ADផ្ទាំងផ្សព្វផ្សាយពាណិជ្ជកម្ម

ឃាត់ខ្លួនប្រុសស្រី៥នាក់ នាំគ្នាដុ.តខ្សែភ្លើងយកស្ពាន់នៅក្នុងឃ្លុបក្រោមស្ពានជ្រោយចង្វា ឆេះផ្អើល

3 នាទី មុន

ភ្នំពេញ
០៨ ខែ មេសា ឆ្នាំ ២០២៦ ម៉ោង ១៤:០៦

រាជធានីភ្នំពេញ ៖ ជនអនាថាចំនួន៥នាក់ត្រូវបានកម្លាំងសណ្តាប់ធ្នាប់ខណ្ឌចង្វារឃាត់ខ្លួន បន្ទាប់ពីពួកគេលូនចូលទៅស្នាក់នៅក្នុងឃ្លុបក្រោមស្ពានជ្រោយចង្វារ(គល់ស្ពានខាងកើត)ក្នុងសង្កាត់ជ្រោយចង្វារ ហើយដុតខ្សែភ្លើងយកស្ពាន់ ឆេះហុយផ្អើលដល់សមត្ថកិច្ចនិងអាជ្ញាធរហៅរថយន្តពន្លត់អគ្គីភ័យទៅអន្តរាគមន៍ពន្លត់។ ហេតុការណ៍ខាងលើនេះបង្កឲ្យមានការភ្ញាក់ផ្អើលជាច្រើនម៉ោង កាលពីព្រឹកថ្ងៃទី៨ ខែមេសាឆ្នាំ២០២៦នេះដោយរថយន្តពន្លត់អគ្គិភ័យចំនួន១គ្រឿងបានទៅអន្តរាគមន៍បាញ់ពន្លត់។ តាមព័ត៌មានបានឲ្យដឹងថា…

ហេតុការណ៍ខាងលើនេះបង្កឲ្យមានការភ្ញាក់ផ្អើលជាច្រើនម៉ោង កាលពីព្រឹកថ្ងៃទី៨ ខែមេសាឆ្នាំ២០២៦នេះដោយរថយន្តពន្លត់អគ្គិភ័យចំនួន១គ្រឿងបានទៅអន្តរាគមន៍បាញ់ពន្លត់។

តាមព័ត៌មានបានឲ្យដឹងថា ម៉ោងប្រមាណ៦និង៣០នាទីព្រឹកថ្ងៃកើតហេតុ មានជនអនាថាមួយក្រុមមានស្រីមានប្រុស ដែលបានលូនចូលទៅស្នាក់នៅក្នុងឃ្លុបក្រោមស្ពានជ្រោយចង្វារចាស់ បានដុតខ្សែភ្លើងយកស្ពាន់នៅក្នុងឃ្លុបស្ពាននោះ បណ្តាលអោយឆេះហុយផ្សែងមកក្រៅ បង្កឲ្យមានការភ្ញាក់ផ្អើលដល់អ្នកដំណើរ ស្មានតែឆេះស្ពាន ។ ភ្លាមៗនោះ អាជ្ញាធរនិងសមត្ថកិច្ចខណ្ឌជ្រោយចង្វារបានចុះទៅអន្តរាគមន៍ ព្រមទាំងទាក់ទងហៅរថយន្តពន្លត់អគ្គីភ័យទៅបាញ់ពន្លត់ ដោយសារតែភ្លើងឆេះនៅក្នុងឃ្លុបបែបនេះ បានធ្វើអាជ្ញាធរនិងសមត្ថកិច្ចមានការលំបាកក្នុងការបាញ់ពន្លត់។

តាមប្រភពពីកម្លាំងសណ្ដាប់ធ្នាប់ខណ្ឌជ្រោយចង្វារបានឲ្យដឹងថា ជនអនាថា ចំនួន ៥នាក់ ក្នុងនោះមានស្រី២នាក់ត្រូវបានកម្លាំងសណ្តាប់ធ្នាប់ និង សមត្ថកិច្ចឃាត់ខ្លួន បន្ទាប់ពីដុតខ្សែភ្លើងនិងរបស់របរយកស្ពាន់នៅក្នុងឃ្លុបក្រោមស្ពានជ្រោយចង្វារបង្កឲ្យមានការភ្ញាក់ផ្អើល។

ជនអនាថាទាំងនោះត្រូវបានអាជ្ញាធរបញ្ជូនទៅកាន់មន្ទីរសង្គមកិច្ចរាជធានីភ្នំពេញដើម្បីបញ្ជូនបន្តទៅមណ្ឌលកែប្រែឱកាសខ្ញុំ។

គួរបញ្ជាក់ថា នៅក្នុងឃ្លុបក្រោមស្ពានជ្រោយចង្វារ ជាកន្លែងស្នាក់នៅរបស់ជនអនាថា ។ កន្លងមកអាជ្ញាធរសង្កាត់ ខណ្ឌតែងតែចុះណែនាំនិងឃាត់ខ្លួន បញ្ជូនទៅកាន់មណ្ឌលកែប្រែជាបន្តបន្ទាប់ តែជនណាថាមួយចំនួននៅតែបន្តលួចលូនចូលទៅស្នាក់នៅយ៉ាងអនាធិបតេយ្យទៀត និងបានដុតខ្សែភ្លើង បង្កឱ្យមានការភ្ញាក់ផ្អើល ៕