ចិនប្រកាសដាក់ទណ្ឌកម្មបណ្តាក្រុមហ៊ុនការពារជាតិអាមេរិក ពាក់ព័ន្ធនឹងកោះតៃវ៉ាន់
ទីក្រុងប៉េកាំង ៖ ប្រទេសចិន នៅថ្ងៃទី ២០ ខែ ឧសភា ឆ្នាំ ២០២៤ បានប្រកាសអំពីការដាក់ទណ្ឌកម្ម
ទីក្រុងប៉េកាំង ៖ ប្រទេសចិន នៅថ្ងៃទី ២០ ខែ ឧសភា ឆ្នាំ ២០២៤ បានប្រកាសអំពីការដាក់ទណ្ឌកម្ម
ទីក្រុងប៉េកាំង ៖ ប្រទេសចិន នៅថ្ងៃទី ២០ ខែ ឧសភា ឆ្នាំ ២០២៤ បានប្រកាសអំពីការដាក់ទណ្ឌកម្មលើក្រុមហ៊ុនការពារជាតិអាមេរិកចំនួន ៣ ជុំវិញការលក់អាវុធទៅឱ្យកោះតៃវ៉ាន់ ស្របពេលកោះមួយនេះ កំពុងស្វាគមន៍ប្រធានាធិបតីថ្មីរបស់ខ្លួន។
ប្រភពពីសារព័ត៌មាន The Straits Times របស់ប្រទេសសិង្ហបុរី បានឱ្យដឹងថា ក្រសួងពាណិជ្ជកម្មចិនបានប្រកាសថា ក្រុមហ៊ុនការពារជាតិអាមេរិកចំនួន ៣ ដែលរួមមាន General Atomic Aeronautical Systems ក្រុមហ៊ុន General Dynamics Land Systems និងក្រុមហ៊ុន Boeing Defense, Space & Security នឹងត្រូវបានបញ្ចូលទៅក្នុងបញ្ជីខ្មៅ «អង្គភាពមិនគួរឱ្យទុកចិត្ត» របស់ទីក្រុងប៉េកាំង។
ទីភ្នាក់ងារសារព័ត៌មានរដ្ឋចិន ស៊ីនហួ (Xinhua) បានឱ្យដឹងថា ក្រុមហ៊ុនការពារជាតិអាមេរិកទាំង ៣ នឹងត្រូវបានរារាំងមិនឱ្យចូលរួមនៅក្នុងសកម្មភាពនាំចូល ឬ នាំចេញ ដែលទាក់ទងនឹងប្រទេសចិន ហើយត្រូវបានហាមឃាត់មិនឱ្យធ្វើការវិនិយោគថ្មី នៅក្នុងប្រទេសចិន ផងដែរ។ លើសពីនេះទៀត នាយកប្រតិបត្តិជាន់ខ្ពស់នៃក្រុមហ៊ុនទាំង ៣ ត្រូវបានហាមឃាត់មិនឱ្យចូលប្រទេសចិន ខណៈពេលដែលប័ណ្ណការងារពួកគេ នឹងត្រូវបានដកហូតវិញ។
ការប្រកាសនេះ បានធ្វើឡើងនៅពេលដែលលោក ឡៃ ជីងតេ (Lai Ching-te) នៅថ្ងៃទី២០ ខែឧសភា ឆ្នាំ២០២៤ បានស្បថចូលកាន់តំណែងជាប្រធានាធិបតីកោះតៃវ៉ាន់ ដែលត្រូវប្រឈមមុខនឹងសម្ពាធយោធាចិន ដែលកំពុងកើនឡើងពីមួយថ្ងៃទៅមួយថ្ងៃ។ ប្រទេសចិននៅតែអះអាង និងទាមទារកោះតៃវ៉ាន់ ដែលជាផ្នែកនៃទឹកដីរបស់ខ្លួន ហើយបានចាត់ទុកវត្តមានលោក ឡៃ ជីងតេ វ័យ៦៤ឆ្នាំ គឺជាអ្នកបំបែកខ្លួនដ៏គ្រោះថ្នាក់ ដែលនឹងនាំមកនូវសង្គ្រាម ដ៏ដូចជាភាពអន្តរាយដល់កោះមួយនេះ។
សហរដ្ឋអាមេរិក គឺជាដៃគូដ៏សំខាន់បំផុតរបស់កោះតៃវ៉ាន់ ហើយក៏ជាអ្នកផ្គត់ផ្គង់អាវុធធំបំផុតផងដែរ។ កាលពីខែមេសាកន្លងទៅ សហរដ្ឋអាមេរិកបានអនុម័តកញ្ចប់ជំនួយយោធាដ៏ធំមួយសម្រាប់កោះតៃវ៉ាន់ ដោយក្នុងនោះរួមទាំងកញ្ចប់ជំនួយ ១.៩ពាន់លានដុល្លារ សម្រាប់បំពេញបន្ថែមឧបករណ៍យោធា និងការហ្វឹកហ្វឺន។ ២ពាន់លានដុល្លារផ្សេងទៀត នឹងត្រូវប្រើប្រាស់សម្រាប់ហិរញ្ញប្បទានយោធាបរទេស សម្រាប់ប្រទេសនៅក្នុងតំបន់ ដែលក្រោយមក ប្រទេសចិនបានព្រមានថា សកម្មភាពនេះ នឹងបង្កើនហានិភ័យនៃជម្លោះ នៅតាមបណ្តោយច្រកសមុទ្រតៃវ៉ាន់៕ រូបភាព ៖ Reuters
ចែករំលែកព័តមាននេះ