងភក់អស់ពេលមួយសប្តាហ៍ នាព្រឹកថ្ងៃទី១០ ខែឧសភា ឆ្នាំ២០២៤ តាមដំណឹងចុងក្រោយបានឱ្យដឹងថា សត្វដំរីញី១ក្បាលនេះបានបាត់បង់ជីវិតហើយកាលពីវេលាម៉ោង៥ព្រឹកមិញ។ គួររំលឹកថា ប្រទះឃើញដំរី១ក្បាលជាប់ផុ.ងក្នុងភក់ ស្ថិតក្នុងសភាពអស់កម្លាំ.ងជាខ្លាំង
យោងតាមព័ត៌មានដែលកោះសន្តិភាពទទួលបានពីមន្ត្រីជំនាញ ពិតជាមានការសោកស្តាយជាពន់ពេកចំពោះការបាត់បង់ជីវិតសត្វដំរីព្រៃញី១ក្បាលដែល មានរបួសធ្ងន់ធ្ងរនៅចំណុចអូរក្រាក់នៃដែនជម្រកសត្វព្រៃភ្នំព្រេច នៅវេលាម៉ោង៥និង៣៨នាទីព្រឹក។
គួររំលឹកថា ក្រុមការងារនៃដែនជម្រកសត្វព្រៃភ្នំព្រេចបានប្រទះឃើញសត្វដំរីព្រៃញីមួយក្បាលបានជាប់ក្នុងល្បាប់ភក់ចំណុចអូរក្រាក់ កាលពីថ្ងៃទី៣០ ខែមេសាឆ្នាំ ២០២៤។
ក្រុមការងារនៃមន្ទីរបរិស្ថានខេត្តមណ្ឌលគិរី រួមសហការជាមួយអង្គការ WWF មន្ត្រីជំនាញ និងក្រុមការងារនៃក្រុមហ៊ុនលឹមរ៉ូយ៉ាល់បាន ធ្វើការជួយសង្គ្រោះសត្វដំរីព្រៃញីមួយក្បាលដែលកំពុងជាប់ក្នុងល្បាប់ភក់និងមានរបួសជើងមុខខាងឆ្វេងនិងផ្នែកពោះអស់រយៈពេលបីថ្ងៃនៅកន្លែងកើតហេតុ។
ក្រុមការងារក៏បានដឹកជញ្ជូនដំរីព្រៃញីមួយក្បាលនេះមកបន្តព្យាបាលនៅទីស្នាក់ការកណ្ដាលរយ៉លើ នៃដែនជម្រកសត្វព្រៃលំផាត់មណ្ឌលគិរី។ ដោយសុខភាព សត្វដំរីព្រៃញីមួយក្បាលនេះមានសភាពខ្សោយពីមួយថ្ងៃទៅមួយថ្ងៃ នាថ្ងៃទី១០ ខែឧសភាឆ្នាំ ២០២៤ ក៏បានស្លាប់បាត់បង់ជីវិត។
បើតាមការបញ្ជាក់ពីមន្ត្រីបរិស្ថានខេត្ត នៅវេលាម៉ោង២រសៀលនាថ្ងៃទី១០នេះ ក្រុមការងារនឹងរៀបចំជីករណ្តៅកប់សពសត្វដំរី នៅទីស្នាក់ការរយ៉លើដែនជម្រកសត្វព្រៃលំផាត់ ភូមិមេមុំ ឃុំរយ៉ ស្រុកកោះញែក ខេត្តមណ្ឌលគិរី ៕
ចែករំលែកព័តមាននេះ